Dhowakula dha Mabasa na Yeddelo Yehu ya Okristu
3-9 YA MAYU
MAFUMO A MAZU A MULUGU | OLEBELIWA 27-29
“Nimutagihe Yehova Ohinansakulano”
w13 15/6 10 ddima 14
Kattittimiha Mikalelo Dhaderetu dha Yehova
14 Ayana aba atanu ahinfiyedha Mizé banvunza: ‘Ekala wi nzina na babihu nifudhiwe munnamudhini mwaha w’okodda wabala analobwana?’ Awene ahikumbira: ‘Nigawelenimo dhohala dha babihu.’ Koddi Mizé wahapambiha alogaga: ‘Malamulo aba kantxinjiwa’? Nne, iyene ‘opereka wa Yehova dhilobilani’. (Oleb. 27:2-5) Makaniya agomihiwe dhavi? Yehova wahimwaddela Mizé: ‘Anayana a Zelofiyadi anofwanyela dhilobilani. Wavahe epaddi yamfwanyelela babawa; dhawene epaddi ejo yali ya babawa, ekale yawa.’ Yehova wahenjedhedha malamuloya, amushagihaga Mizé na mazu awi: ‘agakwa muttu ahimuttiyile mwana-mulobwana, dhohala dhaye avahiwe mwana-muyana.’ (Oleb. 27:6-8; Jos. 17:1-6) Oromana venevale, anayana otene a mu Izrayel agumana na makattamiho akakene, makaniya anttongiwa vina awene ambareliwa.
w13 15/6 11 ddima 15
Kattittimiha Mikalelo Dhaderetu dha Yehova
15 Yehova wahittonga muladduya n’oderetu vina ahitonyihaga nsakulano! Yehova wahaweddiya na mukalelo wofwanyelela ayana aba agumana na dhorutxa, dhawene ninga mwakoseliye na ana Izrayel agumana na dhorutxa. (Masal. 68:5) Ntti, nipaduwo nimodha ninoniha ebaribari a mazu aba anloga: Yehova onowaweddiha adhari aye otone ahitonyihaga nsakulano.—1 Sam. 16:1-13; Merelo 10:30-35, 44-48.
w13 15/6 11 ddima 16
Kattittimiha Mikalelo Dhaderetu dha Yehova
16 Ninamutagihe dhavi Yehova wila nihilagihe nsakulano? Kudduwale: nsakulano ninolagihiwa na mikalelo dhottiyana. Nigakala attu ahina nsakulano, kaninaweddihe attu ena na nsakulano. Ebaribari wi iyo notene ninowubuwela wila ninowandana na attu otene vina kanina nsakulano. Mbwenye weyo onorumelela wi enorutxa oziwa mukalelo onaweddiha weyo attu ena. Nona txini enfwanyelihu okosa wila nizinddiyele akala nihikana nsakulano? Yezu vafuniye oziwa mukalelo wawoniwiye na attu, iyene wahavuza akwaye okuluveleya: ‘Attu a mmawani, anloga wi mwana muttu bani?’ (Mt. 16:13, 14) Kigakalile osanza yotagiha ya Yezu? Onvuze marho wawo onimukuluveliwe wila onele ologa ebaribari, akala weyo onoziwiwa ninga muttu ona nsakulano. Kito iyene agaloga wila onowoneyana zizinddiyelo ya okana nsakulano na attu a ttebe yina, dhilabo dhina obe ayelegi na areli, txini enfwanyeliwe okosa? Omulobelele Yehova na murima wotene, omuttiddaga myiddo wila aukamihedhe okosa matxinjo a ohilagiha nsakulano.—Mt. 7:7; Kol. 3:10, 11.
Nipepese Mafumo Omuyani
it-3 123 ddima 6
Mivaho
Mivaho dhomwa. Mivaho dhomwa dhaperekiwa na mivaho dhina dhottiyan-ttiyana, ttabwa-ttabwa mumalele ana Izrayel omwalela mwilaboni yopikireliwa. (Oleb 15:2, 5, 8-10) mivahodha dhali dha vinyu(“omwa ohinlezeliha”) dhakuttuleliwa vebuwani. (Oleb 28:7, 14; kaladdaniha na Obud 30:9; Oleb 15:10.) Murumiwi Paulo wahalebela a Kristu akala o Filipos: ‘Akala enofuneya wi ddipeliwe okala mukutto, ontaganyihiwa na mukutto wa ororomela wenyu, ddinoziveliwa, ddinottaba vamodha na nyuwo mwetene.’ Apa, iyene olabihedha nladdaniho a nvaho wa omwa, atonyihedhaga wila wali womalanawale wila àlabele a Kristu obe to alabihedhe egumi yaye wila àpurihena a Kristu akwaye. (Fil 2:17) Afunaga okwa, wahimulebela Timóteo: ‘Miyo ddihalilé vang’ono n’oviperekela okala mukutto; nsaka n’ofurulia waga nili vakuvi.’—2Tim 4:6.
10-16 YA MAYU
MAFUMO A MAZU A MULUGU | OLEBELIWA 30-31
“Wakwanihedhe Dhipikirele Weyo”
it-3 801
Nipikirelo
Kaninkokomeziwa, mbwenye ogapikirela onokokeliwa Wakwaniha. Muttu kaakokomeziwa okosa nipikirelo. Mbwenye muttu kopikirela okosa elobo, wankokomeziwa wakwaniha. Nona okosa nipikirelo yakuweliwa ‘imposto à sua alma’, etapulelaga wila agahilabihedha egumi yaye wila akwanihedhe epikireliye. (Oleb 30:2; koona vina Rom 1:31, 32.) Vowi egumi enokala vangovini, Malebo anonivaha malago a oroma otanalela deretu nihinakosa nipikirelona. Jofuneya otanalela dhotene dhiniwana na nipikirelona. Nlamulo nanloga: ‘Mugapikirela omperekela elobo Yehova . . . Mulugu, iyeneya kantxelela oulogosani, mugagoneliha munomuttegela Yehova. Mugahimpikirele elo, kamunimuttegela.’—Oleb 23:21, 22.
it-3 801
Nipikirelo
Nipikirelo ninkoseliwa Mulugu na efunelo ya omwirela elobo, omperekela nvaho, ovivelela mabasa obe ovimana elobo, onyanyala okosa elobo, orabela okosa dhilobo masiki dhihikalege. Nipikirelo nali elobo yagana muttu okosa na ofuna waye, ahidideliwaga. Nipikirelo nankana guru yakakene yana nipagano, dila dhina mazu aba anedda mumodhani mBibiliani. (Oleb 30:2; Mt 5:33) “Nipikirelo” entapulela ologa ejile enfuniwe wira obe okosa. “Nipagano” entapulela wila enofuneya anamattonga wombeza obe wukokomeza wakwaniha ejile epikiriliwe.—Wita 26:28; 31:44, 53.
w04 1/8 27 ddima 3
Otapuleliwa wa Nivuru na Olebeliwa
30:6-8—Enowodheya Mukristu otapula nipikirelo nikosile mwadhiye? Nilogaga mwaha wa mapikirelo, Yehova onaweddiha adhari aye na mukalelo wottiyana-ttiyana. Ninga motagiha, ovivelela wa Yehova, nipikirelo n’omwinya. (Gálasia 6:5) Mwazambo kana ewodhelo ya otatula obe otximiha nipikirelo ntti. Muyana onofwanyela orabelo okosa nipikirelo ningudulana na Mazu a Mulugu obe dhingudulana dhilobo obe mabasa anfwanyeliye omukosela mamune.
Nipepese Mafumo Omuyani
it-2 482 ddima 2
Jefté
Yanwodheya amabmbali opikirela egumi dha aniwa wila a mulabele Yehova mumparani. Ninga motagiha Samuwel wahidhowa o muttiddela mabasa Yehova mumparani sabwa ya nipikirelo nakosile maye, Ana iyene ahinabaliwa. Mamune wa Ana, Elkana wahirumelela nipikirelo ntti. Mumaleli Samuwel otadha, Ana wahinvelela mumparani, wahidhowana vina enama wila amperekele Yehova. (1Sam 1:11, 22-28; 2:11) Mwana mwina wapikireliwe omuttiddela mabasa Yehova ddi Sansau, odduwene wali Nazireu.—Anam 13:2-5, 11-14; kaladdaniha na autoridade do pai sobre a filha, ninga etapuleliwe va Oleb 30:3-5, 16.
17-23 YA MAYU
MAFUMO A MAZU A MULUGU | OLEBELIWA 30-31
“Mwattamagihemo Attu Otene Ankala Elabo Ejile”
w10 1/8 23
Wanziwa?
‘Mimburo dha muttukuwani’ dhinromoliwetxa dila dhinjene mMaleboni a Ebrayiko dhintonya eni?
Mudhidhi wafuna ana Izrayel omwalela elabo yopikireliwa, Yehova wahawaddela wila anfwanyela otolotxa mimburo dhotene dhalabihedha akananeu wila awebedhemo a mulugu awa. Mulugu wahilamula: ‘Mutolotxe maladdaniho a amulugu awa anawebedhani, asasanyiwe na malugu peno na mujila; mugomole minburo dha muttukuwani, dhileveliwe amulugu awa.’ (Olebeliwa 33:52) Mimburo esi dhalabihedhani wila awebedhemo, txino dhali vadhidho muttukuwani obe dhali mirunti dhasasanyiwe mutxiddo mwa mimangera obe musidadi. (1 Amwene 14:23; 2 Amwene 17:29; Ezekiyel 6:3) Mwenemo mwanfwanyeya dhibuwa, malugu obe pingirizi, maladaniho, dhoddumeya dhonukela na dhitagano dhina dhalabihedhiwa muwebedhani.
w08 15/2 27 ddima 5-6
Kasunza na Dhovonya dha Ana Izrayel
Masaka abano, iyo ninogumana na dhoveha dhinji ninga dhagumana na ana Izrayel. Attu enjene adhaleliwa maladdaniho, eji enotaganyiheya na kobiri, anameba jibo, anamakosa mafilmi, anamaponya mpirha, okosa epaddi ya politika, anddimuwa a makapela, na anamudhiya. Mwa dhilobo esi dhilogiwe, modhaya agadha onikalela mulugu wehu, nigeka vamburoni voroma mwigumini mwehu obe nigattittimiha bure. Omaga omarho na muttu ohinimukwela Yehova, enodhaga odebiha mandano ehu na Yehova.
Ogoniyana wonyakuwa, onkosa epaddi ya webedha wa Baal, ohakwekwettela ana Izrayel enjene ogwela vamuregani. Masaka abano satana onolabihedha mirega dhakene wila apupurutxena adhari a Mulugu. Ninga motagiha, omuddiginya mauzer wa computador epaddi elebiwe privacidade do lar enomuttukulela muttu wotowa malago obe muttu onfunetxa oziwa dhotene dhinoniye otakaliha etanalo yaye. Elobo yokubanyiha vaddiddi oziwa wi mukristu okwekwetteleya wawona attu bali yovi mu internetini!
it-1 417 ddima 2
Kanaá
Josuwé, ‘ohivirihamo dhetedhene dhaddeliwe Mizé na Yehova mwaha wa otolotxiwa wa akadda kanaá. (Jos 11:15) Mbwenye ana Izrayel ahittiya wiwelela ottonga waye vina katolotxile dhilobo dhatakaliha elabo ejile. Sabwa ya wattiyavi akadda kanná okalavi vari vawa, awene ahidha orava mweddelo wawa, nona novira wa mudhidhi eji ehatotela attu enjene okwa (sohiloga otabala, ogonihana wonyakuwa na webedha maladdaniha) elobo ehigapadduwile kotolotxa nlogo notene na akadda kanaá mutanene ninga mwarumeliwani. (Olebeliwa 33:55, 56; Anam 2:1-3, 11-23; Masal 106:34-43) Yehova wahawaddela ana Izrayel wila ottonga waye kuna nsakulano, nona ana Izrayel komaga mandano na akadda kanaá, ateliyagana, arumelaga webedha wawa, afwaraga mweddelo na dhilemelelo dhawa dhonyakuwa, eji egahatotela ngovi enddimuwavaddiddi, kuloga awene vina ‘agahitolotxiwa mwilaboni’. —Obud 23:32, 33; 34:12-17; Onam 18:26-30; Oleb 7:2-5, 25, 26.
Nipepese Mafumo Omuyani
it-3 695 ddima 1
Maddile
Egamala olabihedhiwa gari wila ezinddiyeliwe epaddi enfwanyela okala nihimo, yanfuneya opima maddile a nddebe ninakale nihimona alabihedhiwaga marhe anawili: muttengo wa attu ankosa epaddi ya nihimona. ‘Elaboya munere ogawelana mombedhelaga gari engwela ya nihimo-nihimo. Nihimo ninjivanile, nivahiwe epaddi enddimuwa; nihimo niyevile nivahiwe epaddi eng’ono. Nihimo-nihimo nakelege epaddi yagwele mugarini. Ogawelana oku ofwarege maziza enyu, mabelenyu.’ (Oleb 33:54) Gari kotonya epaddi yafwanyela okala nihimo, yogana eji yanfwanyela ofwariwa, mbwenye yannodheya okosa matxinjo mowiwanana na munuwelo wa nddebena. Nona, vawoneyile wila nddebe na nihimo na Judá nahunuwa bure, nahigwaddiwa epaddi mmodha banivahiwa nihimo na Simiau.—Jos 19:9.
24-30 YA MAYU
MAFUMO A MAZU A MULUGU | OLEBELIWA 34-36
“Kamukose Yehova Ttawela Yawo”
Onomoona Yehova Ninga Ttawela Yawo?
4 Txini yapadduwa akala mu Izrayel mmodha wela otota ngovi s’ohifuna? Masiki akala okosile ejiya ahifunaga, namapayá wampwattela muladdu w’ompa muttu. (Wita 9:5) Yehova wahiloga wila akala epadduwile mohifuna, namapayá wanfanyeela weddeliwa ttagaraga. Mwa venevo, ole ompile muttuya s’ohifuna wanfanyeela osakula muttette mmodha wottawelawo mwa esile mitanu na mmodha wi amuttawe muliba ntxiga. Namattawaya agarumeliwa okala mmuttetteni mpo, wakala wobareleya, kuloga kapiwa. Mbwenye namattawaya wafuniwana okala mmuttetteni mpule mottawelamo mpaka mudhidhi ogakwile namakutta.—Olebeliwa 35:15, 28.
Onomoona Yehova Ninga Ttawela Yawo?
6 Akala mw’Izrayel wela ompa muttu s’ohifuna, wanttawela mmuttetteni dh’ottawelamo, nanda agafiya wanaperekela “anddimuwa a muthetheyá muladdu waye.” Anddimuwa abo animwakela vina aninvaha mburo wokala. (Josuwé 20:4) Ogavira mudhidhi waderetu-wene wanrumiwa wiyelela mmuttetteni ompileye muttu wi attongiwe na anddimuwa a mwenemo. (Kengesa Olebeliwa 35:24, 25.) Anddimuwa abo agoona wila epadduwile s’ohifuna, namapaya wanrumiwa wiyelela mmuttetteni mottawela mwaliye.
Onomoona Yehova Ninga Ttawela Yawo?
13 Namattawaya agawodha ovolowa mmittetteni dh’ottawelamo wakala wobareleyene. Yehova wahiloga addagana mittette eso: ‘Dhinele okala mittette dhenyu dh’ottawelamo.’ (Josuwé 20:2, 3) Yehova kalogile wila namattawaya attongeliwe muladdu wakakene dila yina. Ottiya eji, muliba ntxiga kavolowa mmuttetteni mottawela wila ampe namattawa. Namattawa agavolowa mmuttetteni mpule wambareleya odheela malamulo a Yehova. Iyene kafugeliwa mukambura. Wanlaba mabasaye, wanakamihedha attu eena, vina wannimwebedha Yehova na murenddele. Txibarene iyene wankaana ofuru vina murenddele mwigumini mwaye!
Nipepese Mafumo Omuyani
w91 15/2 13 ddima 13
Yobolo Ewodhile Wawobolela Attu Otene
13 Adamu na Eva Kanapurelemo mukutto operekile Yezu. Malamulo a Mizé anloga mazu aba: ‘Namapa onttongeliwa opiwa, kanoboleleya; apiwe bahi.’ (Olebeliwa 35:31) Adamu kanyengettiwe, iyene ottegile aziwaga. (1 Timóteo 2:14) Eji yanligana opa ziza naye, vowi adhulaye agahirava ohiligana waye, sabwa ya ejene ajedhela okwa bahi. Txibarene, Adamu wanfwanyela okwa, sabwani masiki akalaga muttu woligana, wahisakula olupa malamulo a Mulugu. Yehova kolabihedha yobolo wila anvenyihe Adamu mukwani, eji egahigudulana na malamulo aye oligana. Keliwa Yehova wahipitxela ottega wa Adamu, mukutto operekile Yezu kugana ttima opitxela ottega wa Adamu! (Roma 5:16) Ewodhelo yana ottega, ehifuziwa. Nvuni ‘okwela dhottega dha attu otene’, atabuwelaga dhottega dhigagwele ana otene a Adamu.—Ahebreu 2:9; 2 Korinto 5:21; 1 Pedro 2:24.
31 YA MAYU–6 YA JUNYU
MAFUMO A MAZU A MULUGU | OLIBIHA 1-2
“Ottonga W’oligana Ondha wa Mulugu”
w96 15/3 23 ddima 1
Yehovaa—Onokwela oligana vina ononelamo
Anddimuwa a mulogo ahikana nikokomezo a ottonga miladdu a dhottega dhinddimuwa. (1 Korinto 5:12, 13) Awene agattongaga, kandduwala wila oligana wa Mulugu oniwanana na otonyihedha ttagaraga obe nttebwa egakala yofuneya. Egahifuneye olabihedha mikalelo esi—ninga motagiha mwa attegi ahinlagiha otxinuwa—kanfwanyelela olagiha nttebwa obe ttagaraga. Mbwenye anddimuwa a mulogo kanimburutxa muttu mmulogoni sabwa yawi anomutxiga. Ottiya ejuwene awene anjikira wila osaddeyiwa okule emukamihedhe orabela dhabure vina eyelele mmulogoni. (Koona Ezekiyel 18:23.) Na nikamihedho na mwene Yezu, anddimuwa a mulogo anolaba na oligana, eji enotaganyiheya na olaba ninga ‘ebarelo nsaka na pevo’. (Izaiya 32:1, 2) Nona anofwanyela ohilagiha nsakulano vina jofuneya ovipimelela.—Olibiha 1:16, 17.
w02 1/8 9 ddima 4
Okurumuwele na Murima Wotene Ottonga wa Mulugu
4 Alobwana anfwanyela ottonga miladdu, kafuniwana oziwavi malamuloya bahi. Sabwa ya ohakwana anddimuwa aba anfwanyela okalela txenjewa wila anattonge na mukalelo wohifwanyelela—ninga motagiha attukuleleyaga na okumbela vaye,nsakulano vina ntxiga—esene dhigàttukulele ottonga na ohiligana. Mizé wahawaddela: ‘Sorihani n’oligana muladdu onliga muttu na mbalaye, peno na mmalabo onkala na iyene. Wasorihaga miladdu kuwang’ane kove ya muttu, mwavuruwane attu otene: anddimuwa a mwilaboni, na ahimayamo. Kummovege muttu, vowi ottonga noligana ondha wa Mulugu.’ Txibarene, anamattonga a mu Izrayel na nikamihedho na Mulugu. Yali gari enddimuwa vaddiddi!—Olibiha 1: 16, 17.
Nipepese Mafumo Omuyani
w13 15/9 9 ddima 9
Malago A Yehova Bokuluveleya
9 Nsaka niromile ana Izrayel ohedda mwiddeddereni ‘enddimuwa yawopiha’ mwari wa vyaka 40, Yehova kàwaddele n’ottaga mukalelo wafunani waweddiha, wabarela vina wakoya. Masiki dhawene, iyene wahavaha mashagiho azinddiyela wi awene anfwanyela omukuluvela. Alabihedhaga murabo na mutana, namattiyu motto; Yehova wanawubutxedha ana izrayel iyene wela waweddiha vina wabarela. (Olib. 1:19; Obud. 40:36-38) Yehova vina wanavaha esile dhàjombela. ‘Dhabalo dhawo kadhatayehile, manyalo awa.’ Txibarene, ‘awene kajombeliwe elo.’—Ne. 9:19-21.
7-13 YA JUNYU
MAFUMO A MAZU A MULUGU | OLIBIHA 3-4
‘Malamulo a Yehova Ba Zelu vina Boligana’
it-1 817 ddima 3
Ononelamo
Ovilibihedha omusunza Bibilia vina ovilibihedha ovirihamo malago na malamuloya, enomuttukulela muttu okana ononelamo enimpitta namasunziha waye, vina okana eziwelo empitta ejile ena attu owunuwelavo. (Masal 119:99, 100, 130; kaladdaniha na Lk 2:46, 47.) Eji empadduwa sabwa yawi ononelamo na eziwelo, dhinfwanyeya mmalamuloni oligana a Mulugu; nona vafwaseyela ana Izrayel osunza na murima wotene, malogo mena akala vakuvi na awene annasiba àkuwelaga ninga ‘nlogo nina ononelamo vina eziwelo.’ (Olib 4:5-8; Masal 111:7, 8, 10; kaladdaniha na 1 Amwe 2:3.) Muttu onna ononelamo, onoziwa oligana wa Mazu a Mulugu, vina akala ekala enimuzuzumiha onomulobelela Mulugu akumbiraga ononelamo. (Masal 119:169) Onottiya mazu a Mulugu oddiginya murima waye (Mt 13:19-23), onokoya mmurimani mwaye ninga nifumo (Gano 3:3-6; 7:1-4) onofiyedha widda ‘miselu dhotene dhottambi’ (Masal 119:104). Mwana wa Mulugu, valiye velaboni ya vati, wahilagiha ononelamo yakakene, iyene wahikodda ottawa opiwa vapingirizini wila akwanihedhe malebo, vowi maleboya aloga wila iyene agapiwe dhawene.—Mt 26:51-54.
w99 1/11 20 ddima 6-7
Ekalelo ya Okala Namavaha Ogenjiva
Sabwa ya otikina na mazu ewale vina oniliye, nyanyi wahiloga na mazu oviyeviha: ‘Agari ba alobwana enyu; agari ba adhari enyu otene anlaba apano, vowi ankala na nyuwo masiku otene ewaga ononelamo wenyu!’ (1 Amwe 10:4-8) Iyene kalogile wila adhari a Salomau ali attu ohagalala sabwa ya okola mburo worizela—masiki akalaga. Sabwa ya ovuruwana mazu a Salomau, abuwene adhela wa Mulugu. Nyanyi wosaba yotagiha yaderetu mwa nlogo na Yehova a masaka abano, anttaba na mazu a eziwelo a Muttanddi vina a mwanaye Yezu!
Koona mazu mena alogile nyenyi amulogelaga mwene Salomau ‘Atamaliwe Yehova, Mulugu wenyu.’ (1 Amwene 10:9) Enoneya ninga iyene ozinddiyela nikamihedho na Yehova mu eziwelo yana Salomau vina dhorela. Eji enowiwanana nipikirelo nakosele Yehova ana Izrayel. ‘Koyani, virihanimovi malamulo aga’, ohenjedhedha ‘munokala attu ononelamo azelu vamentoni va malogo mena. Malogoya abo, vanadheni oziwa dha malamuo aba otene anere otikina eraga: ‘nlogo ntti, ninddimuwa-wene! Kaniwo nlogo nina n’owarala, na zelu ninga nttene.’—Olibiha 4:5-7.
w07 1/8 29 ddima 13
Weyo Wa ‘Mureli Vamentoni Va Yehova’
13 Yehova agarurihaga nlogo naye, iyene onavaha mareliho attimaya-ttimaya. (Tiago 1:17) Ninga motagiha elabo yavahiwe ana Izrayel wila akalegemo yali elabo ‘yadhalile wiyi na mukaka.’ Masiki elabo ya ejipitu ewoneyaga na mikalelo dhakakene, elabo yàvahile Yehova ana Izrayel yahittiyana na ejipitu mwari mwa elobo mmodha ya ttima enddimuwa vaddiddi. Mizé wahawaddela: ‘Yehova Mulugu wenyu, onokoya elabo ejo.’ Na mazu mena yatapulela wi, awene agahifuma sabwani Yehova agahakoya. Mwari mwa vyaka dhotene dhimulabele ana Izrayel Yehova na murima wotene, Ahirelihiwa venjene vina ahikana egumi yottaba yapitta dhigumi dha malogo otene àddamile na awene. Mohaganyedha, Mareliho a Yehova ‘banfumiha’!—Olebeliwa 16:13; Olibiha 4:5-8; 11:8-15.
Nipepese Mafumo Omuyani
w04 15/9 25 ddima 3
Otapuleliwa wa Nivuru na Olibiha
4:15-20, 23, 24—Okoddihiwa wa okosa maladdaniho osemiwa, yatapulela yali elobo yabure osasanya maladdaniho wila okoddelihena mimburo? Nne. Yakoddihiwa yali ya okosa maladdaniho na efunelo ya webedha—‘okokorela vina walabela’. Malabebo kankoddiha okosa maladdiho obe opintari elobo wila okoddelihena mimburo.—1 Amwene 7:18, 25.
14-20 YA JUNYU
MAFUMO A MAZU A MULUGU | OLIBIHA 5-6
“Kamushagihe Mwanawo wila Amukwele Yehova”
w05 15/6 20 ddima 11
Amambali, Anofwanyela Osapela Murala Wawa
11 kaniwo nlebo nina enloga makani aba ottiya nlebo na Olibiha 6:5-7. Kanfugule Bibilia wila wengese malebo aba. Koona wi apa amambali banroma okokomeziwa wunuwa epaddi yomuyani, wunuwiha omukwela Yehova vina ovirihamo mazu a Mulugu mwigumini mwawa. Txibarene, jofuneya omusanzaga Bibilia, wengesaga malabo otene vina otanalelaga dhinengesiwe. Ogakosa ejuwene onele wunuwiha eziwelo yebaribari ya dila, malago na malamulo a Yehova. Sabwa ya ejiwene onele okana ebaribari ya mBibiliani mmirimani mwawo enauttukulele otttaba, omova vina omukwela Yehova. Weyo enele onele okana dhilobo dhinji dhowasunzihana anawo.—Lk 6:45.
w07 15/5 15-16
Onawodhe Dhavi Wavaha Aima Masunziho A Ebaribari?
Dhogana, dhinobuweliwe, ttima na dhofuna dhawo kadhinoneya bahi na esile dhinlogiwe, mbwenye dhinowoneya vina na esile dhinkosiwe. (Roma 2:21, 22) Oromana owimani, aima anosunza na esile dhinonani amambali akosaga. Awene anozinddiyela dhilobo dhittittimihetxa amambali awa, dila dhinji esile dhittittimihetxa amambaliya sisiwene dhinattittimihani agawunuwa. Akala onomukwela Yehova mwe’baribari, anawo anele ozinddihela. Ninga motagiha awene anele ozinddiyela wila omwengesa vina omusunza Bilibila, dhilobo dha ttima mwigumini mwawo. Awene anele ozinddiyela wi weyo onowika vamburoni voroma dhofuna dhomuyani. (Mateu 6:33) Ohijomba omatugumanoni vina odhowa mmabasani olaleya enele ozinddiyeliha wila wika mabasa omwene vamburoni voroma, elobo yamakamaka mwigumini mwawo.—Mateu 28:19, 20; Ahebreu 10:24, 25.
w05 15/6 21 ddima 14
Amambali, Anofwanyela Osapela Murala Wawa
14 Ninga munlagiha Olibiha 6:7, dhihikalawo midhidhi dhinji dhinfwanyela amambali wasunziha anawa dhilobo dhomuyani. Ninga motagiha ageddaga, agattiddaga mabasa obe agavegaga vamodha, amambali anofwanya gari ya wasapela aniwa epaddi ya omuyani. Ebaribari wi kanfwanyela ovira mudhidhi wotene ‘àlagaga’ aniwa mwaha wa ebaribari ya mBibiliani. Ottiya ejuwene, anofwanyelela opimelela mudhidhi onlogani makani omuyani anlibiha. Ninga motagiha Despertai! ohikana mitoma dhottiyana-ttiyana dhinloga mwaha wa makani aba. Na mitoma esi dhinowodheya wita makani anloga mwaha wa ottanddiwa wa dhinama, minburo dhokoddela dhili orugunuwa elabo yotene vina mikalelo na dhilemelelo dhottiyana-ttiyana dhinoneyana malogo a attu ali orugunuwa elabo yotene. Makani ninga aba anodhaga wattukulela azombwe wengesaga manivuru annivaha mudhari wororomeleya wa malago.— Mateu 24:45-47.
Nipepese Mafumo Omuyani
Okwela na Oligana Olagihile Ana Izrayel
11 Yonisunziha: Yehova kanzuzuma na kove, onona dhili mmirimani mwa muttu ddi muttu. Iyene onopepesa mirima. (1 Sam. 16:7) Kawo mubuwelo, merelo vina dhili mmirimani dhihinziwiye. Iyene onowona oderetu onkosihu vina ononilibiha. Nona onjedhela wi muttu-muttu one eli yabure mmirimani mwaye akutxemo ehinatti omutotela ngovi obe oddawa.—2 Map. 16:9; Mt. 5:27-30.
21-27 YA JUNYU
MAFUMO A MAZU A MULUGU | OLIBIHA 7-8
“Kamutelane na awene”
w12 1/7 29 ddima 2
Mulugu Wakokomezelani Adhari Aye Otela obe Oteliwa na Muttu Wamwebedha Iyene Bahi?
Yehova, wanziwa wila Satana wafuna apupurutxe nlogo naye modhela olabihedha webedhiwa wa vingamuttu. Nona Yehova wahiwaddela nlogo naye wi attu ahinimulabela iyene ‘agahapupurutxa vina awene agahawebedha a mulugu ena.’ Dhilobo dhinji dhali vangovini. Ana Izrayel kowawebedha a mulugu ottambi, Yehova agahittiya waweddiha vina wabarela, dhawene amwiddani awa aganàddodda. Ejo kopadduwa, egawodheyile dhavi mwari mwa nlogo obaliwamo Mesiya? Eji enowoniha wene wila Satana wahikana mwaha wa ofuna wapupurutxa ana Izrayel wila ateliwe obe àtele attu ahinimwebedha Yehova.
w15 15/3 30-31
Oteliwa ‘Bahi mwa Nabuya’—Enofuneyavi?
Mbibiliani, Yehova ononaddela wila adhari aye anofwanyela otela obe oteliwa mwa Nabuya bahi. Sabwaya? Sabwani iyene onoziwa dhilobo dhinfwanyela nlogo naye okosa wila naagalale. Iyene kankosela wila àbarele adhari aye mwa dhoputtula dhinafwanyiwani sabwa ya ohimwiwelela, mbwenye onfuna wila adhari aye àgalale. Masaka akalawo Nehemiya, mudhidhi wamaga matelo a Yuda na attu amalogo mena, Nehemiya wahiromola yotagiha ya Salomau, masiki Salomau ‘akweliwaga na Mulugu waye, . . . ayana a amalabo amukwekwettela ottega.’ (Ne. 13:23-26) Nona, Yehova atanalelaga oderetu wa adhari aye, ohavaha malago a otela obe oteliwa na abale animulabela iyene bahi. (Masal. 19:7-10; Iza. 48:17, 18) Akristu anomutamalela venjene Mulugu wawa sabwa ya waweddiha na okwela vina anokuluvela malago aye. Sabwa ya omukurumuwela ninga Mulamuleli, awene anowoniha wila anomurumelela ninga Muttanddi wa Elabo yotene.—Gano 1:5.
w15 15/8 26 ddima 12
Osakule Deretu Mandano Awo Masaka abano Omariha
12 Jofuneya vaddiddi okalela txenjewa mandano ansakulihu, ttabwa-ttabwa Akristu ali azombwe anubuwela otela obe oteliwa. Malamulo ali mBibiliani bononeleyamo-wene: ‘Kamurumele ovijela kanga yokokene ya attu ahinimuroromela Kristu. Opama na obure dhiniwanana dhavi? warya na eddima dhinvahana dhavi? (2 Kor. 6:14) Bibilia onloga wila adhari a Mulugu anfuna otela obe oteliwa, akose ejuwene ‘wanabuya bahi’, eji entapulela wi anofwanyela otela obe oteliwa na muttu onimwebedha Yehova, muttu obatiziwe vina onkalawo mowiwanana na malamulo a mBibiliani. (1 Kor. 7:39) Mukristu agateliwa obe agamutela muttu onimwebedha Yehova, iyene onele okana mandano na muttu onamukamihedhe okala wororomeleya na Mulugu.
Nipepese Mafumo Omuyani
w04 1/2 13 ddima 4
Yehova Ononivaha Dhobeliwa Dheu Dha Siku na Siku
4 Okumbira wehu oja wa siku na siku munlobeloni, enonubutxedha wila ninofuna vina oja womuyani siku na siku. Masiki vana Yezu dala sabwa ya ovira malabo menjene sohija, iyene kagwele vamuregani wa Satana wa otxinja malugu wila akele mikatte, wahimwakula dhahi: “Mmaleboni mulebiwe dhahi: ‘Muttu kankalawo n’ojavi, onokalawo vina na mazu otene ambudduwa mwano mwa Mulugu.’ ” (Mateu 4:4) Yezu, wahiromola mazu alogile namavuhulela Mizé ahaddelaga ana Izrayel: ‘Pumweno, iyene [Yehova] outabutxani na dala, osogorhowa ousapelani na maná ahaziwile nne nyuwo, nne makolo enyu; werela ousunzihani wi muttu kankalawo n’ojavi, onokalawo na mazu otene anbudduwa mwano mwaye.’ (Olibiha 8:3) Mudhidhi wavaha Yehova ana Izrayel maná, iyene kàvaha dhilbo dhomaningoni bahi, mbwenye wanavaha masunziho omuyani. Voroma ‘muttu muttu wanfwanyela oddodda oja onakwanela labonene.’ Koddodda oja owinjiva, ohigawodhilani omariha mwari mwa siku nimodha, dhahaladha dhanroma onuka vina okana mitipa. (Obudduwa 16:4, 20) Mbwenye malamulo aba kàlabihedha masiku a ishano, sabwani siku ntto anfwanyela oddodda oja wa malabo meli, ishano na Sabuddu. (Obudduwa 16:5, 23, 24) Maná wahasunziha wila awene anfwanyela omwiwelela Yehova vina egumi yawa kiyakalawo na oja bahi, mbwenye enokalawo vina ‘na mazu otene ambudduwa mwano mwa Mulugu.’
28 YA JUNYU–4 YA JULYU
MAFUMO A MAZU A MULUGU | OLIBIHA 9-10
“Txini Enukumbirha Yehova Mulugu Wawo?”
w09 1/10 10 ddima 3-4
Txini Ennikumbira Yehova?
Txini enanittukulele omwiwelela Yehova n’ofuna wehu, sohikokomedhiwa? Mizé ologa elobo mmodha enanikamihedhe: ‘Omove Yehova, Mulugu wawo.’ (Versu 12) Apa kavanaddiwana omova sabwa ya oziwa ntowa ninaugwele ogahimwiwelele, mbwenye omova wa nriho, ttima, obuwene onlagiyihu na merelo ehu. Akala ninomuriha Mulugu na murima wehu wotene, ninele ovilibihedha wila ninamunyimule.
Mwahaya mwahaya buvi onanittukulele iyo omwiwelela Yehova? Mizé ohiloga: ‘Omukwele Yehova, Mulugu na murima wotene, n’omuttu wenyu wotene.’ (Versu 12) Omukwela Mulugu onopitta esile dhiniwehu mmirimani, muyubuweloni. Referensiya dhahi onotapulela: ‘Mazu aba sentimentos na elogelo ya ebrayiko dila dhina dhinaddiwana esile dhinkosihu mwaha wa mukalelo onvyiwamo iyo.’ Referensiya wakakene ohiloga vina wi omukwela Mulugu entapulela ‘omukosela dhilobo n’okwela’. Obe akala txibarene ninomukwela Mulugu, ninele okosa dhilobo dhinimuzivela.—Gano 27:11.
w09 1/10 10 ddima 6
Txini Ennikumbira Yehova?
Nigamwiwelela Yehova na murima wehu wotene ninele wakela mareliho. Mizé ohileba: ‘Okweye malamulo aba anuwaddelimi ddabuno, wila osanzaye.’ (Versu 13) Txibarene, malamulo otene a Yehova—dhotene dhinnikumbiriye—onirela oderetu wehu. Nona Bibilia anaddelaga wi ‘Mulugu okwela’. (1 Joau 4:8) Eji enowoniha wene wila malamulo annivaha Yehova anonipuriha. (Izaiya 48:17) Okosa dhotene dhinnifunana Yehova enele onikamihedha ohidhugudheya ovanene vina ninele wakela mareliho ahinelegeya musogoro, Omwene wa Mulugu ogalamulelaga.
cl 16 ddima 2
Enowodheya Wene “Onfiyedha Mulugu”?
2 Abrahamu, okaliwo masaka a wale, ddi mmodhaya ojilevo mareliho a Yehova. Yehova wahimukuwela muzamani oddu ninga ‘mukwaga.’ (Izaiya 41:8) Ndde, Mulugu wamona ninga marho waye. Abrahamu wahakela mareliho ninga aba sabwani ‘wannimuroromela Yehova.’ (Tiago 2:23) Masaka abano vina Yehova onotamela okosa ‘mandano’ na abale animulabela na okwela. (Olibiha 10:15) Mazu aye anonaddela: ‘Mmususele Mulugu, iyene onowususelani.’ (Tiago 4:8) Mwebaribari mazu aba anowiweya ninga niwobo vina nipikirelo.
Nipepese Mafumo Omuyani
it-1 127
Anakim
Ali attu olapa vina oliba vaddiddi akala dhipaddi dhottukuwa a elabo ya Okana, vina makome a mwinje, maka-maka ogusuni wa makome a mwinje. Nsaka dhahi alobwana araru oriheya a o’Anakim, Aiman, Sezai na Tolmai, akalela o’Hebron. (Oleb 13:22) Pavenevo vawonile anamareza abale akadda Anakim ninga dila yoroma, vasogorova veyele anamareza aba, kumiya 10 ahipipiriha museluya alogaga wila alobwana abale akadda Anakim ali ana a mikango aviluwile nsaka na Nowe, vina ahiloga wi vamentoni vawa akadda Ebreu ali ninga “nyazombe.” (Oleb 13:28-33; Olib 1:28) Sabwa ya okala attu a wi rà rà, alabihedhiwa ninga nladdaniho atapulelaga mukalelo wali alobwana olapa-lapa ali o Emin na Orefain. Guru dhawa dhikamihedha witeya wa emariya eji: ‘Onwodha waliga akadda Anak bani?’—Olib 2:10, 11, 20, 21; 9:1-3.