NSUNZO 8
Olabihedhe Misibo dha Osunzihana
Mateu 13:34, 35
YOKOSA: Kaziviha masunziho awo na misibo dhohirutxa dhinazivela anamewa, dhisunziha mitoma dhapama.
ONAKOSE DHAHI:
Osakule misibo dhohirutxa. Olabihedhe misibo ming’ono wi osunzihena dhilobo dhinddimuwa, vina dhilobo dhohirutxa wi otapulele dhilobo dhorutxa. Onenjedhevo makani ohikala kahiyo anfuna odabwaranya misibodha. Okane ebaribari yawi misibodha dhinowiwanana na makani anlogiwe wila anamewa anadhe ofurututeya.
Watanalelege anamewaya. Osakule misibo dhinaziveliwena anamewaya. Okane ebaribari wila misibodha kahiyo dhotota manyazo obe dhonyimula.
Osunzihe mitoma-mitomadha. Misibo okoselege mitoma dhamaka-makadha, ottiya mitoma dhing’ono. Okane ebaribari wila anamewaya anele wubuwela mitoma dhamakamaka.