-
Yehova Oli Dhavi?Kajavo Egumi Yamukalakala!—Kursu ya masunzo a Bibilia
-
-
3. Yehova ononiha dhavi onikwela waye?
Mukalelo wamakamaka wa Yehova, okwela. Txibarene, Bibilia onologa wi ‘Mulugu okwela’. (1 Joau 4:8) Yehova ohinooniha okwela waye, kahiye mBibilianivi bahi, mbwenye vina na dhottandda dhaye. (Kengesa Merelo 14:17.) Motagiha, karoma wona mukalelo onittanddiliye. Iyene ohinivaha ewodhelo ya wonana kori dhokoddela-koddela, yovuruwana jibo vina weha dhoja dhoziva. Iyene onfuna wila nijevo egumi.
-
-
Dhilobo Gani Dhinkosa Marelijiau Ottambi Dhinattukulela Attu Okodda Omwebedha Mulugu?Kajavo Egumi Yamukalakala!—Kursu ya masunzo a Bibilia
-
-
2. Marelijiau ottambi anattukulela dhavi attu okodda omwebedha Mulugu na dhinkosani?
Bibilia onloga wi ‘dhottega dha marelijiau ottambi dhipigeleya mpaka wirimu.’ (Ovuhulela 18:5) Mwa vyaka dhinjidhene, marelijiau anovitaganyiha na politika vina anokamihedha koddo. Ottiya ejo, awene ahitatamula vina ahirumela opiwa wa attu matxikwi-na-matxikwi. Asogorheli ena a marelijiau ahirela venjene mwaha wa mivaho dhimpitxa akamihedhi awa. Marelijiau aba, kanaweddiha attu ninga munaweddihedha Yehova. Asogorheliya anloga wi arumiwe na Mulugu mbwenye merelo awa kanlagiha ejuwene, awene kanimuziwa Mulugu.—Kengesa 1 Joau 4:8.
-