Onawodhe Dhavi Otonyihedha Ntamaalo na Ejile Enikoseli Yehova na Yezu

Weyo oniwamo dhavi ogavahiwa elobo na marho wawo? Txino weyo onowagalala venjene vina onotamela omutonyihedha marhoya wi ohiziveliwa na ejile yuvahiliye. Yehova na Yezu ahiniperekela mvaho ohinavahiwaga iyo na muttu mwina, yobolo. Ninalagihe dhavi wi ninotamaalela?

1. Ninatonyihedhe dhavi wi ninottittimiha ejile enikoseli Yehova vamodha na mwanaye Yezu?

Bibilia onopikirela wi ‘wotene oddule onimuroromela’ Yezu onele okalawo na mukalakala. (Joau 3:16) Mbwenye omuroromela entapulela eni? Kahiyo omuroromela Yezu bahi. Ninofwanyela otonyihedha nroromelo nehu mwari mwa dhogana vina dhowira dhehu. (Tiago 2:17) Nigatonyihedhaga na mazu vina merelo wi nikana nroromelo, ninolibiha mandano ehu na Yezu vina na Babe Yehova.—Kengesa Joau 14:21.

2. Mudhidhi gani onatonyihedhe iyo wi ninotamaalela ejile enikoseli Yehova na mwanaye Yezu?

Omattiyu womariha ahinatti okwa, Yezu wahawaddela anamafwara aye mukalelo ogatonyihedhilani wi anotamaalela mukutto wakosiliye. Iyene wahawaddela wi anfwanyela otugumanela mattanga a ttima abuwene ankuweliwa mBibiliani ninga “Wubuwela Okwa wa Yezu,” Yezu wafuna wi anamafwara aye—vina Akristu ebaribari anadhegewo obuwelege—wi iyene ohaperhekela egumi yaye. (1 Korinto 11:20) Nona iyene wahakokomeza: “Ejiyá eraganiví muddubuwelaga miyo.” (Luka 22:19) Ogadhowaga omuttuponi wa wubuwela okwa wa Yezu, onowoniha wi onolagiha okwela ononihile Yehova vamodha na Yezu.

KASUNZAVI

3. Mikalelo dha otonyihedha ntamalo

Kobuwela wi weyo onobwina mmajene nanda muttu badha wuvuna. Weyo ogahidduwala momaguva agawukoseli muttu oddo? Obe ogahikosa muli mwetemwene wi otonyihedhe otamalela wawo?

Nihikana njedhelo na okalawo na mukalakala sabwa ya Yehova. Kengesa 1 Joau 4:8-10, mugamala mutanaalele mavuzo aba:

• Mukutto oniperekele Yezu, okalelini nvaho wa ttima?

• Weyo oniwamo dhavi mwa oziwa yukosele Yehova vamodha na Yezu?

Ninawodhe dhavi otonyihedha we ninotamaalela ejile enikosele Yehova na Yezu Kristu? Kengesa 2 Korinto 5:15 na 1 Joau 4:11; 5:3. Mugamala wengesa nlebo nimodha-nimodha mutanaalele nivuzo ntti:

• Mowiwanana na yengesiliwe, ninakose eni wi nitonyihedhe otamalela?

4. Kamutagihe Yezu

Mukalelo mwina wa otonyihedha otamalela bwa omutagiha Yezu. Kengesa 1 Pedro 2:21, mugamala mutanaalele nivuzo ntti:

• Onawodhe dhavi ofwara ttarho dha Yezu?

5. Kujombe Omuttuponi wa Wubuwela okwa wa Yezu

Wila munonelemo epadduwile vamuttuponi woroma, Kengesa Luka 22:14, 19, 20. Mugamala mutanaalele mavuzo aba:

• Txini epadduwile Vamuttuponi wa Wubuwela Okwa wa Yezu?

• Pawu na vinyu entapulela eni?—Koona maversu 19, 20.

Yezu wafuna wi anamafwara aye akosege muttupo wa wubuwela okwa waye vyaka dhotene. Nona, Anamoona a Yehova anotugumana vyaka dhotedhene wi obuwele okwa wa Yezu na mukalelo onikokomeziliye. Wi osunze sabwa ya muttupo obu wa ttima, karumia VIDIYU. Mugamala mutanaalele nivuzo ntti.

VIDIYU: Wubuwela Okwa wa Yezu (1:41)

• Txini empadduwa vamuttuponiva?

Yezu wankwela nzu na Mulugu, wanlaleya miselu dhapama vina wannakamihedha attu

OGWADDELA

Ninowoniha wi ninottittimiha ejile enikosele Yezu modheela omuroromela vina ohijomba omuttuponi wa wubuwela okwa waye.

Kobuwela Dhisunziliwe

• Omuroromela Yezu entapulela eni?

• Ogawodhile dhavi otamalela ejile yukoseli Yehova na Yezu?

• Ekaleleni yamakamaka ohijombaga omuttuponi wa wubuwela okwa wa Yezu?

TAMELÁ ONONELAMO DERETU

Okwa wa Yezu onnittukulela okosa eni?

Ele Usou o Seu Corpo Para Horar a Jeová (9:28)

Kasunzavi, txini entapulela okana nroromelo.

“Roromelà Malibelo Akosile Yehova” (Mwang’aneli, Otuburu 2016)

Mwari mwa nsunzo “Eu me sinto limpa, viva e realizada,” koona mukalelo otxinjile egumi ya muyana dhahi mumaleliye ononelamo txini entapulela mukutto oniperekeli Yezu.

“A Bíblia Muda Vidas” (A Sentinela, 1.º de Agosto de 2011)

Koona sabwaya jani attu ang’onovi agajaga pawu vina agang’waga vinyu vamuttuponi wa wubuwela okwa wa Yezu.

“A Ceia do Senhor – Porque é Que as Testemunhas de Jeová a Celebram de Modo Diferente?” (Mitoma dha mu jw.org)