Onowodha Ozinddiyeliha Nroromelo Nawo?

Muthu-muthuvi agawuvuza wi txini enuthukulela orumela yawi ohikalawo muthanddi, onamwakule dhavi? Akala onofuna omwakula mwawakwana-mwene muthuya onela ofuna dhilobo bili: Yoroma, onofwanyela okana ebaribari wamunyene wi Mulugu dduthanddile dhamwilaboni. (Rom 12:1, 2) Ogamala onofwanyela wubuwela txini enfuniwe ologa wi omunonihedhemo muthu-muthuvi esile dhinrumeliwe.—Gano 15:28.

KOONA VIDIYU MUYANA ONLABA MPARHA ONSASANYIWA ARAGALI ONUMBANI YA EGUMI OHILOGA MWAHA WA NROROMELO NAYE VAMODHA NA YINA ENA MUTOMA, NAMASUNZA WA DHAMWINI OHILOGA MWAHA WA NROROMELO NAYE, OGAMALA WAKULE MAVUZO ABA:

• 

  Txini emuthukulele Irène Hof Laurenceau orumela dhothanddiwa othiya orumela wi dhokalawo dhil’opadduwa woka?

• 

  Txini emuthukulele Yaroslav Dovhanych orumela dhothanddiwa othiya orumela wi dhokalawo dhil’opadduwa woka?

• Onawodhe dhavi watapulelamo athu ejile enuthukulela orumela wi dhokalawo dhilothanddiwa?

• Epano gani ya nikuru na Yehova eliwo na elogelo yawo enawukamihedhe vina enakamihedhena weyo athu ena wi akane nroromelo nawi Mulugu dduthanddile dhotedhene dha mwilaboni?