Mavuzo A Osunza Wa Nivuru Naga Na Mapadduwo A Bibilia
Nipadduwo 1
1. Dhilobo dhotene dhaderetu dhidhile wuvi, nanda onowodha ovaha yotagiha?
2. Elobo yoroma yathanddile Mulugu txini?
3. Mungelo woroma wakaleli eni wa va woka?
4. Kalogamo mukalelo wali elabo ya vati omaromo. (Koona nladdaniho.)
5. Mulugu waromile dhavi wasasanyela elabo ya vati dhinama vina athu?
Mavuzo owenjedhedha:
1. Kengesa Jeremiya 10:12.
Mikalelo gani dha Mulugu dhinlagihiwa modheela dhothandda dhaye? (Iza 40:26; Rom 11:33)
2. Kengesa Kolosi 1:15-17.
Va mathanddelo mabasa gani aakosile Yezu, nanda eji enfanyeela opakela dhavi moonelo wehu modheela iyene? (Kol 1:15-17)
3. Kengesa Wita 1:1-10.
(a) Elabo ya vati ekalilewo dhavi? (Wita 1:1)
(b) Yapadduwile va siku noroma na othandda txini? (Wita 1:3-5)
(c) Kalogamo txini yapadduwile va siku na nawili na othandda. (Wita 1:7, 8)
Nipadduwo 2
1. Mulugu wasasanyedhi dhavi elabo ya vati wila ekale mudhi wehu?
2. Kalogamo othiyana thiyana onddimuwa wa dhinama dhakosile Mulugu. (Koona nladdaniho.)
3. Mundda wa Edeni wakaleli eni wa va woka?
4. Mulugu wafuna wila elabo yotene ya vati edhe okala dhavi?
Mavuzo owenjedhedha:
1. Kengesa Wita 1:11-25.
(a) Mulugu wathanddile eni va siku na noraru na othandda? (Wita 1:12)
(b) Yapadduwile va siku na nonai na othandda txini? (Wita 1:16)
(c) Mukalelo gani wa dhinama wakosile Mulugu va siku na notanu vina na notanu na nimodha? (Wita 1:20, 21, 25)
2. Kengesa Wita 2:8, 9.
Miri gani mili dha va woka dhekile Mulugu mmunddani, nanda esi dhatapulela eni?
Nipadduwo 3
1. Nladdaniho na Nipadduwo 3 nithiyanile dhavi na nladdaniho na Nipadduwo 2?
2. Wamukosile mulobwana woroma bani, vina nzina na mulobwanaya nali nivi?
3. Mabasa gani avahile Mulugu wila Adamu akosege?
4. Mulugu wamukosihelini Adamu ogona thurho dhinddimuwa?
5. Adamu na Eva agakalilewo na mudhidhi mungasi, nanda mabasa gani afunana Yehova wila awene akosege?
Mavuzo owenjedhedha:
1. Kengesa Salmo 83:18.
Nzina na Mulugu thivi, vina mpaddo waye wohiladdaniheya velaboni ya vati buvi? (Jer 16:21; Dan 4:17)
2. Kengesa Wita 1:26-31.
(a) Mutompi wa dhothandda dha Mulugu va siku na notanu na nimodha wali ovi, vina yothanddiwaya eji yathiyanile dhavi na dhinama? (Wita 1:26)
(b) Mvaho gani wamukoseli Yehova muthu na dhinama? (Wita 1:30)
3. Kengesa Wita 2:7-25.
(a) Yali mwari mwa yothomeliwa ya Adamu ya othomela mazina dhinama txini? (Wita 2:19)
(b) Wita 2:24 onnikamiha dhavi ononelamo moonelo wa Yehova wa matelo, othiyana vina omwalana? (Mt 19:4-6, 9)
Nipadduwo 4
1. Va nladdanihoni, txini enimpadduwela Adamu na Eva?
2. Yehova wasothotheli eni awene?
3. Nowa yampangile eni Eva?
4. Wakosihile nowa ologa na Eva bani?
5. Adamu na Eva ayelelelini mudhi wawa wa Paraizu?
Mavuzo owenjedhedha:
1. Kengesa Wita 2:16, 17 na 3:1-13, 24.
(a) Nivuzo nakosile nowa wa Eva nimuhelutxile dhavi Yehova? (Wita 3:1-5; 1 Joau 5:3)
(b) Eva onlaba dhavi ninga yotagiha ya olaga wa iyo? (Fil 4:8; Tia 1:14, 15; 1 Joau 2:16)
(c) Mukalelo gani wajombile Adamu na Eva orumeela muladdu mwa dhokosa dhawa? (Wita 3:12, 13)
(d) Akerubi eemetxiwe dhavi omadhulu wa mundda wa Edeni wila avunele olamulela onddimuwa wa Yehova? (Wita 3:24)
2. Kengesa Ovuhulela 12:9.
Satana oneddeleyaga dhavi deretu mwa okosiha nlogo na athu osadduwela olamulela wa Mulugu? (1 Joau 5:19)
Nipadduwo 5
1. Okalawo wa Adamu na Eva wali dhavi otakulu wa mundda wa Edeni?
2. Yaromile wapadduwela Adamu na Eva txini, nanda sabwa yani?
3. Aima a Adamu na Eva agoluvaleli eni nanda bakwa?
4. Kowiliwa Adamu na Eva ahimwiwelela Yehova, okalawo wawa vina wa aima awa ogakalile dhavi?
5. Ovanya wa Eva wamutoteli dhavi wiwa opa?
6. Mazina a ana eeli ooroma a Adamu na Eva aali avi?
7. Aima aba ena ali va nladdanihoni baani?
Mavuzo owenjedhedha:
1. Kengesa Wita 3:16-23 na 4:1, 2.
(a) Okalawo wa Adamu wapakeleyile dhavi na wuulumeliwa wa mathaka? (Wita 3:17-19; Rom 8:20, 22)
(b) Nzina na Eva, nintapulela “Namakalawo,” nakaleli eni nofanyeelela? (Wita 3:20)
(c) Masiki Adamu na Eva vathegilani Mulugu waalagihedhi dhavi nriho? (Wita 3:7, 21)
2. Kengesa Ovuhulela 21:3, 4.
“Dhilobo [gani] dhawale” dhinjeedheliwe wila dhigomihiwe?
Nipadduwo 6
Mwana Waderetu, Na Mwina Wabure
1. Mabasa gani ankosa Kaini na Abeli?
2. Mivaho gani dhidhilena Kaini na Abeli wa Yehova?
3. Yehova ohagalelini na mvaho wa Abeli, ki okooddeli eni ohagalala na mvaho wa Kaini?
4. Kaini muthu wa mukalelo gani, nanda Yehova otameli dhavi omusaddeya?
5. Balivo woka na mbali waye mmunddani Kaini okosile eni?
6. Katapulela txini empadduweli Kaini mumaleliye ompa mbali waye.
Mavuzo owenjedhedha:
1. Kengesa Wita 4:2-26.
(a) Yehova watapuleli dhavi mmukaleloni mowopiya mwali Kaini? (Wita 4:7)
(b) Kaini walagihile dhavi mukalelo wa murima waye? (Wita 4:9)
(c) Moonelo wa Yehova buvi modheela okuthula nikami nohikaana muladdu? (Wita 4:10; Iza 26:21)
2. Kengesa 1 Joau 3:11, 12.
(a) Kaini waludduweli eni vaddiddi, nanda eji enlaba dhavi ninga nlago wa iyo ovanene? (Wita 4:4, 5; Vimarya 14:30; 28:22)
(b) Bibilia onlagiha dhavi wila masiki akala athu otene a murala wehu anompambiha Yehova, iyo podi okaanavi wimela wehu? (Sal 27:10; Mt 10:21, 22)
3. Kengesa Joau 11:25.
Nikuluvelo gani nivahile Yehova mwa otene abale akwile sabwa ya otamela oligana? (Joau 5:24)
Nipadduwo 7
1. Enoki wathiyanile dhavi na athu ena?
2. Athu a nsaka na Enoki akosela eni dhilobo dhinjidhene dhabure vaddiddi?
3. Dhilobo gani dhabure dhakosa athu? (Koona nladdaniho.)
4. Enoki wafanyeelela eni okala woliba murima?
5. Wale athu aakalawo mudhidhi mungasi, ki Enoki wakalilewo mudhidhi mungasi?
6. Mumaleli Enoki okwa yapadduwile txini?
Mavuzo owenjedhedha:
1. Kengesa Wita 5:21-24, 27.
(a) Wandana gani wana Enoki na Yehova? (Wita 5:24)
(b) Mowiwanana na Bibilia, mulobwana wagoneeli vaddiddi wakalilegewo bani, nanda wakwile na vyaka ngasi dha obaaliwa? (Wita 5:27)
2. Kengesa Wita 6:5.
Mikalelo dhadhile okala dhavi dhabure velaboni ya vati mumaleli okwa Enoki, nanda eji enladdaniheya dhavi na masiku ehu? (2 Tim 3:13)
3. Kengesa Aebreo 11:5.
Mukalelo gani wa Enoki “wamuhagalalihile Mulugu deretu,” nanda na yodhavo gani? (Wita 5:22)
4. Kengesa Yuda 14, 15.
Ovanene Akristu antagiha dhavi oliba murima wa Enoki agalagaga athu mwaha wa koddo ya Harmageddo ejo enda? (2 Tim 4:2; Aheb 13:6)
Nipadduwo 8
1. Yapadduwile txini angelo ena a Mulugu mwanvuruwanelani Satana?
2. Angelo ena eemetxeli eni mabasa awa odhulu nanda batitela velaboni ya vati?
3. Yakalelini yabure angelo otitela velaboni ya vati vina ovikosela maningo a omuthu?
4. Yathiyanile mwa aima a angelo abale yali eni?
5. Ninga munooneliwe va nladdanihoni, aima a angelo aakosile eni mwadheelani okala mikango?
6. Mumaleli Enoki, mulobwana gani waderetu wakalilewo velaboni ya vati, nanda Mulugu waziveliweli eni iyene?
Mavuzo owenjedhedha:
1. Kengesa Wita 6:1-8.
Wita 6:6 onooniha dhavi yawila mweddelo wehu podi opakela mewelo a Yehova? (Sal 78:40, 41; Vimarya 27:11)
2. Kengesa Yuda 6.
Angelo abale “aakooddile okoya mpaddo wawa wawale” mmasikuni a Noe anlaba dhavi ninga mubutxedho wa iyo ovanene? (1 Kor 3:5-9; 2 Ped 2:4, 9, 10)
Nipadduwo 9
1. Murala wa Noe wana athu angasi, nanda mazina a ana aye araru a alobwana aali avi?
2. Elobo gani yakooddile oziwiwa yakumbirhile Mulugu wila Noe akose, nanda sabwa yani?
3. Amwaddamani a Noe aakosile eni iyene mwaapangeliye mwaha wa pangaya oddule?
4. Mulugu wampangile eni Noe wila akosena dhinama?
5. Mulugu mumaleliye ofuga musuwo wa pangaya, Noe na murala waye afanyeeli okosa eni?
Mavuzo owenjedhedha:
1. Kengesa Wita 6:9-22.
(a) Yamukosihile Noe okala namebedha waderetu vaddiddi wa Mulugu wa ebaribari txini? (Wita 6:9, 22)
(b) Yehova oniwa dhavi mwaha wa otimbwini, nanda eji enfanyeela dhavi opakela osakula wehu wa dhovegana? (Wita 6:11, 12; Sal 11:5)
(c) Nimutagihe dhavi Noe nigakela mweddihedho modheela nikuru na Yehova? (Wita 6:22; 1 Joau 5:3)
2. Kengesa Wita 7:1-9.
Mukalelo wamoonile Yehova Noe mulobwana wohakwana ninga woligana onnilibiha dhavi ovanene? (Wita 7:1; Vimarya 10:16; Iza 26:7)
Nipadduwo 10
1. Sabwa yani yakooddeli muthu mwina ovolowa mpangayani mwaromeli muzogwe orubwa?
2. Yehova wamurubwihile muzogweya omutana na omathiyu mangasi, nanda manjeya aavayile dhavi?
3. Yapadduweli pangaya txini muromeli manjeya okunela elabo ya vati?
4. Mikango dhahiviluwa va Mpuloni, nanda ababi a mikango esile adhile okala eni?
5. Yapadduweli pangaya txini muvireli myeri mitanu?
6. Noe wanvavihedhi eni nyakungu ovenyedha mpangayani?
7. Noe waziwile dhavi wila manje ahimala ovwa velaboni ya vati?
8. Mulugu walogile eni Noe mumaleliye okala mpangayani na murala waye okwaranya yaka modha?
Mavuzo owenjedhedha:
1. Kengesa Wita 7:10-24.
(a) Egumi velaboni ya vati yatolowile na muthengo gani? (Wita 7:23)
(b) Manje a Mpulo aagoneeli mudhidhi mungasi mpaka ovwa? (Wita 7:24)
2. Kengesa Wita 8:1-17.
Wita 8:17 onlagiha dhavi wila efunelo yoroma ya Yehova mowiwanana na elabo ya vati kisadduwile? (Wita 1:22)
3. Kengesa 1 Pedro 3:19, 20.
(a) Angelo abale aasadduwile mweyelelani odhulu, aathongiwe dhavi? (Yuda 6)
(b) Muthaka wa Noe na murala waye onlibiha dhavi nikuluvelo nehu mwa owodha wa Yehova wa ofurula nlogo naye? (2 Ped 2:9)
Nipadduwo 11
1. Ninga mulagihedhiwani va nladdanihoni, Noe wakosile eni mwabudduweliye wene mpangayani?
2. Nlamulo gani nanvahile Mulugu Noe vina murala waye muvireli mpulo?
3. Nlibelo gani nakosile Mulugu?
4. Nigoona musilibo, obu onfanyeela onubutxedha eni?
Mavuzo owenjedhedha:
1. Kengesa Wita 8:18-22.
(a) Niwodhe dhavi onvaha Yehova “yonukela yoziva” ovanene? (Wita 8:21; Aheb 13:15, 16)
(b) Woona gani wakosile Yehova mwaha wa mukalelo wa murima wa muthu, nanda pasope gani enfanyeelihu okaana? (Wita 8:21; Mt 15:18, 19)
2. Kengesa Wita 9:9-17.
(a) Nipagano gani nakosile Yehova na dhothanddiwa dhotene dha elabo ya vati? (Wita 9:10, 11)
(b) Nipagano na musilibo ninalabe mpaka mudhidhi gani? (Wita 9:16)
Nipadduwo 12
Athu Ahimaga Murhingothi Munddimuwa
1. Nimirodi wali aani, nanda Mulugu wewile eni mwaha wa iyene?
2. Va nladdanihoni, athu oobela eni masizola?
3. Yehova wakooddeli eni oziveliwa na mabasaya a omaga?
4. Mulugu wemetxile dhavi omagiwa wa murhingothiya?
5. Sidadiya yatxemerhiwa dhavi, nanda nzina nthile natapulela eni?
6. Txini yapadduweli athuya Mulugu mwamaleliye ovidiganya dhilogelo dhawa?
Mavuzo owenjedhedha:
1. Kengesa Wita 10:1, 8-10.
Makalelo gani aalagihile Nimirodi, nanda nlago gani ninnivaha eji? (Vimarya 3:31)
2. Kengesa Wita 11:1-9.
Sabwaya ya omaga murhingothi yali evi, nanda mabasaya aathongeliwe eni ojomba? (Wita 11:4; Vimarya 16:18; Joau 5:44)
Nipadduwo 13
1. Mukalelo gani wa athu akala mu sidadi ya Uri?
2. Mulobwana oddu oli va nladdanihoni bani, iyene wabaaliwe mudhidhi gani, nanda wakala wuvi?
3. Mulugu wampagile wila Abramu akose eni?
4. Abramu watxemerheliwa eni marho wa Mulugu?
5. Wadhowile na Abramu mwabudduweliye mu Uri bani?
6. Abramu mwafiyeliye mwilaboni ya Kana Mulugu wampangile eni?
7. Abramu bana vyaka 99 dha obaaliwa nlibelo gani namukoseli Mulugu?
Mavuzo owenjedhedha:
1. Kengesa Wita 11:27-32.
(a) Omudhi gani wana Abramu na Loti? (Wita 11:27)
(b) Masiki Tera vanlogiwiye wila wahimwalihedha murala waye mu Kana, niziwile dhavi wila ddi Abramu waromihile omwala oku, nanda iyene wakoseli eni dhaene? (Wita 11:31; Mer 7:2-4)
2. Kengesa Wita 12:1-7.
Mwafiyeliye mwilaboni ya Kana Yehova walapihile dhavi nipagano na Abramu? (Wita 12:7)
3. Kengesa Wita 17:1-8, 15-17.
(a) Bana vyaka 99 dha obaaliwa, Abramu wathambirhile musadduwo gani wa nzina, nanda sabwa yani? (Wita 17:5)
(b) Mareeliho gani a musogorho aamuroromelihile Mulugu Saara? (Wita 17:15, 16)
4. Kengesa Wita 18:9-19.
(a) Va Wita 18:19, mabasa gani anvahiwa ababi? (Olib 6:6, 7; Ef 6:4)
(b) Yotagiha gani ya Saara enlagiha wila kaninwodha onvitela elobo Yehova? (Wita 18:12, 15; Sal 44:21)
Nipadduwo 14
Mulugu Oheha Nroromelo Na Abramu
1. Nlibelo gani namukoseli Mulugu Abramu, nanda Mulugu wasorihile dhavi nlibelo naye?
2. Ninga munlagihedhiwani va nladdanihoni, Mulugu wehile dhavi nroromelo na Abramu?
3. Abramu wakosile eni, masiki vakooddiye ononelamo sabwa ya nlamulo na Mulugu?
4. Txini yapadduwile Abramu mwathukuleliye mbeni wila ampe mwana waye?
5. Nroromelo na Abramu mwa Mulugu nalibile dhavi?
6. Mulugu wasasanyedhi eni wila Abramu aperheke ninga mukutho, nanda na mukalelo gani?
Mavuzo owenjedhedha:
1. Kengesa Wita 21:1-7.
Abramu wamwineli eni mwana waye siku na notanu na noraru? (Wita 17:10-12; 21:4)
2. Kengesa Wita 22:1-18.
Izaki walagihile dhavi omwiwelela babi waye, Abramu, nanda eji yatapulela dhavi yowireya ya musogorho ya ntapulelo nddimuwa vaddiddi? (Wita 22:7-9; 1 Kor 5:7; Fil 2:8, 9)
Nipadduwo 15
Mwadhi Loti Wahañgana Mundduni
1. Abramu na Loti aamwalaneli eni?
2. Loti wasakuleli eni okala mu Soddoma?
3. Athu a mu Soddoma aali dhavi?
4. Nlago gani navahiwe Loti na angelo eeli?
5. Mwadhi Loti wadheeli eni okala eruwa ya mwinyu?
6. Nsunzo gani ninsunzihu mwa nipadduwo na mwadhi Loti?
Mavuzo owenjedhedha:
1. Kengesa Wita 13:5-13.
Mowiwanana na othonga miladdu vari va athu, nsunzo gani ninsunzihu mwa Abramu? (Wita 13:8, 9; Rom 12:10; Fil 2:3, 4)
2. Kengesa Wita 18:20-33.
Merelo a Yehova na Abramu annivaha dhavi nikuluvelo nawila Yehova na Yezu anela othonga na oligana? (Wita 18:25, 26; Mt 25:31-33)
3. Kengesa Wita 19:1-29.
(a) Muthaka obu wa Bibilia onlagiha eni mowiwanana na moonelo wa Mulugu mwaha wa ogonihana alobwanavi? (Wita 19:5, 13; Onam 20:13)
(b) Othiyana gani onfanyihu mmukaleloni wakulile Loti na Abramu mweddihedho wa Mulugu, nanda ninsunzamo eni mwa ejene? (Wita 19:15, 16, 19, 20; 22:3)
4. Kengesa Lukas 17:28-32.
Mukalelo gani wa murima wana mwadhi Loti modheela dhilobo dha omaningoni, nanda eji enlaba dhavi ninga nlago wa iyo? (Lk 12:15; 17:31, 32; Mt 6:19-21, 25)
5. Kengesa 2 Pedro 2:6-8.
Mwa omutagiha Loti, mukalelo wehu ogafanyeeli okala ovi modheela elabo ya ovuta ennirija? (Ezek 9:4; 1 Joau 2:15-17)
Nipadduwo 16
Izaki Ohimugumela Muyana Waderetu
1. Mulobwana na muyana oddu oli va nladdanihoni bani?
2. Abramu wakosile eni wila amugumelele mwana waye muyana, nanda sabwa yani?
3. Nlobelo na mudhari wa Abramu nakuliwe dhavi?
4. Yowakula gani yavahile Rebeka mwavuzeliwiye akala wanfuna oteliwa na Izaki?
5. Txini yamukosihile Izaki ohagalala wili?
Mavuzo owenjedhedha:
1. Kengesa Wita 24:1-67.
(a) Makalelo gani aderetu vaddiddi aalagihile Rebeka mwagumaneliye na mudhari wa Abramu va ntxelani? (Wita 24:17-20; Vimarya 31:17, 31)
(b) Musasanyedho wakosile Abramu bamukosela Izaki onvaha yotagiha gani yaderetu vaddiddi wa Akristu ovanene? (Wita 24:37, 38; 1 Kor 7:39; 2 Kor 6:14)
(c) Ninfanyeelela eni ofanya mudhidhi wa otanaalela, ninga mwakoseli Izaki? (Wita 24:63; Sal 77:12; Fil 4:8)
Nipadduwo 17
1. Ezau na Yakobi aali aani, nanda awene aathiyanile dhavi?
2. Ezau na Yakobi aana vyaka ngasi dha obaaliwa mudhidhi wakwile bibi wawa Abramu?
3. Ezau wakosile eni yamukubanyihile vaddiddi mai na babi waye?
4. Ezau waludduweli eni vaddiddi na mbali waye Yakobi?
5. Nlago gani nanvahile Izaki mwana waye Yakobi?
Mavuzo owenjedhedha:
1. Kengesa Wita 25:5-11, 20-34.
(a) Yehova wathagile ologa eni mwaha wa ana eeli a alobwana a Rebeka? (Wita 25:23)
(b) Othiyana gani wali vari va mukalelo wa Yakobi na wa Ezau modheela othaji? (Wita 25:31-34)
2. Kengesa Wita 26:34, 35; 27:1-46; 28:1-5.
(a) Otuwa ntamaalelo wa Ezau na dhilobo dha omuyani wooneyile dhavi? (Wita 26:34, 35; 27:46)
(b) Wila Yakobi aakele nreeliho na Mulugu, Izaki wampangile wila akose eni? (Wita 28:1-4)
3. Kengesa Aebreo 12:16, 17.
Yotagiha ya Ezau enlagiha dhavi dhodhavo dha abale ampwaza dhilobo dhokoddela?
Nipadduwo 18
1. Muzombwe oddu wa muyana oli va nladdanihoni bani, nanda Yakobi wamukoseli eni?
2. Yakobi waviperhekeli okosa eni wila amutele Rakeli?
3. Labani wakosile eni mwafiyeli mudhidhi wa Yakobi omutela Rakeli?
4. Yakobi warumeeli okosa eni wila akaane Rakeli ninga mwadhiye?
Mavuzo owenjedhedha:
1. Kengesa Wita 29:1-30.
(a) Masiki Labani vampeliye malago, Yakobi walagihile dhavi wila onovithithimiha, nanda iyo ninsunzamo eni mwa ejene? (Wita 25:27; 29:26-28; Mt 5:37)
(b) Yotagiha ya Yakobi enlagiha dhavi othiyana wa okwela na ojeya murima? (Wita 29:18, 20, 30; Jibo 8:6)
(c) Ayana gani anai abene aadhile okosa epaddi ya murala wa Yakobi nanda musogorhomwa bambaalela ana a alobwana? (Wita 29:23, 24, 28, 29)
Nipadduwo 19
Yakobi Ohikaana Murala Munddimuwa
1. Bavi mazina a ana a alobwana atanu na mmodha akaanile Yakobi modheela mwadhiye woroma Leia?
2. Bani ana eeli a alobwana aabaaleliwe Yakobi modheela Zilipa mudhari wa Leia?
3. Mazina a ana eeli a alobwana aabaaleliwe Yakobi modheela Bila mudhari wa Rakeli aali aavi?
4. Ana eeli a alobwana aabaalile Rakeli bani, mbwenye yapadduwile txini mwabaaleliwe mwanaya wa mulobwana wa nawili?
5. Mowiwanana na nladdaniho, Yakobi wana ana a alobwana angasi, nanda txini yadhile mwa awene?
Mavuzo owenjedhedha:
1. Kengesa Wita 29:32-35; 30:1-26; 35:16-19.
Ninga mulagihedhiwani na ejile yapadduwile na ana a alobwana 12 a Yakobi, analobwana a Aebreo avahiwa dhavi mazina awa mmasakani a wale?
2. Kengesa Wita 37:35.
Masiki vanromoliwa Dina bahi mBibiliani, niziwile dhavi wila Yakobi wahikaana okwaranya mwana wa muyana mmodha? (Wita 37:34, 35)
Nipadduwo 20
1. Abramu na Izaki akooddela eni wila ana awa a alobwana aatele athu a mwilaboni ya Kana?
2. Yakobi wanziveliwa wila ana aye a ayana akaanege amarho a anayana a akudda Kana?
3. Mulobwana oddu onimwañgana Dina va nladdanihoni bani, nanda elobo gani yabure yakosiliye?
4. Arogori a Dina Simeoni na Levi aakosile eni mwewelani ejile yapadduwile?
5. Yakobi wahiziveliwa ejile yakosile Simeoni na Levi?
6. Nikathamiho nthi notene na murala naromile dhavi?
Mavuzo owenjedhedha:
1. Kengesa Wita 34:1-31.
(a) Wandana wa Dina na ana a ayana a elabo ya Kana yali elobo yapadduwile dila modha? Katapulela. (Wita 34:1)
(b) Dina wakaanile dhavi muna muladdu sabwa ya oyeleela onamwali waye? (Gal 6:7)
(c) Azombwe a ovanene awodhe dhavi olagiha wila anothiddeela yotagiha ya olaga ya Dina? (Vimarya 13:20; 1 Kor 15:33; 1 Joau 5:19)
Nipadduwo 21
1. Abali a Zuze amukaanela eni aje, nanda awene aakosile eni?
2. Abali a Zuze anfuna amukosena eni, mbwenye Rubeni ologile eni?
3. Yapadduwile txini mwafiyeli anyampinddu a Aismaeli?
4. Abali a Zuze akosile eni wila amukosihe babi wawa woona ninga Zuze ohikwa?
Mavuzo owenjedhedha:
1. Kengesa Wita 37:1-35.
(a) Akristu awodhe dhavi otagiha yotagiha ya Zuze modheela wadda merelo abure mmulogoni? (Wita 37:2; Onam 5:1; 1 Kor 1:11)
(b) Yakosihile abali a Zuze omujela engurhe txini? (Wita 37:11, 18; Vimarya 27:4; Tia 3:14-16)
(c) Mwirelo gani wa Yakobi obwene oli mpaddi wohikala wabure wa okubanya? (Wita 37:35)
Nipadduwo 22
1. Zuze wana vyaka ngasi mwathukuleliwiye wiJipito, nanda txini yapadduwile mwafiyeliye wenewale?
2. Zuze wagomeli dhavi mu kambura?
3. Mabasa gani avahiwe Zuze mu kambura?
4. Mu kambura, Zuze wamukoseli eni namaperheka dhomwa na namooba mikathe wa Farao?
5. Mumaleli namaperheka dhomwa oburutxiwa mu kambura yapadduwile txini?
Mavuzo owenjedhedha:
1. Kengesa Wita 39:1-23.
Vowila mmasikuni a Zuze kawali nlamulo na Mulugu nomala olebiwa nakona oraruwa, txini yamukosihile Zuze omuthawa mwadhi Potifari? (Wita 2:24; 20:3; 39:9)
2. Kengesa Wita 40:1-23.
(a) Kalogamo vañgonovi yoroha ya namaperheka dhomwa vina mutapulelo wanvahile Yehova Zuze. (Wita 40:9-13)
(b) Yoroha gani yana namooba mikathe, nanda eji yatapulela eni? (Wita 40:16-19)
(c) Gatha ya mudhari wororomeleya vina wa txenjewa ovanene entagihaga dhavi mukalelo wa Zuze? (Wita 40:8; Sal 36:9; Joau 17:17; Mer 17:2, 3)
(d) Wita 40:20 onvaha dhavi txeza moonelo wa Okristu mwaha wa mathanga a siku na obaaliwa? (Koh. 7:1; Mk 6:21-28)
Nipadduwo 23
1. Empadduweli Farao omathiyu dhahi txini?
2. Omagomelowa namaperheka dhomwa omubuweleli eni Zuze?
3. Ninga mulagihedhiwani va nladdanihoni, dhoroha gani biili dhakaanile Farao?
4. Zuze walogile wila dhoroha esile dhatapulela eni?
5. Zuze wadhile dhavi okala mulobwana wa mpaddo munddimuwa vaddiddi mu Ejipito wanfarela Farao?
6. Abali a Zuze adheeli eni wiJipito, vina aweneya ankooddela eni omuzinddiyela iyene?
7. Zuze onubuwela yoroha gani, vina eji emukamihile ononelamo eni?
Mavuzo owenjedhedha:
1. Kengesa Wita 41:1-57.
(a) Zuze wamunyaaleli dhavi Yehova, vina mukalelo gani onwodha Akristu a ovanene otagiha yotagiha yaye? (Wita 41:16, 25, 28; Mt 5:16; 1 Ped 2:12)
(b) Vyaka dha oja vaddiddi mu Ejipito dhafareliwe na vyaka dha dala, dhinthiyana dhavi moligana na mukalelo wa omuyani wa nlogo na Yehova ovanene na obule wa Akristu ahili a ebaribari? (Wita 41:29, 30; Am 8:11, 12)
2. Kengesa Wita 42:1-8 na 50:20.
Jabure anamebedha a Yehova omukokorela muthu mwa omuthithimiha vina omuriha sabwa ya mpaddo waye akala eji ji yeddeloya ya elaboya? (Wita 42:6)
Nipadduwo 24
1. Zuze wamagedheli eni abali aye okala anamareza?
2. Yakobi wamuthiyeli eni mwana waye ethogohiya, Bejami, odhowa wiJipito?
3. Kopo ya parata ya Zuze yavolowile dhavi mu thumbini ya Bejami?
4. Yuda waperekile eni wila amobolele Bejami?
5. Abali a Zuze asadduwile dhavi?
Mavuzo owenjedhedha:
1. Kengesa Wita 42:9-38.
Mazu a Zuze va Wita 42:18 ali dhavi mubutxedho waderetu wa abale ana mabasa mu nikuruni na Yehova ovanene? (Nem. 5:15; 2 Kor 7:1, 2)
2. Kengesa Wita 43:1-34.
(a) Masiki Rubeni vaaliye mwanaya wa muthaji, enooneya dhavi wila Yuda wahidha okala mulogi wa abali aye? (Wita 43:3, 8, 9; 44:14, 18; 1 Map 5:2)
(b) Ninga munooneyelani, Zuze wawehile dhavi abali aye, nanda sabwa yani? (Wita 43:33, 34)
3. Kengesa Wita 44:1-34.
(a) Ninga epaddi ya marhe a ovivita vamentoni va abali aye, Zuze ovithwanyutxile dhavi? (Wita 44:5, 15; Onam 19:26)
(b) Abali a Zuze alagihile dhavi wila ekalelo ya ntxiga nthile namukaanelani wale mbali wawa nahimala ogoma? (Wita 44:13, 33, 34)
Nipadduwo 25
1. Yapadduwile txini Zuze mwapangeliye abali aye iyene bani?
2. Na thagaraga Zuze watapuleli eni abali aye?
3. Farao ologile eni mwiweliye mwaha wa abali a Zuze?
4. Murala wa Yakobi wonuwile dhavi mwamwalelani wiJipito?
5. Murala wa Yakobi wadhile otxemerhiwa dhavi, nanda sabwa yani?
Mavuzo owenjedhedha:
1. Kengesa Wita 45:1-28.
Muthaka wa Bibilia mwaha wa Zuze onlagiha dhavi wila Yehova podi osaddula ejile yafuna waputhula adhari aye bikala elobo yaderetu? (Wita 45:5-8; Iza 8:10; Fil 1:12-14)
2. Kengesa Wita 46:1-27.
Nipangarhazo gani nanvahile Yehova Yakobi bagadhowa wiJipito? (Wita 46:1-4, mazu a mutxiddo)
Nipadduwo 26
1. Jobi wali aani?
2. Satana watameli okosa eni, mbwenye iyeneya waheeddeleya deretu?
3. Yehova wanvahile Satana nrumeelelo na okosa eni, nanda sabwa yani?
4. Mwadhi Jobi wampangeli eni iyene wila “kamuulumele Mulugu nanda okwe”? (Koona nladdaniho.)
5. Ninga munwodheliwe woona va nladdanihoni na nawili, Yehova wamureelihile dhavi Jobi, nanda sabwa yani?
6. Akala iyo, ninga Jobi, ninomuroromela Yehova, mareeliho gani anakelihu?
Mavuzo owenjedhedha:
1. Kengesa Jobi 1:1-22.
Ovanene Akristu anwodha dhavi omutagiha Jobi? (Jobi 1:1; Fil 2:15; 2 Ped 3:14)
2. Kengesa Jobi 2:1-13.
Na makalelo gani meeli oothiyana aakosile Jobi na mwadhiye ofarafariwa na Satana? (Jobi 2:9, 10; Vimarya 19:3; Mik 7:7; Mal 3:14)
3. Kengesa Jobi 42:10-17.
(a) Oligana gani oli vari va ethuvo yathambirhile Jobi na esile dhathambirhile Yezu sabwa ya dila ya egumi ya ororomeleya? (Jobi 42:12; Fil 2:9-11)
(b) Ninlibiheya dhavi na mareeliho aakelile Jobi sabwa ya okaanavi wimela waye wa Mulugu? (Jobi 42:10, 12; Aheb. 6:10; Tia 1:2-4, 12; 5:11)
Nipadduwo 27
Mwene Wabure Onolamulela Mu Ejipito
1. Va nladdanihoni, mulobwana oddu ona muwasulo bani, nanda oddu onimuwasuliye bani?
2. Mukweli Zuze, yapadduweli Aizraeli txini?
3. Akudda Ejipito aadheeli eni wawova Aizraeli?
4. Nlamulo gani naavahile Farao ayana abale aakamiha ayana a Aizraeli agabaalaga?
Mavuzo owenjedhedha:
1. Kengesa Obudduwa 1:6-22.
(a) Na mukalelo gani waromile Yehova osoriha olibela waye wa Abramu? (Obud 1:7; Wita 12:2; Mer 7:17)
(b) Addaya a Aebreo aalagihile dhavi nriho na okoddela wa egumi? (Obud 1:17; Wita 9:6)
(c) Addaya abale aathuviwe dhavi sabwa ya ororomeleya wawa wa Yehova? (Obud 1:20, 21; Vimarya 19:17)
(d) Satana watameli dhavi okathamiha efunelo ya Yehova mowiwanana na Beu ya Abramu yaroromelihiwe? (Obud 1:22; Mt 2:16)
Nipadduwo 28
1. Nyenye oddu oli va nladdanihoni bani, nanda othiddeeli ebuno yani?
2. Mai wa Moize wakosile eni wila anvune yawila anapiwe?
3. Mwanamuyana oddu muñgono oli va nladdanihoni bani, nanda iyene wakosile eni?
4. Mwana wa muyana wa Farao mwanfanyeliye nyenyeya, Miriamu walogile eni?
5. Musano walogile eni na mai wa Moize?
Mavuzo owenjedhedha:
1. Kengesa Obudduwa 2:1-10.
Mudhidhi gani wana mai wa Moize wila amulage vina amusunzihe Moize ovenyedha wuhimani, nanda yotagiha gani envaha eji wa amambali ovanene? (Obud 2:9, 10; Olib. 6:6-9; Vimarya 22:6; Ef 6:4; 2 Tim 3:15)
Nipadduwo 29
1. Moize wonuwile wuvi, mbwenye iyene waziwile eni mwaha wa amambali aye?
2. Mwakaaneliye vyaka 40 dha obaaliwa Moize wakosile eni?
3. Moize walogile eni na mulobwana dhahi wa Muizraeli wawana, mbwenye yowakula gani yavahile mulobwanaya?
4. Moize wathawelini mu Ejipito?
5. Moize wathaweli wuvi, nanda iyene wagumanile na ani wenewale?
6. Mwari mwa vyaka 40 mumaleliye othawa mu Ejipito, Moize wakosile eni?
Mavuzo owenjedhedha:
1. Kengesa Obudduwa 2:11-25.
Masiki na vyaka dhinjidhene dha oleliwa mu zelu ya akudda Ejipito, Moize walagihile dhavi ororomeleya waye wa Yehova vina nlogo naye? (Obud 2:11, 12; Aheb. 11:24)
2. Kengesa Merelo 7:22-29.
Ninsunzamo eni modheela Moize otamela mwinyene wafurula Aizraeli mu odharini wa akudda Ejipito? (Mer 7:23-25; 1 Ped 5:6, 10)
Nipadduwo 30
1. Mwango obu oli va nladdanihoni ontxemerhiwa dhavi?
2. Kalogamo elobo yakooddile oziwiwa yoonile Moize mwadhoweliye o mwangoni na mabila aye.
3. Nzu nabudduwile va nikupuni ninthidda motho nalogile eni, nanda lizu nthi nali na aani?
4. Moize wakulile eni Mulugu mwampangeliye wila iyene onela osogorhela nlogo naye obudduwa mu Ejipito?
5. Mulugu wampangile eni Moize wila aloge akala nlogo ninonvuza bani wamurumile iyene?
6. Moize agawodhile dhavi wooniha wila Mulugu wahimuruma?
Mavuzo owenjedhedha:
1. Kengesa Obudduwa 3:1-22.
Yotagiha ya Moize ennivaha dhavi nikuluvelo nawila masiki akala niniviwoona wila kaninfanyeela wakwaniha yothomeliwa ya omulugu, Yehova onela onikamiha? (Obud 3:11, 13; 2 Kor 3:5, 6)
2. Kengesa Obudduwa 4:1-20.
(a) Musadduwo gani mmukaleloni wa Moize wapadduwile mwari mwa vyaka 40 dhakaliliye o Midia, nanda abale anfuna ofanya mabasa mmulogoni ansunzamo nsunzo gani mwa ejene? (Obud 2:11, 12; 4:10, 13; Mik 6:8; 1 Tim 3:1, 6, 10)
(b) Masiki akala ninolagiwa na Yehova modheela nikuru naye, nikuluvelo gani ninwodha onivaha yotagiha ya Moize? (Obud 4:12-14; Sal 103:14; Aheb. 12:4-11)
Nipadduwo 31
Moize Na Arau Ahigumana Na Farao
1. Nipakelo gani nana wa Aizraeli matikiniho aakosile Moize na Arau?
2. Moize na Arau ampangile eni Farao, nanda yowakula ya Farao yali yivi?
3. Ninga munlagihedhiwani va nladdanihoni nthi, Arau mwavokedhiye vati mukongozo waye yapadduwile txini?
4. Yehova wamusunzihile dhavi Farao nsunzo, nanda Farao wakulile dhavi?
5. Muvireli mulili wa nokumi yapadduwile txini?
Mavuzo owenjedhedha:
1. Kengesa Obudduwa 4:27-31 na 5:1-23.
Farao mwalogeliye wila: “Miyo kaddinimuziwa wene Yehova” wafuna aloge eni? (Obud 5:2; 1 Sam 2:12; Rom 1:21)
2. Kengesa Obudduwa 6:1-13, 26-30.
(a) Na mukalelo gani wakooddile Yehova oviziwiha wa Abramu, Izaki, na Yakobi? (Obud 3:13, 14; 6:3; Wita 12:8)
(b) Oziwa wila Yehova wahimulabihedhavi Moize, masiki Moize vakooddiliye oviwoona ninga wofanyeela othomeliwa mabasa aba, eji ennikosiha wiwamo dhavi? (Obud 6:12, 30; Lk 21:13-15)
3. Kengesa Obudduwa 7:1-13.
(a) Moize na Arau mwalogelani na oliba murima dhothonga dha Yehova wa Farao, yeddelo gani yawimetxelani adhari a Mulugu a ovanene? (Obud 7:2, 3, 6; Mer 4:29-31)
(b) Yehova walagihile dhavi onddimuwa waye vadhulu va amilugu a mu Ejipito? (Obud 7:12; 1 Map 29:12)
Nipadduwo 32
1. Bugalabihedha maladdaniho anlagihiwa apa, kalogamo milili miraru dhoroma esile dhadhilena Yehova mu Ejipito?
2. Othiyana gani wali vari va milili miraru dhoroma na milili dhiina?
3. Mulili wa nonai, wa notanu, vina wa notanu na mmodha wali wani?
4. Kalogamo mulili wa notanu na wili, wa notanu noraru, vina wa notanu na nai.
5. Mulili wa nokumi ohinathi, Yehova waapangile Aizraeli okosa eni?
6. Mulili wa nokumi wali wani, nanda txini yapadduwile mwavireli mulili obu?
Mavuzo owenjedhedha:
1. Kengesa Obudduwa 7:19–8:23.
(a) Masiki modheela merelo a masalapitho a anamakutha a Ejipito vawodhilani otagiha milili mili dhoroma dha Yehova, txini yamageleliwani orumeela mwavireli mulili wa noraru? (Obud 8:18, 19; Mt 12:24-28)
(b) Mulili wa nonai walagihile dhavi ewodhelo ya Yehova ya obarela nlogo naye, nanda oziwa eji enkosiha dhavi nlogo na Mulugu wiwa oku bagajeedhela “goi enddimuwa” ethagiwe ologiwa? (Obud 8:22, 23; Ovuh 7:13, 14; 2 Map 16:9)
2. Kengesa Obudduwa 8:24; 9:3, 6, 10, 11, 14, 16, 23-25 na Obudduwa 10:13-15, 21-23.
(a) Gatha gani biili dhakoniwe na Milili Kumi, nanda eji empakela dhavi moonelo wehu wa gatha esi ovanene? (Obud 8:10, 18, 19; 9:14)
(b) Obudduwa 9:16 onnikamiha dhavi ononelamo sabwa emuthiyeli Yehova Satana okalagawovi mpaka ovanene? (Rom 9:21, 22)
3. Kengesa Obudduwa 12:21-32.
Paskwa wavunile dhavi athu enjene, nanda Paskwaya watonya eni? (Obud 12:21-23; Joau 1:29; Rom 5:18, 19, 21; 1 Kor 5:7)
Nipadduwo 33
1. Alobwana angasi a Aizraeli, vamodha na ayana vina aima, aabudduwile mu Ejipito, nanda bani aabudduwile na awene?
2. Farao wewile dhavi mwamaleliye wathiya Aizraeli odhowa, nanda iyene wakosile eni?
3. Yehova wakosile eni wila aawimetxe akudda Ejipito obuddugela nlogo naye?
4. Moize mwagwagwanyedhiye mukongozo waye mu Nyaza Yofila yapadduwile txini, nanda Aizraeli aakosile eni?
5. Akudda Ejipito mwathamagelelani Aizraeli mu nyaza txini yapadduwile?
6. Aizraeli aalagihile dhavi wila aahiziveliwa na omutamaalela Yehova sabwa ya awene ovuniwa?
Mavuzo owenjedhedha:
1. Kengesa Obudduwa 12:33-36.
Yehova wakosihile dhavi wila nlogo naye nipitxiwe sabwa ya vyaka dhawa dhotene dha odhari mutxiddo mwa akudda Ejipito? (Obud 3:21, 22; 12:35, 36)
2. Kengesa Obudduwa 14:1-31.
Mazu a Moize alebiwe va Obudduwa 14:13, 14 anapakela dhavi adhari a Yehova a ovanene agagumanaga na koddo ya Harmageddo ejo enda? (2 Map 20:17; Sal 91:8)
3. Kengesa Obudduwa 15:1-8, 20, 21.
(a) Adhari a Yehova anfanyeelela eni omwibela matamaalo? (Obud 15:1, 2; Sal 105:2, 3; Ovuh 15:3, 4)
(b) Yotagiha gani ya omutamaala Yehova evahile Miriamu na ayana abale va Nyaza Yofila wa ayana a Akristu a ovanene? (Obud 15:20, 21; Sal 68:11)
Nipadduwo 34
1. Va nladdanihoni, athu aba anddodda eni vati, nanda eji entxemerhiva dhavi?
2. Nlago gani navahile Moize nlogo mwaha wa oddodda mana?
3. Yehova wapangile eni wila nlogo nikosege va siku na notanu na nimodha, nanda sabwa yani?
4. Ntikiniho gani ninkosa Yehova mana agakoyiwa mpaka siku na notanu na wili?
5. Yehova ojihile nlogo mana mpaka mudhidhi mungasi?
Mavuzo owenjedhedha:
1. Kengesa Obudduwa 16:1-36 na Olebeliwa 11:7-9.
(a) Obudduwa 16:8 onlagiha eni mwaha wa ofuneya wa iyo oriha dhothomeliwa dha omulugu mmulogoni wa Okristu? (Aheb 13:17)
(b) Mwiddeddereni, Aizraeli obutxedhiwa dhavi siku na siku omugayela wawa Yehova? (Obud 16:14-16, 35; Olib 8:2, 3)
(c) Mutapulelo gani wa ezinddiyelo wa mana wavahile Yezu, nanda iyo nimpuramo dhavi “mukathe [obu] odhile odhulu”? (Joau 6:31-35, 40)
2. Kengesa Josue 5:10-12.
Aizraeli ajile mana vyaka ngasi, nanda aba awehile dhavi awene, nanda ninsunzamo eni mwa yowireya eji? (Obud 16:35; Oleb 11:4-6; 1 Kor 10:10, 11)
Yehova Ohivaha Malamulo Aye
1. Othamagela myeri mili mumalelani obudduwa mu Ejipito, Aizraeli asamile wuvi?
2. Yehova walogile eni yafuniyena wila nlogo nikosege, nanda yowakula yawa jivi?
3. Yehova wanvaheli eni Moize myarha mili dhoopepeya?
4. Malamulo Kumi balivi, malamulo gani mena aavahile Yehova Aizraeli?
5. Malamulo gani meeli aalogile Yezu wila ba manddimuwaya vaddiddi?
Mavuzo owenjedhedha:
1. Kengesa Obudduwa 19:1-25; 20:1-21; 24:12-18 na Obudduwa 31:18.
Mazu alebiwe va Obudduwa 19:8 annikamiha dhavi ononelamo txini eli mwari mwa oviperheka wa Okristu? (Mt 16:24; 1 Ped 4:1-3)
2. Kengesa Deuteronomo 6:4-6; Onamakutha 19:18 na Mateus 22:36-40.
Akristu anlagiha dhavi okwela wawa wa Mulugu vina mwaddamani wawa? (Mk 6:34; Mer 4:20; Rom 15:2)
Nipadduwo 36
1. Va nladdanihoni, athu aba ankosa eni, nanda sabwa yani?
2. Yehova oludduweli eni, nanda Moize onkosa eni mooneliye ejile yakosa athu?
3. Moize wapangile eni wila alobwana ena akose?
4. Nipadduwo nthi ninfanyeela onisunziha nsunzo gani?
Mavuzo owenjedhedha:
1. Kengesa Obudduwa 32:1-35.
(a) Muthaka obu onlagiha dhavi mubuwelo wa Yehova modheela otaganyiha relijiau ehili ya ebaribari na webedha wa ebaribari? (Obud 32:4-6, 10; 1 Kor 10:7, 11)
(b) Pasope gani onfanyeela Akristu okaana mwa osakula wawa wa dhovegana, ninga wiba vina otxetha? (Obud 32:18, 19; Ef 5:15, 16; 1 Joau 2:15-17)
(c) Ziza na Levi navahile dhavi yotagiha yaderetu mwa ovunela oligana? (Obud 32:25-28; Sal 18:25)
Nipadduwo 37
1. Numba eji eli va nladdanihoni entxemerhiwa dhavi, nanda eji enlabihedhiwa okosa eni?
2. Yehova wampangeli eni Moize wila akose musasaya wila owodhiwege ofudhiwa s’ohirutxa?
3. Kasha eli mwari mwa kambirhinya eñgono okomoni wa musasa txini, nanda mu kashanimwa muli eni?
4. Bani wamusakulile Yehova wila akale namakutha munddimuwa, nanda namakutha munddimuwa onkosa eni?
5. Karomola dhilobo tharu dhili mu kambirhinya enddimuwa ya musasa.
6. Dhilobo gani biili dhili va tamuni ya tabernakulu, nanda esi dhinlabihedhiwa okosa eni?
Mavuzo owenjedhedha:
1. Kengesa Obudduwa 25:8-40; 26:1-37; 27:1-8 na Obudduwa 28:1.
Akerubi ali va “kasha ya onamoona” atapulela eni? (Obud 25:20, 22; Oleb 7:89; 2 Amwe 19:15)
2. Kengesa Obudduwa 30:1-10, 17-21; 34:1, 2 na Ahebreu 9:1-5.
(a) Yehova wathukuleli eni vadhulu ofuneya wa anamakutha alaba mu tabernakulu okaanavi oyesa wa maningo, nanda eji enfanyeela dhavi onipakela ovanene? (Obud 30:18-21; 40:30, 31; Aheb 10:22)
(b) Murumiwi Paulo olagihile dhavi wila tabernakulu vina Nlamulo na nipagano nahimala okwela mudhidhi walebeliye karta yaye Akristu a Aebreo? (Aheb 9:1, 9; 10:1)
Nipadduwo 38
1. Weyo onoona eni mwaha wa murhinga obu wa uva va nladdanihoni nthi, nanda esi dhadhile wuvi?
2. Moize warumeli eni anamareza 12 wila adhowe mwilaboni ya Kana?
3. Anamareza kumi alogile eni mweyelelani na mpaganyo wawa wa Moize?
4. Anamareza eeli aalagihile dhavi nikuluvelo nawa mwa Yehova, nanda mazina awa bavi?
5. Yehova oludduweli eni, nanda iyene ompangile eni Moize?
Mavuzo owenjedhedha:
1. Kengesa Olebeliwa 13:1-33.
(a) Wasakuliwe wila eeddelele elaboya bani, nanda mudhidhi gani waderetu vaddiddi wana awene? (Oleb 13:2, 3, 18-20)
(b) Moonelo wa Josue na wa Kalebe wathiyaneli eni na moonelo wa anamareza ena, nanda eji ennisunziha eni? (Oleb 13:28-30; Mt 17:20; 2 Kor 5:7)
2. Kengesa Olebeliwa 14:1-38.
(a) Nlago gani ninfanyeelihu ovuruwana mwaha wa walogela thogorogo eemeleli a Yehova a velaboni ya vati? (Oleb 14:2, 3, 27; Mt 25:40, 45; 1 Kor 10:10)
(b) Olebeliwa 14:24 onlagiha dhavi wila Yehova onomutanala kadda mudhari waye? (1 Amwe 19:18; Vimarya 15:3)
Nipadduwo 39
Mukongozo Wa Arau Ohisorha Marhuwa
1. Wasadduweli olamulela wa Moize na Arau bani, nanda awene aamulogeli eni Moize?
2. Moize wampangile eni Kora wila akose na anamafara aye 250?
3. Moize wapangile eni nlogo, nanda txini yapadduwile mumaleliye wene ologa?
4. Txini yampadduweli Kora na anamafara aye 250?
5. Eliazari, mwana Arau wakosile eni na dhibale dha motho dha alobwana abale akwile, nanda sabwa yani?
6. Yehova wakosihedhi eni mukongozo wa Arau osorha marhuwa? (Koona nladdaniho.)
Mavuzo owenjedhedha:
1. Kengesa Olebeliwa 16:1-49.
(a) Kora na anamafara aye aakosile eni, nanda obu wakaleli eni mwirelo wa omusadduwela Yehova? (Oleb 16:9, 10, 18; Onam 10:1, 2; Vimarya 11:2)
(b) Moonelo gani wabure wonuwihile Kora na “anddimuwa a mutugumano” 250? (Oleb 16:1-3; Vimarya 15:33; Iza 49:7)
2. Kengesa Olebeliwa 17:1-11 na 26:10.
(a) Osorha wa marhuwa a mukongozo wa Arau watonyihedha eni, nanda Yehova warumeli eni wila obu okoyiwe mu kashani ya nipagano? (Oleb 17:5, 8, 10)
(b) Nsunzo gani naderetu ninwodhihu osunza mwa ezinddiyelo ya mukongozo wa Arau? (Oleb 17:10; Mer 20:28; Fil 2:14; Aheb 13:17)
Nipadduwo 40
1. Yehova wakoyile dhavi Aizraeli bali mwiddeddereni?
2. Thogorogo gani dhalogile Aizraeli mwasamelani va Kades?
3. Yehova wavahile dhavi manje athu na dhinama dhawa?
4. Va nladdanihoni, mulobwana oddu onivitonya bani, nanda iyene onkosela eni ejene?
5. Yehova oludduweli eni na Moize vina Arau, nanda awene asothothiwe dhavi?
6. Txini epadduwile va Mwango Hori, nanda odhile okala namakutha munddimuwa wa Izraeli bani?
Mavuzo owenjedhedha:
1. Kengesa Olebeliwa 20:1-13, 22-29 na Deuteronomo 29:5.
(a) Ninsunza eni mwa mukalelo wakoyile Yehova Aizraeli mwiddeddereni? (Olib 29:5; Mt 6:31; Aheb 13:5; Tia 1:17)
(b) Yehova woonile dhavi ojomba wa Moize na Arau wa okoodda omukoddeliha iyene vamentoni va Izraeli? (Oleb 20:12; 1 Kor 10:12; Ovuh 4:11)
(c) Ninsunza eni mwa mukalelo wakosile Moize modheela nlago navahiwiye na Yehova? (Oleb 12:3; 20:12, 27, 28; Olib 32:4; Aheb 12:7-11)
Nipadduwo 41
1. Va nladdanihoni, txini epotheeliwe vamurini, nanda Yehova wampangeli eni Moize wila eeke venevale?
2. Athu akoodda dhavi otamaalela dhilobo dhotene dhaakosela Mulugu?
3. Txini yakumbirhile athu wila Moize akose Yehova mwamaleliye oruma nowa dhowopiya wila aasothothe?
4. Yehova ompangeli eni Moize wila akose nowa ya safurhi?
5. Nsunzo gani ninsunzihu mu nipadduwo nthi?
Mavuzo owenjedhedha:
1. Kengesa Olebeliwa 21:4-9.
(a) Nlago gani ninvahiwa iyo modheela ologa thogorogo wa Aizraeli mwaha wa mivaho dha Yehova? (Oleb 21:5, 6; Rom 2:4)
(b) Mu vyaka zana dhidhilewo, Aizraeli alabihedhile dhavi nowa ya safurhi, nanda elobo gani yakosile Mwene Ezekia? (Oleb 21:9; 2 Amwe 18:1-4)
2. Kengesa Joau 3:14, 15.
Otomeyiwa wa nowa ya safurhi ninga ezinddiyelo enlagiha dhavi deretu otomeyiwa wa Yezu Kristu? (Gal 3:13; 1 Ped 2:24)
Nipadduwo 42
1. Balaki bani, nanda iyene omurumeli eni Balaami?
2. Bulu wa Balaami oginanteli eni mu dila?
3. Balaami wiwale bulu bagaloga eni?
4. Mungelo ologile eni na Balaami?
5. Epadduwile txini Balaami mwatameleliye omuulumela Izraeli?
Mavuzo owenjedhedha:
1. Kengesa Olebeliwa 21:21-35.
Sabwa yani yampemberhi Izraeli Mwene Syoni wa akudda Amori vina Mwene Oge wa Baza? (Oleb 21:21, 23, 33, 34)
2. Kengesa Olebeliwa 22:1-40.
Sabwa yani yatamelela Balaami omuulumela Izraeli, nanda nsunzo gani ninwodhihu osunza mwa ejene? (Oleb 22:16, 17; Vimarya 6:16, 18; 2 Ped 2:15; Yuda 11)
3. Kengesa Olebeliwa 23:1-30.
Masiki Balaami vaalogiliye ninga namebedha wa Yehova, merelo aye aalagihile dhavi wila iyene kaali? (Oleb 23:3, 11-14; 1 Sam 15:22)
4. Kengesa Olebeliwa 24:1-25.
Muthaka obu wa Bibilia onlibiha dhavi nroromelo nehu mwa osoriheya wa efunelo ya Yehova? (Oleb 24:10; Iza 54:17)
Nipadduwo 43
Josue Ohidha Okala Musogorheli
1. Va nladdanihoni, alobwana aba eeli eemelile na Moize bani?
2. Yehova ompangile eni Josue?
3. Moize waweleli eni omutompini wa Mwango Nebo, nanda txini empangile Yehova?
4. Moize wana vyaka ngasi dha obaaliwa mudhidhi wakwiliye?
5. Athu ankubanyela eni, mbwenye sabwa gani ya ohagalala ekaanilani?
Mavuzo owenjedhedha:
1. Kengesa Olebeliwa 27:12-23.
Mabasa gani oolemela aakelile Josue na Yehova, nanda okoya wa Yehova nlogo Naye onooneya dhavi ovanene? (Oleb 27:15-19; Mer 20:28; Aheb 13:7)
2. Kengesa Deuteronomo 3:23-29.
Yehova wakooddeli eni omuthiya Moize na Arau ovolowa mwilaboni yaroromelihiwe, nanda nsunzo gani ninsunzihu mwa ejene? (Olib 3:25-27; Oleb 20:12, 13)
3. Kengesa Deuteronomo 31:1-8, 14-23.
Mazu a opaganya a Moize wa Aizraeli anlagiha dhavi wila iyene wahirumeela na oviyeviha nlago na Yehova? (Olib 31:6-8, 23)
4. Kengesa Deuteronomo 32:45-52.
Nzu na Mulugu ninfanyeela dhavi oddiginya egumi yehu? (Olib 32:47; Onam 18:5; Aheb 4:12)
5. Kengesa Deuteronomo 34:1-12.
Masiki Moize vahinamoonigiye kakamwe Yehova, Deuteronomo 34:10 ontonyihedha dhavi mwaha wa wandana waye na Yehova? (Obud 33:11, 20; Oleb 12:8)
Nipadduwo 44
1. Raabe onkala wuvi?
2. Alobwana aba eeli ali va nladdanihoni bani, nanda awene akaleli eni mu Jeriko?
3. Mwene wa Jeriko omurumile Raabe okosa eni, nanda yowakula gani evahile Raabe?
4. Raabe wakamihile dhavi alobwanaya eeli, nanda mahala gani akumbirhile iyene?
5. Nlibelo gani namukoseli anamareza aba eeli Raabe?
Mavuzo owenjedhedha:
1. Kengesa Josue 2:1-24.
Mazu a Yehova alebiwe va Obudduwa 23:28 aasoriheyile dhavi mudhidhi wadhile Aizraeli owana na Jeriko? (Jos 2:9-11)
2. Kengesa Aebreo 11:31.
Yotagiha ya Raabe enthukulela dhavi vadhulu ofuneya wa nroromelo? (Rom 1:17; Aheb 10:39; Tia 2:25)
Nipadduwo 45
1. Ntikiniho gani nikosile Yehova wila Aizraeli awodhe wabuwa Mwinje Jordano?
2. Mwirelo gani wa nroromelo wafanyeeli Aizraeli okosa wila aabuwe Mwinje Jordano?
3. Yehova wampangeli eni Josue wila apigele myarha dhinddimuwa 12 dha mmagwani wa mwinje?
4. Yapadduwile txini anamakutha mumalelani wene obudduwa mu Jordano?
Mavuzo owenjedhedha:
1. Kengesa Josue 3:1-17.
(a) Ninga mulagihedhiwani na muthaka obu, ninfanyeela okosa eni wila nakele nikamihedho vina nreeliho na Yehova? (Jos 3:13, 15; Vimarya 3:5; Tia 2:22, 26)
(b) Mwinje Jordano wali dhavi mudhidhi wabuweli Aizraeli Mwilaboni Yaroromelihiwe, nanda eji yathithimihile dhavi nzina na Yehova? (Jos 3:15; 4:18; Sal 66:5-7)
2. Kengesa Josue 4:1-18.
Myarha 12 dhathukuliwe mMwinjeni Jordano nanda badhipigeliwa va Jilgali dhalabeli efunelo gani? (Jos 4:4-7)
Nipadduwo 46
1. Yehova waapangile eni anyakoddo vina anamakutha wila akose mwari mwa masiku matanu na nimodha?
2. Alobwana anfanyeela okosa eni siku na notanu na wili?
3. Ninga munooneliwe va nladdanihoni nthi, empadduwela marhinga a Jeriko txini?
4. Vakaleli eni kabala yofila etomeyiwe va janelani?
5. Josue wapangile eni anyakoddo wila akosena athuya vina sidadiya, mbwenye akosena eni parata, nddarhama, safurhi, na mijila?
6. Anamareza abale eeli apangiwe okosa eni?
Mavuzo owenjedhedha:
1. Kengesa Josue 6:1-25.
(a) Muddonddo wa Aizraeli omuzugunuwa Jeriko va siku na notanu na wili onligana dhavi na mabasa a olaleya a Anamona a Yehova mmasikuni aba oomariha? (Jos 6:15, 16; Iza 60:22; Mt 24:14; 1 Kor 9:16)
(b) Nivuhulo nilebiwe va Josue 6:26 nasoriheyile dhavi vyaka 500 musogorho, nanda eji ennisunziha eni mwaha wa nzu na Yehova? (1 Amwe 16:34; Iza 55:11)
Nipadduwo 47
1. Va nladdanihoni nthi, mulobwana oddu ontibeela yuma ethukuliwe mu Jeriko bani, nanda aba animukamiha bani?
2. Mwirelo wa Akani na murala waye okaleli eni wohivegana wene?
3. Yehova ologile eni Josue munvuzeliye sabwa yapemberheliwe Aizraeli mu koddoni va Ai?
4. Akani na murala waye mudheeliwanina wa Josue, yapadduweli txini?
5. Othongiwa wa Akani onnisunziha nsunzo gani na makamaka?
Mavuzo owenjedhedha:
1. Kengesa Josue 7:1-26.
(a) Nlobelo na Josue navuhulile dhavi mwaha wa wandana waye na Muthanddi waye? (Jos 7:7-9; Sal 119:145; 1 Joau 5:14)
(b) Yotagiha ya Akani enlagiha eni, nanda eji ekalile dhavi nlago wa iyo? (Jos 7:11, 14, 15; Vimarya 15:3; 1 Tim 5:24; Aheb 4:13)
2. Kengesa Josue 8:1-29.
Mabasa gani ana kadda muthu modheela mulogo wa Okristu ovanene? (Jos 7:13; Onam 5:1; Vimarya 28:13)
Nipadduwo 48
1. Nlogo na Jibeau nithiyanile dhavi na akudda Kana mu sidadi dhaddamelile?
2. Ninga munlagihedhiwani va nladdanihoni nthi, akudda Jibeau akosile eni, nanda sabwa yani?
3. Nlibelo gani nikosile Josue na asogorheli ena a Aizraeli wa akudda Jibeau, mbwenye masiku mararu musogorho awene adhile oziwa eni?
4. Epadduwile txini amwene a sidadi dhaddamelile mwiwelani wila akudda Jibeau ahikosa murenddele na Izraeli?
Mavuzo owenjedhedha:
1. Kengesa Josue 9:1-27.
(a) Vowila Yehova wahimala opanga nlogo na Izraeli wila “aatolotxe anamakalamo otene a mwilabonimwa,” mikalelo gani dhithukuleliye vadhulu sabwa ya warebetha akudda Jibeau? (Jos 9:22, 24; Mt 9:13; Mer 10:34, 35; 2 Ped 3:9)
(b) Sabwa ya othiddeela nipagano nakosilani na akudda Jibeau, Josue wavahile dhavi yotagiha yaderetu Akristu ovanene? (Jos 9:18, 19; Mt 5:37; Ef 4:25)
2. Kengesa Josue 10:1-5.
Ovanene nikuru nddimuwa ninatagiha dhavi akudda Jibeau, dhaene bagakala mwithano wani? (Jos 10:4; Zak 8:23; Mt 25:35-40; Ovuh 12:17)
Nipadduwo 49
1. Va nladdanihoni nthi, Josue onloga eni, nanda sabwa yani?
2. Yehova omukamihile dhavi Josue na anyakoddo aye?
3. Josue wapemberhile amwene angasi a amwiddani, nanda eji ethukulile mudhidhi mungasi?
4. Josue ogaweli eni elabo ya Kana?
5. Josue wana vyaka ngasi mudhidhi okwiliye, nanda mumalelani txini epadduweli nlogona?
Mavuzo owenjedhedha:
1. Kengesa Josue 10:6-15.
Oziwa wila Yehova wahawimetxela Aizraeli nzuwa na mweri, iyo nina nikuluvelo gani ovanene? (Jos 10:8, 10, 12, 13; Sal 18:3; Vimarya 18:10)
2. Kengesa Josue 12:7-24.
Wapemberhile wene txibarene amwene 31 a mu Kana wali aani, nanda eji ekaleli eni ya makamaka wa iyo ovanene? (Jos 12:7; 24:11-13; Olib 31:8; Lk 21:9, 25-28)
3. Kengesa Josue 14:1-5.
Elabo yagaweliwe dhavi maziza a Izraeli, nanda eji entonyihedha eni mwaha wa dhohalana mParaizu? (Jos 14:2; Iza 65:21; Ezek 47:21-23; 1 Kor 14:33)
4. Kengesa Anamathonga 2:8-13.
Ninga Josue mu Izraeli, bani onlaba ovanene ninga nibarelo na osadduwela? (Anam 2:8, 10, 11; Mt 24:45-47; 2 Tes 2:3-6; Tito 1:7-9; Ovuh 1:1; 2:1, 2)
Nipadduwo 50
1. Anamathonga bani, nanda mazina a anamathonga ena bavi?
2. Mabasa gani a va woka ana Debora, nanda txini eli mwari mwa eji?
3. Aizraeli vatxutxiwani na Mwene Jabi vina na kazembe wa nikuru naye na anyakoddo, Sizera, Muselu gani wa Yehova onvahile Debora Namathonga Baraki, nanda iyene walogile bani onakaane ntamaalona?
4. Jaeli walagihile dhavi wila iyene muyana woliba murima?
5. Txini epadduwile mumaleli okwa Mwene Jabi?
Mavuzo owenjedhedha:
1. Kengesa Anamathonga 2:14-22.
Aizraeli avidheelina dhavi anya owali wa Yehova, nanda ninsunzamo nsunzo gani mwa ejene? (Anam 2:20; Vimarya 3:1, 2; Ezek 18:21-23)
2. Kengesa Anamathonga 4:1-24.
Modheela yotagiha ya Debora na Jaeli ya oliba murima, ayana a Akristu ovanene anwodha osunzamo nsunzo gani? (Anam 4:4, 8, 9, 14, 21, 22; Vimarya 31:30; 1 Kor 16:13)
3. Kengesa Anamathonga 5:1-31.
Jibo ya opemberha ya Baraki na Debora enfanyeela olabihedhiwa dhavi ninga nlobelo mowiwanana na koddo ejo enda va Har–Magedon? (Anam 5:3, 31; 1 Map 16:8-10; Ovuh 7:9, 10; 16:16; 19:19-21)
Nipadduwo 51
1. Noemia wadhile dhavi okala mwilaboni ya Moabe?
2. Ruti na Orpa bani?
3. Ruti na Orpa kadda muthu wakulile dhavi Noemia mwapangeliye wila eyelele wa nlogo nawa?
4. Boaji bani, nanda iyene omukamihile dhavi Ruti na Noemia?
5. Nzina na mwana ombaali Ruti na Boaji thivi, nanda ninfanyeelela eni omubuwelaga?
Mavuzo owenjedhedha:
1. Kengesa Ruti 1:1-17.
(a) Mwirelo gani wa okwela wororomeleya okosile Ruti? (Ruti 1:16, 17)
(b) Ekalelo ya mubuwelo wa Ruti enlagiha dhavi mubuwelo wa “mabila mena” modheela athikitheliwi velaboni ya vati ovanene? (Joau 10:16; Zak 8:23)
2. Kengesa Ruti 2:1-23.
Ruti wavahile dhavi yotagiha yaderetu ayana a azombwe ovanene? (Ruti 2:17, 18; Vimarya 23:22; 31:15)
3. Kengesa Ruti 3:5-13.
(a) Boaji woonile dhavi oviperheka wa Ruti wa ofuna oteliwa na iyene othiya oteliwa na mulobwana wa muzombwe?
(b) Mukalelo wa Ruti onnisunziha eni mwaha wa okwela wororomeleya? (Ruti 3:10; 1 Kor 13:4, 5)
4. Kengesa Ruti 4:7-17.
Alobwana a Akristu ovanene awodhe dhavi okala ninga Boaji? (Ruti 4:9, 10; 1 Tim 3:1, 12, 13; 5:8)
Nipadduwo 52
1. Aizraeli akalile dhavi vina akaleli eni mmakathamihoni menjene?
2. Yehova ompangeli eni Jideau wila ohikaana alobwana enjene mu nikuruni naye na anyakoddo?
3. Alobwana angasi ahalile mumaleli Jideau wapanga alobwana abale anova wila eyelele mmudhi?
4. Ovenyedha va nladdanihoni, katapulela mukalelo wavugulile Yehova muthengo wa nikuru na anyakoddo a Jideau bakala alobwana 300 bahi.
5. Jideau wawethekile dhavi alobwana aye 300, nanda Izraeli opemberhile dhavi koddoya?
Mavuzo owenjedhedha:
1. Kengesa Anamathonga 6:36-40.
(a) Jideau otameli dhavi oziwa efunelo ya Yehova?
(b) Ninziwa dhavi jivi efunelo ya Yehova ovanene? (Vimarya 2:3-6; Mt 7:7-11; 2 Tim 3:16, 17)
2. Kengesa Anamathonga 7:1-25.
(a) Ninsunza eni mwa abale 300 aalivi txenjewa mothiyana na abale aakooddile okala txenjewa? (Anam 7:3, 6; Rom 13:11, 12; Ef 5:15-17)
(b) Ninga abale 300 aasunzile modheela omwañgana Jideau, iyo ninsunza dhavi modheela omwañgana Jideau Munddimuwa, Yezu Kristu? (Anam 7:17; Mt 11:29, 30; 28:19, 20; 1 Ped 2:21)
(c) Anamathonga 7:21 onnikamiha dhavi ohagalala na olaba wego wegovi othomeliwihu mu nikuruni na Yehova? (1 Kor 4:2; 12:14-18; Tia 4:10)
3. Kengesa Anamathonga 8:1-3.
Egakala yologela ovanyihana wa muthu na mbali obe murogori, ninsunza eni mwa mukalelo wathongile Jideau nigudulano na akudda Efraim? (Vimarya 15:1; Mt 5:23, 24; Lk 9:48)
Nipadduwo 53
1. Jefte bani, nanda iyene wakalilewo mudhidhi gani?
2. Nlibelo gani namukoseli Jefte Yehova?
3. Jefte wadheeli eni okubanya mwiyeleliye mmudhi ovenya wupemberhani na akudda Amoni?
4. Mwana wa Jefte walogile eni mwaziweliye nlibelo na babi waye?
5. Nlogo ninimukwelela eni mwana wa Jefte?
Mavuzo owenjedhedha:
1. Kengesa Anamathonga 10:6-18.
Nlago gani ninfanyeelihu ovuruwana mwaha wa nipadduwo na Izraeli na okoodda omuroromela Yehova? (Anam 10:6, 15, 16; Rom 15:4; Ovuh 2:10)
2. Kengesa Anamathonga 11:1-11, 29-40.
(a) Niziwile dhavi wila omperheka wa Jefte mwana waye ninga “mvaho woddumeya” kuwatapulela omperheka iyene modheela motho ninga mukutho wa muthu? (Anam 11:31; Onam 16:24; Olib 18:10, 12)
(b) Na mukalelo gani wamperhekile Jefte mwana waye ninga mukutho?
(c) Ninsunza eni mwa mukalelo wa Jefte modheela olibela waye wa Yehova? (Anam 11:35, 39; Koh 5:4, 5; Mt 16:24)
(d) Mwana wa Jefte okalile dhavi yotagiha yaderetu wa azombwe a Akristu mwa okosela guru ofanya mabasa a mudhidhi wotene? (Anam 11:36; Mt 6:33; Fil 3:8)
Nipadduwo 54
1. Nzina na mulobwana wa guru dhopitha wakalilewo thivi, nanda wanvahile guru dhaye bani?
2. Mudhidhi dhahi, Sansau wamukoseli eni poddogoma munddimuwa, ninga munooneliwe va nladdanihoni?
3. Va nladdanihoni yoviteya gani enimpanga Sansau Dalila, nanda eji ethukuleli dhavi othiddiwa waye na akudda Filistia?
4. Sansau watotile dhavi okwa wa amwiddani 3.000 a akudda Filistia siku nikwiliye?
Mavuzo owenjedhedha:
1. Kengesa Anamathonga 13:1-14.
Manoa na mwadhiye avahile dhavi yotagiha yaderetu wa amambali modheela walela aima? (Anam 13:8; Sal 127:3; Ef 6:4)
2. Kengesa Anamathonga 14:5-9 na 15:9-16.
(a) Muthaka wa Sansau ompa poddogoma, opatula kabala dhiswa dhamagiwiyena, nanda olabihedha mbwabwa wa bulu wa pogo wila aape alobwana 1.000 onvuhula dhavi olaba wa muya wokoddela wa Yehova?
(b) Muya wokoddela onnikamiha dhavi ovanene? (Anam 14:6; 15:14; Zak 4:6; Mer 4:31)
3. Kengesa Anamathonga 16:18-31.
Sansau wapakeliwe dhavi na wandana wabure, nanda iyo ninsunza eni mwa ejene? (Anam 16:18, 19; 1 Kor 15:33)
Nipadduwo 55
Mwanamulobwana Muñgono Ohimulaba Mulugu
1. Nzina na mwanamulobwana oddu muñgono oli va nladdanihoni bani, nanda aba ena bani?
2. Nlobelo gani nikosile Ana siku nimodha mwadhoweliye woona tabernakulu ya Yehova, nanda Yehova omwakulile dhavi iyene?
3. Samueli ona vyaka ngasi muthukuleliwiye olaba va musasani wa Yehova, nanda mai waye onimukosela eni kadda yaka?
4. Mazina a ana a Eli bani, nanda awene athu a mukalelo gani?
5. Yehova omutxemerhile dhavi Samueli, nanda muselu gani Onvahiliye iyene?
6. Samueli munuweliye wadhile okala eni, nanda txini empadduweli iyene munuweliye?
Mavuzo owenjedhedha:
1. Kengesa 1 Samueli 1:1-28.
(a) Yotagiha gani yaderetu wa misorho dha murala evahile Elkana mwa osogorhela webedha wa ebaribari? (1 Sam 1:3, 21; Mt 6:33; Fil 1:10)
(b) Nsunzo gani ninsunzihu mwa yotagiha ya Ana mwa wakwaniha nikathamiho norutxa? (1 Sam 1:10, 11; Sal 55:22; Rom 12:12)
2. Kengesa 1 Samueli 2:11-36.
Eli waathithimiha dhavi ana aye vaddiddi opitha Yehova, nanda eji enlaba dhavi ninga nlago wa iyo? (1 Sam 2:22-24, 27, 29; Olib 21:18-21; Mt 10:36, 37)
3. Kengesa 1 Samueli 4:16-18.
Miselu gani minai dha ntowa dhidhile okule wawaniwa koddo, nanda eji empakeli dhavi Eli?
4. Kengesa 1 Samueli 8:4-9.
Izraeli wamunyimuli dhavi Yehova vaddiddivene, nanda ovanene iyo niwodhe dhavi okamiha Omwene waye na ororomeleya? (1 Sam 8:5, 7; Joau 17:16; Tia 4:4)
Nipadduwo 56
1. Va nladdanihoni, Samueli onkosa eni, nanda sabwa yani?
2. Yehova onziveliwela eni Sauli, nanda iyeneya muthu wa mukalelo gani?
3. Nzina na mwana wa mulobwana wa Sauli bani, nanda mwanaya okosile eni?
4. Sauli operhekeli eni mukutho othiya omujeedha Samueli wila aperheke mukuthoya?
5. Nsunzo gani ninwodhihu osunza mwa muthaka mwaha wa Sauli?
Mavuzo owenjedhedha:
1. Kengesa 1 Samueli 9:15-21 na 10:17-27.
Mulobwana dhahi mwalogeliye na Sauli s’ohikaana nriho, mukalelo woviyeviha wa Sauli omukamihile dhavi iyene orabela mwirelo wa maruru? (1 Sam 9:21; 10:21, 22, 27; Vimarya 17:27)
2. Kengesa 1 Samueli 13:5-14.
Yothega gani yakosile Sauli va Jilgali? (1 Sam 10:8; 13:8, 9, 13)
3. Kengesa 1 Samueli 15:1-35.
(a) Yothega gani enddimuwa yakosile Sauli mowiwanana na Agage, mwene wa akudda Amaleke? (1 Sam 15:2, 3, 8, 9, 22)
(b) Sauli watameli dhavi othawa esile dhakosiliye vina orebetha muladduya? (1 Sam 15:24)
(c) Nlago gani ninfanyeelihu ovuruwana ovanene iyo nigasaddeyiwaga? (1 Sam 15:19-21; Sal 141:5; Vimarya 9:8, 9; 11:2)
Nipadduwo 57
1. Nzina na mwanamulobwana oli va nladdanihoni bani, nanda niziwile dhavi wila ddoliba murima?
2. Davidi onkala wuvi, nanda mazina a babi na bibi waye bani?
3. Yehova ompangeli eni Samueli wila adhowe vatakulu va Jese mu Belemi?
4. Epadduwile txini Jese mudheeliyena wa Samueli ana aye a alobwana atanu na eeli?
5. Mudheeliwena Davidi, Yehova ompangile eni Samueli?
Mavuzo owenjedhedha:
1. Kengesa 1 Samueli 17:34, 35.
Dhowireya esi dhinthukulela dhavi vadhulu oliba murima wa Davidi vina nikuluvelo wa Yehova? (1 Sam 17:37)
2. Kengesa 1 Samueli 16:1-14.
(a) Mazu a Yehova va 1 Samueli 16:7 annikamiha dhavi ohikaana nsakulano vina orabela osugula sabwa ya mooneyelo wa otakulu? (Mer 10:34, 35; 1 Tim 2:4)
(b) Yotagiha ya Sauli enlagiha dhavi wila Yehova agamwakiha muthu muya waye, magwaya podi odhaalihiwa na muya wabure, obe guru ya mwari ya okosa obure? (1 Sam 16:14; Mt 12:43-45; Gal 5:16)
Nipadduwo 58
1. Nivurhano gani nikosile Golias wa nikuru na anyakoddo na Aizraeli?
2. Golias wunuwile na muthengo gani, nanda nlivo gani naroromelihile Mwene Sauli wa mulobwana agampile Golias?
3. Davidi ologile eni Sauli mumpangeliye wila iyene kanawodhe owana na Golias sabwani Davidi muzombwe vaddiddi?
4. Mwa omwakula Golias, Davidi olagihile dhavi nikuluvelo naye mwa Yehova?
5. Ninga munwodheliwe woona va nladdanihoni, Davidi olabihedhi eni wila ampena Golias, nanda mumaleli eji txini yapadduweli akudda Filistia?
Mavuzo owenjedhedha:
1. Kengesa 1 Samueli 17:1-54.
(a) Yoviteya ya ohova wa Davidi yali yivi, nanda iyo niwodhe dhavi otagiha oliba murima waye? (1 Sam 17:37, 45; Ef 6:10, 11)
(b) Akristu anfanyeelela eni orabela ekalelo ya mavurhano ninga ejile ya Golias agakosaga mavegelo? (1 Sam 17:8; Gal 5:26; 1 Tim 4:8)
(c) Mazu a Davidi antonyihedha dhavi wila iyene wahikaana nroromelo mwa nikamihedho na Mulugu? (1 Sam 17:45-47; 2 Map 20:15)
(d) Othiya okalela ologamovi owana wa makuru meeli a anyakoddo oopambihana, muthaka obu onlagiha dhavi wila koddoya yali txibarene vari va amilugu ahili a ebaribari na Mulugu wa ebaribari, Yehova? (1 Sam 17:43, 46, 47)
(e) Athikitheliwi ohalavo antagiha dhavi yotagiha ya Davidi ya omukuluvela Yehova? (1 Sam 17:37; Jer 1:17-19; Ovuh 12:17)
Nipadduwo 59
Davidi Onfanyeelela Eni Othawa
1. Sauli onimukaanelela eni aje Davidi, mbwenye Jonatani mwana wa Sauli wali dhavi wothiyana?
2. Txini epadduwile siku dhahi Davidi bagamoobela Sauli bangwe?
3. Sauli ologile eni yafanyeela Davidi okosa ahinathi omuthukula Mikali mwana Sauli ninga mwadhiye, nanda Sauli walogeli eni ejene?
4. Davidi vamoobeliye Sauli bangwe, txini epadduwile dila yanoraru, ninga munlagihedha nladdaniho?
5. Mikali okamihile dhavi ovuna egumi ya Davidi, nanda mumaleliye Davidi wafanyeeli okosa eni mwari mwa vyaka tanu na biili?
Mavuzo owenjedhedha:
1. Kengesa 1 Samueli 18:1-30.
(a) Okwela wohitweya wa Jonatani na Davidi watapulela dhavi okwelana vari va “mabila mena” na “nikuru niñgono”? (1 Sam 18:1; Joau 10:16; Lk 12:32; Zak 8:23)
(b) Mwawila yela wooneya wila Jonatani ddinakale namahalana wa Sauli, 1 Samueli 18:4 onlagiha dhavi wiwelela vaddiddi wa Jonatani wa oddule wasakuliwe wila akale mwene?
(c) Yotagiha ya Sauli enlagiha dhavi wila aje podi othukulela okosa yothega enddimuwa, nanda nlago gani ninnivaha eji? (1 Sam 18:7-9, 25; Tia 3:14-16)
2. Kengesa 1 Samueli 19:1-17.
Jonatani wekile dhavi egumi yaye mowopiya mwalogeliye mazu alebiwe va 1 Samueli 19:4, 5? (1 Sam 19:1, 6)
Nipadduwo 60
1. Va nladdanihoni nzina na muyana oddu onda ogumana na Davidi bani, nanda iyene muthu wa mukalelo gani?
2. Nabali bani?
3. Davidi warumeli eni alobwana ena aye wila amukumbirhe Nabali nikamihedho?
4. Nabali ologile eni na alobwana a Davidi, nanda Davidi okosile eni?
5. Abigaili olagihile dhavi wila iyene muyana wa zelu?
Mavuzo owenjedhedha:
1. Kengesa 1 Samueli 22:1-4.
Murala wa Davidi ovahile dhavi yotagiha yaderetu ya mukalelo onfanyeelihu okamihana muthu na mukwaye mu obalini wa Okristu? (Vimarya 17:17; 1 Tes 5:14)
2. Kengesa 1 Samueli 25:1-43.
(a) Nabali onlogeliwa eni ninga wotuwa nriho vaddiddi? (1 Sam 25:2-5, 10, 14, 21, 25)
(b) Ateliwi a Akristu ovanene awodhe dhavi osunza mwa yotagiha ya Abigaili? (1 Sam 25:32, 33; Vimarya 31:26; Ef 5:24)
(c) Dhilobo gani biili dhimukathamihile Abigaili Davidi okosa? (1 Sam 25:31, 33; Rom 12:19; Ef 4:26)
(d) Mukoselo wa Davidi wa mazu a Abigaili onakamiha dhavi alobwana okaana moonelo wa Yehova modheela ayana? (Mer 21:8, 9; Rom 2:11; 1 Ped 3:7)
Nipadduwo 61
1. Davidi na Abizai aakosile eni Sauli bagagona mu sanjarhani mwaye?
2. Mavuzo gani amukosile Davidi Sauli?
3. Mumaleliye omuthiya Sauli, Davidi odhowile wuvi?
4. Emukubanyihile vaddiddi Davidi txini, mpaka iyene oleba jibo yoziva?
5. Davidi ona vyaka ngasi dha obaaliwa mukoseliwiye ninga mwene mu Hebroni, nanda bavi mazina a ana aye ena a alobwana?
6. Musogorho Davidi olamuleli wuvi ninga mwene?
Mavuzo owenjedhedha:
1. Kengesa 1 Samuwel 26:1-25.
(a) Mazu a Davidi alebiwe va 1 Samueli 26:11 anvuhula mukalelo gani modheela nlamulo na omulugu? (Sal 37:7; Rom 13:2)
(b) Nigavilibihedhaga okosela guru olagiha okwela wororomeleya mbwenye banigumana na wakula wotuwa ntamaalelo, mazu a Davidi anfanyeya va 1 Samueli 26:23 annikamiha dhavi okaanavi moonelo wofanyeelela? (1 Amwe 8:32; Sal 18:20)
2. Kengesa 2 Samuwel 1:26.
Akristu awodhe dhavi ovanene wunuwiha mukalelo wakakene wa “okwela onddimuwa muthu na mukwaye” okule wana Davidi na Jonatani? (1 Ped 4:8; Kol 3:14; 1 Joau 4:12)
3. Kengesa 2 Samuwel 5:1-10.
(a) Davidi olamuleli vyaka ngasi ninga mwene, nanda mudhidhi obu wagaweyile dhavi? (2 Sam 5:4, 5)
(b) Onddimuwa wa Davidi onvahiwa ani, nanda eji enlaba dhavi ninga mubutxedho wa iyo ovanene? (2 Sam 5:10; 1 Sam 16:13; 1 Kor 1:31; Fil 4:13)
Nipadduwo 62
Makathamiho Vatakulu Va Davidi
1. Na nikamihedho na Yehova, omagomelowa txini epadduweli elabo ya Kana?
2. Txini epadduwile otxuguwo dhahi Davidi bali omutompini wa numba yaye ya mwene?
3. Yehova oludduweli eni vaddiddi na Davidi?
4. Va nladdanihoni, Yehova omurumile ani wila ampange Davidi mwaha wa dhothega dhaye, nanda mulobwana oddu ologile eni enfuna ompadduwela Davidi?
5. Makathamiho gani akaanile Davidi?
6. Mumaleli Davidi, bani odhile okala mwene wa Izraeli?
Mavuzo owenjedhedha:
1. Kengesa 2 Samuwel 11:1-27.
(a) Okaana dhokosa gwe mmabasani a Yehova onlaba dhavi ninga nibarelo wa iyo?
(b) Davidi waweteyile dhavi okosa yothega, nanda nlago gani ninavaha eji adhari a Yehova ovanene? (2 Sam 11:2; Mt 5:27-29; 1 Kor 10:12; Tia 1:14, 15)
2. Kengesa 2 Samuwel 12:1-18.
(a) Nsunzo gani ninwodha anddimuwa a mmulogoni vina amambali osunza mwa mukalelo wanfiyedhile Natani Davidi wila amulage? (2 Sam 12:1-4; Vimarya 12:18; Mt 13:34)
(b) Yehova omukoseli eni thagaraga Davidi? (2 Sam 12:13; Sal 32:5; 2 Kor 7:9, 10)
Nipadduwo 63
1. Yehova onvuzile eni Salomoni, nanda iyene wakulile dhavi?
2. Sabwa ya iyene oziveliwa ejile ekumbirhile Salomoni, Yehova ororomelihile onvaha eni?
3. Muladdu gani worutxa othwanyutxile ayana eeli wa Salomoni?
4. Ninga munwodheliwe woona va nladdanihoni, Salomoni othongile dhavi muladduya?
5. Olamulela wa Salomoni oli dhavi, nanda sabwa yani?
Mavuzo owenjedhedha:
1. Kengesa 1 Amwene 3:3-28.
(a) Alobwana abale avahiwe mabasa mu nikuruni na Yehova ovanene awodhe dhavi osunza mwa mazu a Salomoni a murima mmodha ali va 1 Amwene 3:7? (Sal 119:105; Vimarya 3:5, 6)
(b) Yokumbirha ya Salomoni ekalile dhavi yotagiha yaderetu vaddiddi ya dhilobo dhinfanyeelela olobeleliwa? (1 Amwe 3:9, 11; Vimarya 30:8, 9; 1 Joau 5:14)
(c) Mukalelo othongile Salomoni ovanyihana wa ayana aba eeli onnivaha nikuluvelo gani modheela olamulela wa musogorho wa Salomoni Munddimuwa, Yezu Kristu? (1 Amwe 3:28; Iza 9:6, 7; 11:2-4)
2. Kengesa 1 Amwene 4:29-34.
(a) Yehova wakulile dhavi okumbirha wa Salomoni wa murima wa wiwelela? (1 Amwe 4:29)
(b) Mwa guru dhikosile nlogo wila ewe zelu ya Salomoni, mukalelo wehu onfanyeela okala dhavi modheela osunza Nzu na Mulugu? (1 Amwe 4:29, 34; Joau 17:3; 2 Tim 3:16)
Nipadduwo 64
1. Wila Salomoni agomihe omaga mparha wa Yehova ogoneeli mudhidhi mungasi, nanda obu onyongeli eni kobiri gwe?
2. Mu mparhanimwa muli kambirhinya ngasi dha makamaka, nanda txini yikiwe mu kambirhinya ya mwari?
3. Salomoni ologile eni mu nlobeloni naye mumarihedhiwe mparhaya?
4. Yehova olagihile dhavi wila ohiziveliwa nlobelo na Salomoni?
5. Awadhi a Salomoni amukosihile eni, nanda txini empadduweli Salomoni?
6. Yehova oludduweli eni na Salomoni, nanda Yehova ologile eni na iyene?
Mavuzo owenjedhedha:
1. Kengesa 1 Mapadduwo 28:9, 10.
Modheela mazu a Davidi alebiwe va 1 Mapadduwo 28:9, 10, ninfanyeela ovilibihedha okosa eni mwigumini yehu ya siku na siku? (Sal 19:14; Fil 4:8, 9)
2. Kengesa 2 Mapadduwo 6:12-21, 32-42.
(a) Salomoni olagihile dhavi wila kuli mparha omagiwe na muthu onwodha wakwanamo Mulugu Mudhulu-dhulu? (2 Map 6:18; Mer 17:24, 25)
(b) Mazu a Salomoni anfanyeya va 2 Mapadduwo 6:32, 33 anlagiha eni mwaha wa Yehova? (Mer 10:34, 35; Gal 2:6)
3. Kengesa 2 Mapadduwo 7:1-5.
Ninga ana a Izraeli mwathukuleleyani okosa mwirelo wa omutamaala Yehova modheela woona nthithimiho naye, iyo ovanene ninfanyeela opakeleya dhavi nigoonaga nreeliho na Yehova wa nlogo naye? (2 Map 7:3; Sal 22:22; 34:1; 96:2)
4. Kengesa 1 Amwene 11:9-13.
Dila ya egumi ya Salomoni enlagiha dhavi ofuneya wa okalavi oororomeleyene mpaka omagomo? (1 Amwe 11:4, 9; Mt 10:22; Ovuh 2:10)
Nipadduwo 65
1. Mazina a alobwana aba eeli ali va nladdanihoni bani, nanda aweneya bani?
2. Aija okosile eni na kapoti omwabaliliye, nanda mwirelo obu ontapulela eni?
3. Salomoni ontamela omukosela eni Jeroboau?
4. Nlogo nimwikeli eni Jeroboau ninga mwene wa maziza kumi?
5. Jeroboau wakoseli eni ana ñgombe eeli a nddarhama, nanda mohigoneela mumalelani txini epadduweli elaboya?
6. Txini epadduweli omwene wa maziza meeli vina mparha wa Yehova mu Yeruzalemi?
Mavuzo owenjedhedha:
1. Kengesa 1 Amwene 11:26-43.
Jeroboau wali muthu wa mukalelo gani, nanda Yehova waroromelihile eni iyene koosoriha malamulo a Mulugu? (1 Amwe 11:28, 38)
2. Kengesa 1 Amwene 12:1-33.
(a) Mwa yotagiha yabure ya Jeroboau, amambali na anddimuwa a mmulogoni anwodha osunza eni modheela opuja sabwa ya okaana mpaddo? (1 Amwe 12:13; Koh. 7:7; 1 Ped 5:2, 3)
(b) Kwa ani onfanyeela azombwe odhowa ovanene wila akaane mweddihedho wokuluveleya agaganaga okosa dhilobo dhinddimuwa mwigumini? (1 Amwe 12:6, 7; Vimarya 1:8, 9; 2 Tim 3:16, 17; Aheb. 13:7)
(c) Txini yamukosihile Jeroboau okunga mimburo mili dha omwebedhamo mwañagombe, nanda eji yalagihile dhavi otuwa onddimuwa wa nroromelo mwa Yehova? (1 Amwe 11:37; 12:26-28)
(d) Bani wathukuleli nlogo na omwene wa maziza kumi osadduwela webedha webaribari? (1 Amwe 12:32, 33)
Nipadduwo 66
1. Jezabeli bani?
2. Siku nimodha Mwene Akabe onkubanyela eni?
3. Jezabeli okosile eni wila amugumelele mamuni waye Akabe mundda wa vinyu wa Naboti?
4. Yehova omurumile ani wila amusothothe Jezabeli?
5. Ninga munwodheliwe woona va nladdanihoni, epadduwile txini Jeu mufiyeliye va numba ya mwene ya Jezabeli?
Mavuzo owenjedhedha:
1. Kengesa 1 Amwene 16:29-33 na 18:3, 4.
Mikalelo dhakalile dhavi dhabure mu Izraeli mwari mwa mudhidhi wa olamulela wa Mwene Akabe? (1 Amwe 14:9)
2. Kengesa 1 Amwene 21:1-16.
(a) Naboti walagihile dhavi oliba murima vina ororomeleya wa Yehova? (1 Amwe 21:1-3; Onam 25:23-28)
(b) Mwa yotagiha ya Akabe, ninwodha osunza eni mwaha wa okalawo na osivuwa? (1 Amwe 21:4; Rom 5:3-5)
3. Kengesa 2 Amwene 9:30-37.
Ninwodha osunza eni mwa guru ya Jeu mwa okosa efunelo ya Yehova? (2 Amwe 9:4-10; 2 Kor 9:1, 2; 2 Tim 4:2)
Nipadduwo 67
1. Jozafa bani, nanda iyene okalilewo mudhidhi gani?
2. Aizraeli anovela eni nanda enjene mwa awene ankosa eni?
3. Yowakula gani evahile Yehova wa nlobelo na Jozafa?
4. Yehova ototile eni opadduwa koddoya ehinathi?
5. Nsunzo gani ninsunzihu mwa Jozafa?
Mavuzo owenjedhedha:
1. Kengesa 2 Mapadduwo 20:1-30.
(a) Jozafa olagihile dhavi ejile enfanyeela okosa adhari a Mulugu agagumanaga na mikalelo dha otxutxa? (2 Map. 20:12; Sal 25:15; 62:1)
(b) Vowila mudhidhi wotene Yehova wahilabihedha dila ya opangana agakosaga dhilobo na nlogo naye, dila gani enlabihedhiye ovanene? (2 Map. 20:14, 15; Mt 24:45-47; Joau 15:15)
(c) Mulugu agaroma “koddo ya siku nddimuwa na Mulugu wa Guru Dhotene,” yimelelo yehu enakale dhavi yoligana na ejile ya Jozafa? (2 Map. 20:15, 17; 32:8; Ovuh 16:14, 16)
(d) Mwa watagiha Alevita, apionero na amisionario ankosa mukalelo gani wa nikamihedho mmabasani a olaleya elabo yotene ovanene? (2 Map 20:19; Rom 10:13-15; 2 Tim 4:2)
Nipadduwo 68
Analobwana Eeli Avenyile Mu Okwani
1. Athu aba araru ali va nladdanihoni bani, nanda txini empadduweli mwanamulobwana oddu muñgono?
2. Elia olobeleli eni mowiwanana na mwanamulobwana, nanda txini epadduwile vasogorhova?
3. Nzina na mukamihedhi wa Elia bani?
4. Elizeu watxemerheliwe eni vatakulu va muyana mu Sunemi?
5. Elizeu okosile eni, nanda txini empadduweli mima wakwile?
6. Ewodhelo gani ena Yehova, ninga mulagihedhiwani modheela Elia na Elizeu?
Mavuzo owenjedhedha:
1. Kengesa 1 Amwene 17:8-24.
(a) Wiwelela vina nroromelo na Elia nehiwe dhavi? (1 Amwe 17:9; 19:1-4, 10)
(b) Nroromelo na mamukwela wa Sarefa nakaleli eni na otikineya? (1 Amwe 17:12-16; Lk 4:25, 26)
(c) Yowireya ya mamukwela wa Sarefa enrumeelela dhavi ebaribari ya mazu a Yezu alebiwe va Mateus 10:41, 42? (1 Amwe 17:10-12, 17, 23, 24)
2. Kengesa 2 Amwene 4:8-37.
(a) Muyana oddule wa o Sunemi onnisunziha eni mwaha wa wawakela aleddo? (2 Amwe 4:8; Lk 6:38; Rom 12:13; 1 Joau 3:17)
(b) Na makalelo gani anwodhihuna olagiha merelo a nzuzumelo wa adhari a Mulugu ovanene? (Mer 20:35; 28:1, 2; Gal 6:9, 10; Aheb 6:10)
Nipadduwo 69
Mwanamuyana Ohimukamiha Kazembe
1. Va nladdanihoni, mwanamuyana oddu muñgono onimpanga eni nyanyi?
2. Nyanyi oli va nladdanihoni bani, nanda mwanamuyana oddu muñgono onkosavo eni vatakulu va nyanyi?
3. Elizeu wampangile mudhari waye ompanga eni Naama, nanda Naama oludduweli eni?
4. Naama mwavuruwaneliye adhari aye txini epadduwile?
5. Elizeu okooddeli eni sagwati ya Naama, mbwenye Jeazi okosile eni?
6. Txini empadduweli Jeazi, nanda iyo ninwodha osunza eni mwa eji?
Mavuzo owenjedhedha:
1. Kengesa 2 Amwene 5:1-27.
(a) Yotagiha evahiwe na mwanamuyana muñgono wa Muizraeli enalibiha dhavi azombwe ovanene? (2 Amwe 5:3; Sal 8:2; 148:12, 13)
(b) Ekaleli eni yaderetu wubuwelelaga yotagiha ya Naama nigakelaga nlago na Malebo? (2 Amwe 5:15; Aheb 12:5, 6; Tia 4:6)
(c) Masunzo gani ansunzihu modheela othiyaniha yotagiha ya Elizeu na ya Jeazi? (2 Amwe 5:9, 10, 14-16, 20; Mt 10:8; Mer 5:1-5; 2 Kor 2:17)
Nipadduwo 70
1. Jona bani, nanda Yehova ompangile eni wila akose?
2. Sabwa yawila iyene kanfuna odhowa okule omurumile Yehova, Jona okosile eni?
3. Jona wapangile anamatxerhenga okosa eni wila muthithimo omaale?
4. Ninga munwodheliwe woona va nladdanihoni, txini epadduwile Jona muririmeliye mmanjeni?
5. Jona ogoneeli mudhidhi mungasi mbani mwa oba enddimuwa, nanda iyene okosilemo eni?
6. Jona odhowile wuvi mumaleliye obudduwa mbani mwa oba enddimuwa, nanda eji ennisunziha eni?
Mavuzo owenjedhedha:
1. Kengesa Jona 1:1-17.
Ninga munooneyelani, Jona wiwale dhavi mwaha wa yothomeliwa yaye ya walaleya akudda Ninive? (Jona 1:2, 3; Vimarya 3:7; Koh 8:12)
2. Kengesa Jona 2:1, 2, 10.
Yowireya ya Jona ennivaha dhavi nikuluvelo nawila Yehova onela wakula malobelo ehu? (Sal 22:24; 34:6; 1 Joau 5:14)
3. Kengesa Jona 3:1-10.
(a) Nlibiho gani ninkaanihu sabwa ya Yehova omulabihedhagavi Jona masiki vajombiliye osoriha yothomeliwa yaye omaromo? (Sal 103:14; 1 Ped 5:10)
(b) Yowireya ya Jona na akudda Ninive ennisunziha eni mwaha wa othaga wathonga athu mmuruddani mwehu? (Jona 3:6-9; Koh 11:6; Mer 13:48)
Nipadduwo 71
1. Izaia wali ani, wakalilewo mudhidhi gani, nanda txini yamulagihile Yehova?
2. Nzu “paraizu” nintapulela eni, nanda nthi ninuwubutxedha eni?
3. Yehova wampangile Izaia wila alebe eni mwaha wa Paraizu muswa?
4. Adamu na Eva ayelelelini mudhi wawa wokoddela?
5. Txini eroromelihile Yehova wa abale animukwela iyene?
Mavuzo owenjedhedha:
1. Kengesa Izaia 11:6-9.
(a) Nzu na Mulugu ninlogamo dhavi murenddele onakalewo mwilaboni eswa vari va dhinama na athu? (Sal 148:10, 13; Iza 65:25; Ezek 34:25)
(b) Osoriheya gani wa omuyani wa mazu a Izaia onakwanihedheya ovanene vari va nlogo na Yehova? (Rom 12:2; Ef 4:23, 24)
(c) Bani onfanyeela othithimihiwa sabwa ya masadduwo a mikalelo dha athu ovanene vina mwilaboni eswa? (Iza 48:17, 18; Gal 5:22, 23; Fil 4:7)
2. Kengesa Ovuhulela 21:3, 4.
(a) Malebo antonyihedha dhavi yawila okala wa Mulugu na nlogo na athu ontapulela wila iyene olivo mu ezinddiyelo, othiya okalavo wene na maningo velaboni ya vati? (Onam 26:11, 12, 2 Map 6:18; Iza 66:1; Ovuh 21:2, 3, 22-24)
(b) Mikalelo gani dha mintori na opa dhinatolotxiwe? (Lk 8:49-52; Rom 8:21, 22; Ovuh 21:4)
Nipadduwo 72
Mulugu Ohimukamiha Mwene Ezekia
1. Mulobwana oddu oli va nladdanihoni bani, nanda okaleli eni mmakathamihoni menjene?
2. Makarta aba ekile Ezekia vamentoni va Mulugu bani, nanda Ezekia olobeleli eni?
3. Ezekia mwene wa mukalelo gani, nanda mpaganyo gani omurumeli Yehova modheela namavuhula Izaia?
4. Mungelo wa Yehova wakoseli eni akudda Asiria, ninga munlagihedhiwani va nladdanihoni?
5. Masiki omwene wa maziza meeli vakaanilani murenddele mudhidhi muñgonovi, txini epadduwile Ezekia mumaleliye okwa?
Mavuzo owenjedhedha:
1. Kengesa 2 Amwene 18:1-36.
(a) Mulogi wa akudda Asiria Rabusake watameli dhavi wobaniha nroromelo na Aizraeli? (2 Amwe 18:19, 21; Obud 5:2; Sal 64:3)
(b) Agagumanaga na anamapambiha, Anamona a Yehova anfara dhavi yotagiha ya Ezekia? (2 Amwe 18:36; Sal 39:1; Vimarya 26:4; 2 Tim 2:24)
2. Kengesa 2 Amwene 19:1-37.
(a) Nlogo na Yehova ovanene ninimutagiha dhavi Ezekia mmidhidhini dha masoso? (2 Amwe 19:1, 2; Vimarya 3:5, 6; Aheb. 10:24, 25; Tia 5:14, 15)
(b) Opemberhiwa gani wa dila tharu wakaanile Mwene Senakeribe, nanda mwa nivuhulo iyene ontapulela ani? (2 Amwe 19:32, 35, 37; Ovuh 20:2, 3)
3. Kengesa 2 Amwene 21:1-6, 16.
Sabwa yani podi ologiwa wila Manase wali mmodha mwa amwene a otabala vaddiddi alamuleli mu Yeruzalemi? (2 Mapadduwo 33:4-6, 9)
Nipadduwo 73
Mwene Waderetu Womariha Wa Izraeli
1. Jozia ona vyaka ngasi dha obaaliwa mwakaleliye mwene, nanda iyene waromile okosa eni mwamaleliye okala mwene vyaka tanu na biili?
2. Weyo onimoona Jozia bagakosa eni va nladdanihoni noroma?
3. Namakutha munddimuwa ofanyile eni alobwana bagasasanyedha mparha?
4. Jozia otayeli eni dhabalo dhaye?
5. Mpaganyo gani wodheela wa Yehova wavahiwe Jozia na namavuhula wa muyana Hulda?
Mavuzo owenjedhedha:
1. Kengesa 2 Mapadduwo 34:1-28.
(a) Yotagiha gani evahile Jozia wa abale txino avileli na makathamiho bali aima? (2 Map 33:21-25; 34:1, 2; Sal 27:10)
(b) Tharho gani dha ntapulelo dhathukulile Jozia wila asogorhihe webedha wa ebaribari mwari mwa vyaka dha 8, 12, 18 dha olamulela waye? (2 Map 34:3, 8)
(c) Masunzo gani ansunzihu mwa yotagiha ya Mwene Jozia vina Namakutha Munddimuwa Hilkia, ya osasanyedhagavi mimburo dhehu dha webedhamo? (2 Map 34:9-13; Vimarya 11:14; 1 Kor 10:31)
Nipadduwo 74
1. Muzombwe oddu oli va nladdanihoni bani?
2. Jeremia onoona dhavi mwaha wa iyene odha okala namavuhula, mbwenye Yehova ompangile eni?
3. Mpaganyo gani wadhowile Jeremia pagaapangavi athu?
4. Anamakutha atameli dhavi ommaaliha Jeremia, mbwenye iyene olagihile dhavi wila kanova?
5. Txini epadduwile Aizraeli mukoodelani osaddula dila dhawa dhabure?
Mavuzo owenjedhedha:
1. Kengesa Jeremiya 1:1-8.
(a) Ninga mutonyihedhi yotagiha ya Jeremia, txini eninfanyeeliha muthu okosa mabasa a Yehova? (2 Kor 3:5, 6)
(b) Nlibiho gani ninvaha yotagiha ya Jeremia wa azombwe a Akristu ovanene? (Koh 12:1; 1 Tim 4:12)
2. Kengesa Jeremiya 10:1-5.
Nladdaniho gani na guru nilabihedhi Jeremia wila alagihe ojomba wa wakuluvela amilugu oosemiwa? (Jer 10:5; Iza 46:7; Hab 2:19)
3. Kengesa Jeremiya 26:1-16.
(a) Nigalaleyaga muselu wa nlago ovanene, athikitheliwi ohalavo anthiddeela dhavi na murima nlamulo na Yehova ninvahiliye Jeremia nawila ‘kuburutxevo nne nzu nimodha’? (Jer 26:2; Olib 4:2; Mer 20:27)
(b) Yotagiha gani yaderetu vaddiddi yavahile Jeremia Anamona a Yehova ovanene mwa olaleya nlago na Yehova wa dhilabo? (Jer 26:8, 12, 14, 15; 2 Tim 4:1-5)
4. Kengesa 2 Amwene 24:1-17.
Dhodhavo gani dhokubanyiha dhidhile mwa ohiroromeleya wa Yuda mwa Yehova? (2 Amwe 24:2-4, 14)
Nipadduwo 75
1. Analobwana aba anai ali va nladdanihoni bani, nanda awene akaleli eni Mbabilonia?
2. Nabukoddonozori ona dhofuna gani na azombwe aba anai, nanda malamulo gani aagwihedhiye adhari aye?
3. Yokumbirha gani ekosile Danieli mowiwanana na dhoja vina dhomwa iyene vina amarho aye araru?
4. Mumalelani oja mikwani mwari mwa masiku kumi, Danieli na amarho aye araru athiyanile dhavi na azombwe ena?
5. Danieli na amarho aye araru adhile dhavi okala va numba ya mwene, nanda na mukalelo gani okaliletxe awene opitha anamakutha na aziwi ena?
Mavuzo owenjedhedha:
1. Kengesa Danieli 1:1-21.
(a) Mukalelo gani wa guru enfuneya akala ninjeedhela ovaddana dhoweha vina ogonjihiwa na wobana? (Dan 1:8; Wita 39:7, 10; Gal 6:9)
(b) Na mukalelo gani txino azombwe ovanene podi onyengetheliwa obe omageleliwa orumeelela esile dhinoona athu ena okala “dhoja dhonuna”? (Dan 1:8; Vimarya 20:1; 2 Kor 6:17–7:1)
(c) Muthaka wa Bibilia mwaha wa azombwe anai a Aebreo onnikamiha otamaalela eni mowiwanana na okaana eziwelo ya mwilaboni? (Dan 1:20; Iza 54:13; 1 Kor 3:18-20)
Nipadduwo 76
1. Empadduwela Yeruzalemi txini vamodha na Aizraeli, enlagihiwa va nladdanihoni?
2. Ezekieli bani, nanda dhilobo gani dha wumiha milomo dhimulagihile Yehova?
3. Sabwa ya Aizraeli ohimuriha Yehova, iyene ororomelihile eni?
4. Mwene Nabukoddonozori okosile eni mumaleli Aizraeli omusadduwela iyene?
5. Yehova othiyeli eni otolotxiwa oku wowopiya wapadduwela Aizraeli?
6. Elabo ya Izraeli ethiyiwe dhavi s’ohikaana athu, nanda mudhidhi mungasi?
Mavuzo owenjedhedha:
1. Kengesa 2 Amwene 25:1-26.
(a) Zedekia wali ani, txini yampadduweli, nanda eji yasorihile dhavi nivuhulo na Bibilia? (2 Amwe 25:5-7; Ezek 12:13-15)
(b) Yehova wampwathelihile ani muladdu wa ohiroromeleya wotene wakosile Aizraeli? (2 Amwe 25:9, 11, 12, 18, 19; 2 Map 36:14, 17)
2. Kengesa Ezekieli 8:1-18.
Akristu ahili a ebaribari anatagihaga dhavi Aizraeli asadduweli anamebedha nzuwa? (Ezek 8:16; Iza 5:20, 21; Joau 3:19-21; 2 Tim 4:3)
Nipadduwo 77
1. Nabukoddonozori, mwene wa Babilonia ogwihedhile nlamulo gani nlogo?
2. Sabwa yani ekooddeli Danieli na amarho aye araru okokorela nladdaniho na nddarhama?
3. Nabukoddonozori mwavahedhiye Aebreo araru mudhidhi mwina wa okokora, awene alagihile dhavi nikuluvelo nawa mwa Yehova?
4. Nabukoddonozori warumile alobwana aye omukosela eni Sadraki, Mezaki, na Abedinego?
5. Nabukoddonozori mwañganeliye mwari mwa juguma ya motho woonilemo eni?
6. Mwene omutamaaleli eni Mulugu wa Sadraki, Mezaki, na Abedinego, nanda yotagiha gani ennivaha awene?
Mavuzo owenjedhedha:
1. Kengesa Danieli 3:1-30.
(a) Yeddelo gani elagihiwe na azombwe araru a Aebreo enfanyeela adhari otene a Mulugu otagiha agagumanaga na dhoweha dha wimela? (Dan 3:17, 18; Mt 10:28; Rom 14:7, 8)
(b) Nsunzo gani na makamaka nimusunzihile Yehova Mulugu Nabukoddonozori? (Dan 3:28, 29; 4:34, 35)
Nipadduwo 78
1. Txini epadduwile mwene wa Babilonia mwakaaneliye mathanga manddimuwa nanda balabihedha kopo na dhibale dhathukuliwe mu mparhani wa Yehova mu Yeruzalemi?
2. Belsazari ologile eni na aziwi aye, mbwenye txini ekooddilani owodha okosa?
3. Mai wa mwene ompangile okosa eni?
4. Mowiwanana na ejile empangile Danieli mwene, Mulugu warumeli eni nlada ninleba va eruguni?
5. Danieli otapuleli dhavi mazu a va eruguni?
6. Txini epadduwile oku Danieli bagaloga wene?
Mavuzo owenjedhedha:
1. Kengesa Danieli 5:1-31.
(a) Kathiyaniha wova wa omulugu na wova okule wewile Belsazari mooneliye nlada ninleba va eruguni. (Dan 5:6, 7; Sal 19:9; Rom 8:35-39)
(b) Danieli walagihile dhavi oliba murima onddimuwa bagaloga na Belsazari vina anddimuwa aye? (Dan 5:17, 18, 22, 26-28; Mer 4:29)
(c) Na mukalelo gani onthukulela vadhulu Danieli kapitulu 5 olamulela wa Yehova wa elabo yotene? (Dan 4:17, 25; 5:21)
Nipadduwo 79
Danieli Mu Ntholoni Na Apoddogoma
1. Dario bani, nanda iyene onimoona dhavi Danieli?
2. Alobwana dhahi a aje amukosihile Dario eni?
3. Danieli okosile eni muziweliye mwaha wa nlamulo niswa?
4. Dario onyonyeyeli eni vaddiddi mpaka okoodda owodha ogona, nanda iyene okosile eni mmangwananimwa na membesi?
5. Danieli omwakuli dhavi Dario?
6. Txini yapadduweli alobwana abale abure aatameli ompa Danieli, nanda Dario olebeli eni nlogo notene na mu omweneni mwaye?
Mavuzo owenjedhedha:
1. Kengesa Danieli 6:1-28.
(a) Mauje a omusadduwela Danieli annubutxedha dhavi ejile enkosaga anamapambiha wila atamele wimetxa mabasa a Anamona a Yehova mmasakani a ovanene? (Dan 6:7; Sal 94:20; Iza 10:1; Rom 8:31)
(b) Adhari a Mulugu ovanene awodhe dhavi omutagiha Danieli mwa wiwelelagavi “malamulelo manddimuwa”? (Dan 6:5, 10; Rom 13:1; Mer 5:29)
(c) Niwodhe dhavi otagiha yotagiha ya Danieli ya omulaba Yehova “na ntidi”? (Dan 6:16, 20; Fil 3:16; Ovuh 7:15)
Nipadduwo 80
Nlogo Na Mulugu Nihibudduwa Mbabilonia
1. Ninga mulagihedhiwani va nladdanihoni, Aizraeli ankosa eni?
2. Siru osorihile dhavi nivuhulo na Yehova modheela Izaia?
3. Siru wapangile eni Aizraeli abale ahinawodhe wiyelela o Yeruzalemi?
4. Siru wavahile eni athu wila eyelena o Yeruzalemi?
5. Aizraeli agoneeli mudhidhi mungasi mpaka ofiya o Yeruzalemi?
6. Dhavirile vyaka ngasi oromana mudhidhi wathiyiwe elaboya kakamwe s’ohikaana athu?
Mavuzo owenjedhedha:
1. Kengesa Izaia 44:28 na 45:1-4.
(a) Yehova wathukuleli dhavi vadhulu ebaribari ya osoriheya wa nivuhulo mowiwanana na Siru? (Iza 55:10, 11; Rom 4:17)
(b) Nivuhulo na Izaia mowiwanana na Siru ninlagiha dhavi ewodhelo ya Yehova Mulugu ologa na othaga dha musogorho? (Iza 42:9; 45:21; 46:10, 11; 2 Ped 1:20)
2. Kengesa Ezdra 1:1-11.
Banigafara yotagiha ya abale ahawodhile wiyelela o Yeruzalemi, ovanene niwodhe dhavi ‘olibiha mada’ a abale anwodha ovolowa mmabasani a mudhidhi wotene? (Ezd 1:4, 6; Rom 12:13; Kol 4:12)
Nipadduwo 81
Okuluvela Nikamihedho Na Mulugu
1. Athu angasi akosile oleddo wolapa ovenya mBabilonia mpaka o Yeruzalemi, mbwenye awene mufiyelani afanyile eni?
2. Aizraeli mumalelani ofiya aromile omaga eni, mbwenye amwiddani awa akosile eni?
3. Ajeu na Zakariya bani, nanda txini yapangilani athu?
4. Tatenai warumeli eni karta o Babilonia, nanda yowakula gani yakeliliye?
5. Esdra okosile eni muziweliye sabwa ya ofuneya osasanyedha mparha wa Mulugu?
6. Esdra onlobelela eni va nladdanihoni, nlobelo naye nakuliwe dhavi, nanda eji ennisunziha eni?
Mavuzo owenjedhedha:
1. Kengesa Ezdra 3:1-13.
Akala mudhidhi mudhidhivi ninokala wego ohili mulogo wa nlogo na Mulugu, ninfanyeela okosagavi eni? (Ezd 3:3, 6; Mer 17:16, 17; Aheb 13:15)
2. Kengesa Ezdra 4:1-7.
Yotagiha gani evahile Zorobabeli wa nlogo na Yehova mowiwanana na ogumaniha marelijiau? (Obud 34:12; 1 Kor 15:33; 2 Kor 6:14-17)
3. Kengesa Ezdra 5:1-5, 17 na 6:1-22.
(a) Anamapambiha aakooddeli eni owodha wimetxa mabasa a omaga mparha? (Ezd 5:5; Iza 54:17)
(b) Merelo a asogorheli a Ayuda analibiha dhavi anddimuwa a mmulogoni wa Okristu otamela mweddihedho wa Yehova agagumanaga na anamapambiha? (Ezd 6:14; Sal 32:8; Rom 8:31; Tia 1:5)
4. Kengesa Ezdra 8:21-23, 28-36.
Nihinathi oroma mukalelo mukalelovi wa mabasa, yotagiha gani ya Esdra egakalile yaderetu iyo otagiha? (Ezd 8:23; Sal 127:1; Vimarya 10:22; Tia 4:13-15)
Nipadduwo 82
1. Mordekai na Esteri bani?
2. Mwene Asuero oninfunela eni muyana muswa, nanda bani omusakuliliye?
3. Hamani bani, nanda txini emuludduwilihile vaddiddi?
4. Nlamulo gani nikosiwe, nanda Esteri okosile eni mwakeleliye mpaganyo wa Mordekai?
5. Txini empadduweli Hamani, nanda txini empadduweli Mordekai?
6. Aizraeli avuniwe dhavi mwa amwiddani awa?
Mavuzo owenjedhedha:
1. Kengesa Ester 2:12-18.
Esteri walagihile dhavi oderetu wa wunuwiha “muya wofwasa vina wokurumuwa”? (Ester 2:15; 1 Ped 3:1-5)
2. Kengesa Ester 4:1-17.
Ninga mwavahedhiwe Esteri mudhidhi wa okosa elobo mwa oderetu wa webedha wa ebaribari, ovanene ninvahiwa mudhidhi gani wila nilagihe oviperheka wehu vina ororomeleya wa Yehova? (Ester 4:13, 14; Mt 5:14-16; 24:14)
3. Kengesa Ester 7:1-6.
Ovanene athu enjene a nlogo na Mulugu aavikile dhavi mowopiha mwa ofarafariwa, ninga mwakoseli Esteri? (Ester 7:4; Mt 10:16-22; 1 Ped 2:12)
Nipadduwo 83
1. Aizraeli eewile dhavi mwaha wa okoodda okaana marhinga ozugunuwa sidadi yawa ya Yeruzalemi?
2. Neemia bani?
3. Mabasa a Neemia bavi, nanda akaleli eni a makamaka?
4. Mpaganyo gani omukubanyihile Neemia, nanda iyene okosile eni?
5. Mwene Aritaserse omulagihedhi dhavi Neemia oderetu?
6. Neemia osasanyedhi dhavi mabasa a omaga wila amwiddani a Aizraeli ahiwodhe wimetxa?
Mavuzo owenjedhedha:
1. Kengesa Nehemiya 1:4-6 na 2:1-20.
Neemia watameli dhavi mweddihedho wa Yehova? (Nem 2:4, 5; Rom 12:12; 1 Ped 4:7)
2. Kengesa Nehemiya 3:3-5.
Txini enwodha osunza anddimuwa a mmulogoni na adhari orumeelela mwa othiyana vari va akudda Tekoa na “afumu awa”? (Nem 3:5, 27; 2 Tes 3:7-10; 1 Ped 5:5)
3. Kengesa Nehemiya 4:1-23.
(a) Txini yalibihile Aizraeli omagavi masiki na opambihiwa onddimuwa? (Nem 4:6, 8, 9; Sal 50:15; Iza 65:13, 14)
(b) Na mukalelo gani onnilibiha yotagiha ya Aizraeli ovanene?
4. Kengesa Nehemiya 6:15.
Sabwa yawila marhinga a Yeruzalemi aagomihiwe mwari mwa myeri mili entonyihedha eni mowiwanana na ewodhelo ya nroromelo? (Sal 56:3, 4; Mt 17:20; 19:26)
Nipadduwo 84
1. Muyana oli va nladdanihoni bani?
2. Gabrieli ompangile eni Maria?
3. Gabrieli omutapulelimo dhavi Maria yawila iyene onela okaana mwana masiki vahinakaligiye na mulobwana?
4. Epadduwile txini Maria mudhoweliye omoona mmudhi waye Elizabeti?
5. Zuze onoona dhavi muziweliye wila Maria onela okaana mwana, mbwenye osadduleli eni mubuwelo waye?
Mavuzo owenjedhedha:
1. Kengesa Lukas 1:26-56.
(a) Lukas 1:35 onlagiha eni mowiwanana na ohakwana ohakwanavi wa Adamu mu thumboni mwa Maria mwamwalihedhiwe egumi ya Mwana Mulugu ovenyedha wumburoni wa omuyani? (Ajeu 2:11-13; Joau 6:69; Aheb 7:26; 10:5)
(b) Yezu wakelile dhavi nthithimiho masiki ahinathi obaaliwa? (Lk 1:41-43)
(c) Yotagiha gani yaderetu evahile Maria wa Akristu anakela gari dha va woka dha mabasa ovanene? (Lk 1:38, 46-49; 17:10; Vimarya 11:2)
2. Kengesa Mateus 1:18-25.
Masiki Yezu vahavahiwiye nzina naye na Emanueli, mabasa aye ninga muthu asorihile dhavi mutapuleloya? (Mt 1:22, 23; Joau 14:8-10; Aheb 1:1-3)
Nipadduwo 85
1. Nyenye oddu muñgono oli va nladdanihoni bani, nanda Maria onimuginantiha muvi?
2. Yezu wabaaleliwe eni mu thangani na dhinama?
3. Va nladdanihoni, alobwana aba anvolowa mu thangani bani, nanda txini yamalile wapanga angelo?
4. Yezu okaleli eni wa va woka?
5. Yezu ontxemerheliwa eni Mwana Mulugu?
Mavuzo owenjedhedha:
1. Kengesa Lukas 2:1-20.
(a) Nibasa gani nikosile Sezari Augusto mwa osoriheya wa nivuhulo mwaha wa obaaliwa wa Yezu? (Lk 2:1-4; Mik 5:2)
(b) Muthu onwodha dhavi otaganyihiwa na abale anromoliwa ninga “athu ankweliwa”? (Lk 2:14; Mt 16:24; Joau 17:3; Mer 3:19; Aheb 11:6)
(c) Akala akumbuzi abale a oviyeviha a Ayuda ahikaana sabwa ya othaba sabwa ya obaaliwa wa Mvuni, sabwa gani enddimuwa ya othaba ena adhari a Mulugu ovanene? (Lk 2:10, 11; Ef 3:8, 9; Ovuh 11:15; 14:6)
Nipadduwo 86
1. Alobwana aba ali va nladdanihoni bani, nanda mmodha ontonyela eni neneri enzerimela?
2. Mwene Erodi waludduweli eni, nanda iyene okosile eni?
3. Neneri enzerimela yathukuleli alobwana aba wuvi, mbwenye awene eyeleli eni wilaboni yawa modheela dila yina?
4. Nlamulo gani nivahile Erodi, nanda sabwa yani?
5. Yehova ompangile Zuze okosa eni?
6. Wakosihile neneri ejile eswa ozerimela bani, nanda sabwa yani?
Mavuzo owenjedhedha:
1. Kengesa Mateus 2:1-23.
Yezu wana vyaka ngasi dha obaaliwa nanda iyene wakala wuvi mudhidhi wadhile omoona anamasunza dhineneri? (Mt 2:1, 11, 16)
Muzombwe Yezu Mu Mparhani
1. Va nladdanihoni Yezu ona vyaka ngasi dha obaaliwa, nanda iyene oli wuvi?
2. Kadda yaka Zuze onkosa eni na murala waye?
3. Mumaleli siku notene na oleddo wowiyelela mmudhi, Zuze na Maria eyeleli eni o Yeruzalemi?
4. Zuze na Maria anfanyile wuvi Yezu, nanda athu anumela eni milomo wenewale?
5. Yezu ologile eni na mai waye, Maria?
6. Niwodhe dhavi okala ninga Yezu mwa osunza mwaha wa Mulugu?
Mavuzo owenjedhedha:
1. Kengesa Lukas 2:41-52.
(a) Masiki Nlamulo vafunani wila apogo bahi adhowege o mathangani a yaka, yotagiha gani yaderetu yavahile Zuze na Maria wa amambali ovanene? (Lk 2:41; Olib 16:16; 31:12; Vimarya 22:6)
(b) Yezu wemetxile dhavi yotagiha yaderetu wa azombwe ovanene wila awiwelelege amambali awa? (Lk 2:51; Olib 5:16; Vimarya 23:22; Kol 3:20)
2. Kengesa Mateus 13:53-56.
Abali gani anai a omaningoni a Yezu anromoliwa mBibiliani, nanda vasogorhova eeli mwa awene aalabihedhiwe dhavi mmulogoni wa Okristu? (Mt 13:55; Mer 12:17; 15:6, 13; 21:18; Gal 1:19; Tia 1:1; Yuda 1
Nipadduwo 88
1. Alobwana aba eeli ali va nladdanihoni bani?
2. Muthu ombatiziwa dhavi?
3. Joau onabatiza ani?
4. Sabwa gani ya va woka ekumbirheli Yezu wila Joau ambatize?
5. Mulugu olagihile dhavi wila Iyene ohiziveliwa yawila Yezu ohibatiziwa?
6. Yezu mudhoweliye va mburoni yekavo mwari mwa masiku 40 txini epadduwile?
7. Anamafara ena ooroma a Yezu, obe anamasunza bani, nanda ntikiniho naye noroma thani?
Mavuzo owenjedhedha:
1. Kengesa Mateus 3:13-17.
Yeddelo gani yemetxile Yezu ya obatizo wa anamasunza aye? (Sal 40:7, 8; Mt 28:19, 20; Lk 3:21, 22)
2. Kengesa Mateus 4:1-11.
Olabihedha wa Yezu Malebo na thotho onnilibiha dhavi omusunzaga Bibilia na ohivumela? (Mt 4:5-7; 2 Ped 3:17, 18; 1 Joau 4:1)
3. Kengesa Joau 1:29-51.
Joau Mbatizi onanyaalihedha anamasunza aye wa ani, nanda iyo niwodhe dhavi omutagiha iyene ovanene? (Joau 1:29, 35, 36; 3:30; Mt 23:10)
4. Kengesa Joau 2:1-12.
Ntikiniho noroma na Yezu nalagihile dhavi wila Yehova kanawadelihedha elobo yaderetu adhari Aye? (Joau 2:9, 10; Sal 84:11; Tia 1:17)
Nipadduwo 89
1. Dhinama dhingulihedhiwa eni va mparhani?
2. Emuludduwilihile Yezu txini?
3. Ninga munwodheliwe woona va nladdanihoni, Yezu okosile eni, nanda nlamulo gani nagwihedhiye alobwana aba anguliha kangayiwa?
4. Anamafara a Yezu moonelani ejile enkosiye, awene obutxedhiwe eni?
5. Kwathi gani ekosile oleddo Yezu mu oleddoni waye bageyelela o Galilea?
Mavuzo owenjedhedha:
1. Kengesa Joau 2:13-25.
Banigañgana onyonyeya wa Yezu na anamatxinja kobiri mu mparhani, moonelo wofanyeela buvi wa mpinddu mu Numba ya Omwene? (Joau 2:15, 16; 1 Kor 10:24, 31-33)
Nipadduwo 90
1. Yezu wemeleli eni va ntxelani mu Samaria, nanda txini enlogiye na muyana venevale?
2. Muyana ontikinela eni, txini elogile Yezu na iyene, nanda sabwa yani?
3. Muyana onubuwela wila Yezu onaddana mukalelo gani wa manje, mbwenye manje gani anaddiyena txibarene?
4. Muyana wumeli eni milomo sabwa ya esile dhiziwile Yezu mwaha wa iyene, nanda Yezu wadhilena wuvi muselu obu?
5. Masunzo gani anwodhihu osunza mmuthakani wa muyana oddu va ntxelani?
Mavuzo owenjedhedha:
1. Kengesa Joau 4:5-43.
(a) Na ofara yotagiha ya Yezu, mukalelo gani onfanyeelihu olagiha modheela athu a malogo othiyana thiyana obe a makalelo otene? (Joau 4:9; 1 Kor 9:22; 1 Tim 2:3, 4; Tito 2:11)
(b) Dhopuramo gani dha omuyani dhinimudheela muthu onkala namasunza wa Yezu? (Joau 4:14; Iza 58:11; 2 Kor 4:16)
(c) Nilagihe dhavi ntamaalelo ninga nthile na muyana oddule wa Musamaria, oddwene wana efunelo enddimuwa ya ogaana na athu ena esile dhasunziliye? (Joau 4:7, 28; Mt 6:33; Lk 10:40-42)
Nipadduwo 91
1. Va nladdanihoni, Yezu onsunziha wuvi, nanda aba agilatile waddamana vaddiddi na iyene bani?
2. Mazina a arumiwi 12 bavi?
3. Omwene onlaleya Yezu txini?
4. Yezu wasunzihile wila athu alobelelege eni?
5. Yezu ologile eni mwaha wa mukalelo onfanyeela athu weeddihagana muthu na mukwaye?
Mavuzo owenjedhedha:
1. Kengesa Mateus 5:1-12.
Na makalelo gani anwodhihuna olagiha wila ninoziwa txini enfunihu omuyani? (Mt 5:3; Rom 10:13-15; 1 Tim 4:13, 15, 16)
2. Kengesa Mateus 5:21-26.
Mateus 5:23, 24 onthukulela dhavi vadhulu wila wandana wehu na abali ehu onopakela wandana wehu na Yehova? (Mt 6:14, 15; Sal 133:1; Kol 3:13; 1 Joau 4:20)
3. Kengesa Mateus 6:1-8.
Makalelo mena a oviliganiha wamwinya anfanyeela Akristu orabela bavi? (Lk 18:11, 12; 1 Kor 4:6, 7; 2 Kor 9:7)
4. Kengesa Mateus 6:25-34.
Yezu wasunzihile eni mowiwanana na ofuneya wa omukuluvela Yehova wila nikaane dhofuna dhehu dha omaningoni? (Obud 16:4; Sal 37:25; Fil 4:6)
5. Kengesa Mateus 7:1-11.
Nladdaniho nowarala ninfanyeya va Mateus 7:5 ninnisunziha eni? (Vimarya 26:12; Rom 2:1; 14:10; Tia 4:11, 12)
Nipadduwo 92
1. Babi wa mwanamuyana oddu va nladdanihoni bani, nanda iyene na mwadhiye azuzumeli eni vaddiddi?
2. Jairo okosile eni munfanyeliye Yezu?
3. Txini epadduwile Yezu bagadhowa vatakulu va Jairo, nanda mpaganyo gani wakelile Jairo mu dila?
4. Athu ali vatakulu va Jairo animuteyela eni Yezu?
5. Yezu okosile eni mumaleliye wathukula arumiwi araru vina babi na mai wa mwanamuyanaya bavolowa mu kambirhinya ya mwanamuyana?
6. Muthu mwina wanvenyihile Yezu mu okwani bani, nanda eji enlagiha eni?
Mavuzo owenjedhedha:
1. Kengesa Lukas 8:40-56.
Yezu wamulagihedhi dhavi thagaraga vina oderetu muyana wavuva nikami, nanda ovanene anddimuwa a mulogo wa Okristu anwodha osunza eni mwa eji? (Lk 8:43, 44, 47, 48; Onam 15:25-27; Mt 9:12, 13; Kol 3:12-14)
2. Kengesa Lukas 7:11-17.
Abale ayeleeli amudhi awa ofuneya mu okwani awodhe dhavi ofanya nipangarhazo nddimuwa mwa yowakula ya Yezu wa mamukwela wa o Naimi? (Lk 7:13; 2 Kor 1:3, 4; Aheb 4:15)
3. Kengesa Joau 11:17-44.
Yezu olagihile dhavi wila omulila muthu wokweleya okwile kayo yabure? (Joau 11:33-36, 38; 2 Sam 18:33; 19:1-4)
Nipadduwo 93
1. Elobo gani yowopiha yampadduweli Joau Mbatizi, nanda eji emukosihile Yezu wiwa eni?
2. Yezu ojihile dhavi muthithi obule onfarile, nanda muthengo gani wa dhoja ohalilevo?
3. Anamasunza anovela eni na mathiyu, nanda txini empadduweli Peduru?
4. Yezu wajihile dhavi matxikwi na matxikwi a athu dila ya nawili?
5. Enakale dhavi yotikiniha Yezu agalamulelaga velaboni ya vati ninga Mwene wa Mulugu?
Mavuzo owenjedhedha:
1. Kengesa Mateus 14:1-32.
(a) Muthaka wa va Mateus 14:23-32 onvaha munonelo gani wa omuthu wa Peduru?
(b) Muthaka olebiwe ontonyihedha dhavi wila Peduru wahiwarala nanda bakwaranya ekalelo yaye ya maruru? (Mt 14:27-30; Joau 18:10; 21:7; Mer 2:14, 37-40; 1 Ped 5:6, 10)
2. Kengesa Mateus 15:29-38.
Yezu walagihile dhavi nriho mwa mivaho dha omaningoni dhadheela wa babi waye? (Mt 15:37; Joau 6:12; Kol 3:15)
3. Kengesa Joau 6:1-21.
Akristu awodhe dhavi ofara yotagiha ya Yezu ovanene modheela oriha nlamulelo? (Joau 6:15; Mt 22:21; Rom 12:2; 13:1-4)
Nipadduwo 94
1. Arumiwi akulanela eni mu dila bageyela wuleddoni wolapela?
2. Yezu omutxemerheli eni mima muñgono nanda bamwimetxa vari va arumiwi?
3. Na mukalelo gani ogafanyeeli arumiwi osunza okala ninga aima?
4. Myeri miñgonovi musogorho, Yezu olagihile dhavi wila iyene onowakwela aima?
Mavuzo owenjedhedha:
1. Kengesa Mateus 18:1-4.
Yezu walabihedhile eni maladdaniho wila asunzihe? (Mt 13:34, 36; Mk 4:33, 34)
2. Kengesa Mateus 19:13-15.
Mikalelo gani dha aima añgono dhinfanyeelihu otagiha akala ninofuna okosa mpaddi mmareelihoni a Omwene? (Sal 25:9; 138:6; 1 Kor 14:20)
3. Kengesa Markos 9:33-37.
Yezu wasunzihile eni anamasunza aye mwaha wa ofunaga mpaddo wa ethomo? (Mk 9:35; Mt 20:25, 26; Gal 6:3; Fil 2:5-8)
4. Kengesa Markos 10:13-16.
Yezu wafiyedheya na muthengo gani, nanda anddimuwa a mmulogoni wa Okristu anwodha osunza eni mwa yotagiha yaye? (Mk 6:30-34; Fil 2:1-4; 1 Tim 4:12)
Nipadduwo 95
1. Nivuzo gani nimukosile mulobwana dhahi Yezu, nanda sabwa yani?
2. Dila dhiina Yezu walabihedha eni wila asunzihe, nanda nimalile osunza eni mwaha wa Ayuda na Asamaria?
3. Mu nipadduwo nilogile Yezu, txini empadduweli Muyuda wakosa oleddo mu rampani endowa o Jeriko?
4. Txini epadduwile muvireli murampani Muyuda wa namakutha vina Mulevita?
5. Va nladdanihoni, bani onimukamiha Muyuda oddu ovoreyiwe?
6. Mumaleli Yezu ogomiha nipadduwona, nivuzo gani nikosiliye, nanda mulobwanaya wakulile dhavi?
Mavuzo owenjedhedha:
1. Kengesa Lukas 10:25-37.
(a) Othiya ovaha yowakula kakamwe, Yezu wamukamihile dhavi mulobwana wa Nlamulo otanaalela mwahaya? (Lk 10:26; Mt 16:13-16)
(b) Yezu walabihedhi dhavi maladdaniho wila apithe nihelu mpaddi wa anamewa aye? (Lk 10:36, 37; 18:9-14; Tito 1:9)
Nipadduwo 96
1. Yezu okosile eni bagakosa oleddo mwilaboni?
2. Yezu wapangile eni arumiwi aye, muvireli vyaka tharu bamalile obatiziwa?
3. Athu ali va nladdanihoni bani, nanda Yezu omukoseli eni muyana oddu?
4. Wakula wa Yezu mwa dhosumulela dha asogorheli a relijiau wavahile dhavi manyazo?
5. Yezu na arumiwi aye mwakalelani waddamela Jeriko, txini yakoseli Yezu anamakumbirha eeli aliba ohoona?
6. Yezu okoseli eni matikiniho?
Mavuzo owenjedhedha:
1. Kengesa Mateus 15:30, 31.
Mulagiho gani wotikiniha wa ewodhelo ya Yehova ovuhuleyile modheela Yezu, nanda eji enfanyeela dhavi opakela ononelamo wehu wa ejile eroromelihile Yehova ya mwilaboni eswa? (Sal 37:29; Iza 33:24)
2. Kengesa Lukas 13:10-17.
Sabwa yawila Yezu wahikosa matikiniho mena aye ookaletxa va siku na Sabuddu onlagiha dhavi mukalelo wa nifuruleyo ninadheeliyena nlogo na athu mwari mwa Olamulela waye wa Vyaka Txikwi? (Lk 13:10-13; Sal 46:9; Mt 12:8; Kol 2:16, 17; Ovuh 21:1-4)
3. Kengesa Mateus 20:29-34.
Muthaka obu onlagiha dhavi yawila Yezu txipo kadhaaleliwa mabasa mpaka okoodda wakamiha athu, nanda ninwodha osunza eni mwa eji? (Olib 15:7; Tia 2:15, 16; 1 Joau 3:17)
Nipadduwo 97
1. Yezu mudheeliye va muruddani muñgono waddamana na Yeruzalemi, txini yapangiliye anamasunza aye okosa?
2. Va nladdanihoni, txini epadduwile Yezu mufiyeliye waddamana na sidadi ya Yeruzalemi?
3. Aima añgono akosile eni mumoonelani Yezu bagaavulumutxa aliba ohoona vina oragala?
4. Yezu ologile eni na anamakutha aludduwile?
5. Niwodhe dhavi okala ninga aima abale amutamaalile Yezu?
6. Anamasunza anfuna aziwe eni?
Mavuzo owenjedhedha:
1. Kengesa Mateus 21:1-17.
(a) Ovolowa wa Yezu mu Yeruzalemi ninga Mwene wathiyanile dhavi na wa akazembe anamathukula elabo a mudhidhi wa Roma? (Mt 21:4, 5; Zak 9:9; Fil 2:5-8; Kol 2:15)
(b) Nsunzo gani ninwodha azombwe osunza mwa analobwana a Izraeli abene alogile mazu a va Salmo 118 Yezu bagavolowa mu mparhani? (Mt 21:9, 15; Sal 118:25, 26; 2 Tim 3:15; 2 Ped 3:18)
2. Kengesa Joau 12:12-16.
Txini entapulela makubari a nyagororo alabihedhi athu abale amuthabeli Yezu? (Joau 12:13; Fil 2:10; Ovuh 7:9, 10)
Nipadduwo 98
1. Va nladdanihoni, Yezu dduvi, nanda aba ali na iyene bani?
2. Anamakutha aatameli omukosela eni Yezu mu mparhani, nanda iyene walogile eni na awene?
3. Arumiwi anvuzile eni Yezu?
4. Yezu wapangeli eni arumiwi aye dhilobo dhiina dhinapadduwege velaboni ya vati iyene agalamulelaga odhulu ninga Mwene?
5. Txini elogile Yezu wila enela opadduwa iyene ahinathi ogomiha obure wotene velaboni ya vati?
Mavuzo owenjedhedha:
1. Kengesa Mateus 23:1-39.
(a) Masiki Malebo vantonyihedhani wila olabihedha mazina a mwilaboni podi okala yofanyeela, mazu a Yezu va Mateus 23:8-11 anlagiha eni mowiwanana na olabihedha mazina a ethomo mmulogoni wa Okristu? (Mer 26:25; Rom 13:7; 1 Ped 2:13, 14)
(b) Afarizi alabihedha eni wila atamele wakathamiha athu odha okala Akristu, nanda asogorheli a relijiau alabihedhi dhavi marhe akakene masaka a ovanene? (Mt 23:13; Lk 11:52; Joau 9:22; 12:42; 1 Tes 2:16)
2. Kengesa Mateus 24:1-14.
(a) Ofuneya wa odiga onthukuleliwa dhavi vadhulu, va Mateus 24:13?
(b) Nzu “magomo” va Mateus 24:13 nintapulela eni? (Mt 16:27; Rom 14:10-12; 2 Kor 5:10)
3. Kengesa Markos 13:3-10.
Nzu gani na va Markos 13:10 ninlagiha omaguva wa mabasa a olaleya bili yaderetu, nanda mazu a Yezu anfanyeela onipakela dhavi? (Rom 13:11, 12; 1 Kor 7:29-31; 2 Tim 4:2)
Nipadduwo 99
1. Ninga munlagihedhiwani va nladdanihoni, Yezu na arumiwi aye 12 akaleli eni mu kambirhinya enddimuwa ya mudhulu?
2. Mulobwana oddu ombudduwa bani, nanda iyene ondowa akose eni?
3. Yoja gani ya va woka eromile Yezu mumaleli yoja ya Paskwa?
4. Paskwa wawubutxedha Aizraeli yowireya gani, nanda yoja eji ya va woka enawubutxedha eni anamafara a Yezu?
5. Mumaleli Siarhi ya Nabuya, Yezu wapangile eni anamafara aye, nanda awene akosile eni?
Mavuzo owenjedhedha:
1. Kengesa Mateus 26:14-30.
(a) Mateus 26:15 onlagiha dhavi wila Yuda omuguliha Yezu wali mwirelo wa ofuna?
(b) Dhifunelo gani biili dhalabeli okuthuliwa wa nikami na Yezu? (Mt 26:27, 28; Jer 31:31-33; Ef 1:7; Aheb 9:19, 20)
2. Kengesa Lukas 22:1-39.
Na mukalelo gani wavolowile Satana mwa Yuda? (Lk 22:3; Joau 13:2; Mer 1:24, 25)
3. Kengesa Joau 13:1-20.
(a) Mu mooneloni wa nipadduwo va Joau 13:2, Yuda podi opwathelihiwa muladdu wa esile dhakosiliye, nanda nsunzo gani ninwodha osunzamo adhari a Mulugu mwa eji? (Wita 4:7; 2 Kor 2:11; Gal 6:1; Tia 1:13, 14)
(b) Nsunzo gani na guru na nlagiho navahile Yezu? (Joau 13:15; Mt 23:11; 1 Ped 2:21)
4. Kengesa Joau 17:1-26.
Na mukalelo gani walobeleli Yezu wila anamafara aye “akale mmodha”? (Joau 17:11, 21-23; Rom 13:8; 14:19; Kol 3:14)
Nipadduwo 100
1. Yezu na arumiwi aye adhowile wuvi mumalelani obudduwa mu kambirhinya ya mudhulu, nanda iyene wapangile wila akose eni?
2. Yezu mwiyeleliye apale vali arumiwi ofanyile eni, nanda eji epadduwile dila ngasi?
3. Bani ovolowile mmunddani, nanda Yuda Iskarioti okosile eni, ninga munlagihedha nladdaniho?
4. Yuda omusosoneli eni Yezu, nanda Peduru okosile eni?
5. Yezu ologile eni na Peduru, ki Yezu okooddeli eni omukumbirha Mulugu wila aarume angelo?
Mavuzo owenjedhedha:
1. Kengesa Mateus 26:36-56.
(a) Mukalelo walagile Yezu anamasunza aye okalile dhavi yotagiha yaderetu vaddiddi wa anddimuwa a mmulogoni wa Okristu ovanene? (Mt 20:25-28; 26:40, 41; Gal 5:17; Ef 4:29, 31, 32)
(b) Yezu onoona dhavi olabihedhiwa wa futhi dha omaningoni omusadduwela muthu mukwaye? (Mt 26:52; Lk 6:27, 28; Joau 18:36)
2. Kengesa Lukas 22:39-53.
Mungelo mwamuthwanyuweliye Yezu mmunddani mwa Jetsemani wila amulibihe, eji yatapulela wila Yezu wela oddenguma mu nroromeloni naye? Katapulela. (Lk 22:41-43; Iza 49:8; Mt 4:10, 11; Aheb 5:7)
3. Kengesa Joau 18:1-12.
Yezu wabareli dhavi anamasunza aye mwa anamapambiha aye, nanda iyo ninwodha osunza eni mwa yotagiha eji? (Joau 10:11, 12; 18:1, 6-9; Aheb 13:6; Tia 2:25)
Nipadduwo 101
1. Bani ona muladdu woroma wa okwa wa Yezu?
2. Arumiwi akosile eni Yezu muthukuleliwiye na asogorheli a relijiau?
3. Txini epadduwile vatakulu va Kaifa, namakutha munddimuwa?
4. Peduru wadhoweli eni olila?
5. Mumaleli Yezu wiyelela wa Pilato, anamakutha anddimuwaya akuwile bagaloga eni?
6. Txini empadduweli Yezu omutana bugaroma wene siku na Txisanu, nanda nlibelo gani nimukoseliye panga watomeyiwe va pingirizini epaddi yaye?
7. Paraizu wamulogile Yezu onakale wuvi?
Mavuzo owenjedhedha:
1. Kengesa Mateus 26:57-75.
Na mukalelo gani olagihile athu a muthego munddimuwa wa Ayuda wila mirima dhawa dhali dha otabala? (Mt 26:59, 67, 68)
2. Kengesa Mateus 27:1-50.
Ninwodhela eni ologa wila okubanyedha wewile Yuda kawali wa txibarene? (Mt 27:3, 4; Mk 3:29; 14:21; 2 Kor 7:10, 11)
3. Kengesa Lukas 22:54-71.
Ninwodha osunza eni mwa Peduru omukoodda Yezu omathiyu wa ogulihiwa vina othiddiwa waye? (Lk 22:60-62; Mt 26:31-35; 1 Kor 10:12)
4. Kengesa Lukas 23:1-49.
Yezu wakosile eni mwa obure wakoseliwiye, nanda nsunzo gani ninwodhihu osunza mwa eji? (Lk 23:33, 34; Rom 12:17-19; 1 Ped 2:23)
5. Kengesa Joau 18:12-40.
Txini enlagihiwa na sabwa yawila masiki Peduru vamaalihiwiye mudhidhi muñgonovi na omova muthu, iyene wahisisimuwa bakala murumiwi waderetu vaddiddi? (Joau 18:25-27; 1 Kor 4:2; 1 Ped 3:14, 15; 5:8, 9)
6. Kengesa Joau 19:1-30.
(a) Moonelo gani wopimeleleya wa dhilobo dha omaningoni wana Yezu? (Joau 2:1, 2, 9, 10; 19:23, 24; Mt 6:31, 32; 8:20)
(b) Mazu a mudhidhi wa okwa wa Yezu aakalile dhavi ologa wa opemberha wawila iyene wahikamihedha olamulela onddimuwa wa Yehova? (Joau 16:33; 19:30; 2 Ped 3:14; 1 Joau 5:4)
Nipadduwo 102
1. Muyana oddu oli va nladdanihoni bani, alobwana aba eeli bani, nanda awene ali vavi?
2. Pilato wapangeli eni anamakutha wila aarume anyakoddo añganelege nsiye na Yezu?
3. Mungelo dhahi okosile eni membesene siku na noraru mumaleli Yezu okwa, mbwenye anamakutha akosile eni?
4. Ayana dhahi atikineli eni mudhowelani woona nsiye na Yezu?
5. Peduru na Joau athamageli eni odhowa va nsiyeni na Yezu, nanda aweneya afanyilevo eni?
6. Txini epadduweli maningo a Yezu, mbwenye iyene okosile eni wila alagihe anamasunza yawila iyene ohikalawo?
Mavuzo owenjedhedha:
1. Kengesa Mateus 27:62-66 na 28:1-15.
Mudhidhi wa ovenya mu okwani wa Yezu, anamakutha anddimuwaya, Afarizi, vina asogorheli athegile dhavi osadduwela muya wokoddela? (Mt 12:24, 31, 32; 28:11-15)
2. Kengesa Lukas 24:1-12.
Muthaka wa ovenya mu okwani wa Yezu onlagiha dhavi mukalelo onawoona Yehova ayana ninga anamona okuluveleya? (Lk 24:4, 9, 10; Mt 28:1-7)
3. Kengesa Joau 20:1-12.
Joau 20:8, 9 onnikamiha dhavi woona ofuneya wa iyo ovilela akala kaninnonelamo kakamwe osoriheya wa nivuhulo na Bibilia? (Vimarya 4:18; Mt 17:22, 23; Lk 24:5-8; Joau 16:12)
Nipadduwo 103
1. Maria ologile eni na mulobwana onimooniye ninga namasasanyedha mundda, ki txini emukosihile iyene ononelamo wila ddi Yezu txibarene?
2. Txini yapadduweli anamasunza eeli abene aneedda bagadhowa murudda wa Emaus?
3. Elobo gani ya wumiha milomo epadduwile anamasunza eeli mwapangelani arumiwi yawila awene ahimoona Yezu?
4. Yezu wathwanyuweli anamafara aye dila ngasi?
5. Tome ologile eni mwiweliye wila anamasunza anomoonaga Nabuya, mbwenye txini epadduwile masiku matanu na mararu musogorhomwa?
Mavuzo owenjedhedha:
1. Kengesa Joau 20:11-29.
Va Joau 20:23 Yezu waloga wila athu ahivahiwa ofanyeelela wa olevelela dhothega? Katapulela. (Sal 49:2, 7; Iza 55:7; 1 Tim 2:5, 6; 1 Joau 2:1, 2)
2. Kengesa Lukas 24:13-43.
Niwodhe dhavi osasanyedha murima wehu wila wakelege ebaribari ya Bibilia? (Lk 24:32, 33; Ezd 7:10; Mt 5:3; Mer 16:14; Aheb 5:11-14)
Nipadduwo 104
1. Mudhidhi dhahi anamasunza angasi amoonile Yezu, nanda iyene ologile eni na awene?
2. Omwene wa Mulugu txini, nanda egumi velaboni ya vati enakale dhavi Yezu agalamulelaga ninga mwene mwari mwa vyaka txikwi?
3. Masiku mangasi Yezu bagathwanyuwela anamasunza aye, nanda ovanene mudhidhi wa iyene okosa eni?
4. Ahinathi wene wathiya anamasunza aye, Yezu ologile na awene wila akosege eni?
5. Empadduwa va nladdanihoni txini, nanda Yezu wakuneelei dhavi vamentoni vawa?
Mavuzo owenjedhedha:
1. Kengesa 1 Korinto 15:3-8.
Murumiwi Paulo wawodhela eni ologa na nikuluvelo vaddiddi mowiwanana na ovenya mu okwani wa Yezu, vina dhilobo gani dhinwodha Akristu ovanene ologa na nikuluvelo? (1 Kor 15:4, 7, 8; Iza 2:2, 3; Mt 24:14; 2 Tim 3:1-5)
2. Kengesa Merelo 1:1-11.
Olaleya wamwadheyile na muthengo gani, ninga mwathageliwani ologiwa va Merelo 1:8? (Mer 6:7; 9:31; 11:19-21; Kol 1:23)
Nipadduwo 105
1. Ninga munlagihedha nladdaniho, txini yapadduweli anamafara a Yezu abene ajeedha mu Yeruzalemi?
2. Yorurumutxa gani yakelile aleddo a mu Yeruzalemi?
3. Peduru watapuleli eni athu?
4. Athu eewilemo dhavi mumalelani onvuruwana Peduru, nanda iyene wapangile awene okosa eni?
5. Athu angasi abatiziwe siku nthile na Pentekoste, wa 33 E.C.?
Mavuzo owenjedhedha:
1. Kengesa Merelo 2:1-47.
(a) Mazu a Peduru anfanyeya va Merelo 2:23, 36 anlagiha dhavi wila nlogo notene na Ayuda nahigawana muladdu wa okwa wa Yezu? (1 Tes 2:14, 15)
(b) Peduru ovahile dhavi yotagiha yaderetu ya otanaalela modheela Malebo? (Mer 2:16, 17, 29, 31, 36, 39; Kol 4:6)
(c) Peduru walabihedhi dhavi “mfugulo [woroma] wa omwene wa odhulu,” mwa esile dharoromelihile Yezu onvaha iyene? (Mer 2:14, 22-24, 37, 38; Mt 16:19)
Nipadduwo 106
1. Txini empadduweli Peduru na Joau omutana dhahi bagadhowa mu mparhani?
2. Peduru ologile eni na mulobwana woragala, nanda Peduru onvahile eni ejene elitxi ya thima opitha kobiri?
3. Asogorheli a relijiau aludduweli eni, nanda awene akosile eni na Peduru vina Joau?
4. Peduru ologile eni na asogorheli a relijiau, nanda nlago gani nakelile arumiwi?
5. Asogorheli a relijiau akaaneli eni aje, mbwenye txini epadduwile arumiwi mwikeliwani mu kambura dila ya nawili?
6. Arumiwi akulile dhavi mudheeliwanina va numba ya Sinedriyu?
Mavuzo owenjedhedha:
1. Kengesa Merelo 3:1-10.
Masiki vakooddilihu ovahiwa ewodhelo ya okosa matikiniho ovanene, mazu a Peduru alebiwe va Merelo 3:6 annikamiha dhavi otamaalela thima ya mpaganyo wa Omwene? (Joau 17:3; 2 Kor 5:18-20; Fil 3:8)
2. Kengesa Merelo 4:1-31.
Nigagumanaga na opambihiwa mmabasani a omundda, na mukalelo gani onfanyeelihu watagiha abalihu a Akristu a vyaka zana dhoroma? (Mer 4:29, 31; Ef 6:18-20; 1 Tes 2:2)
3. Kengesa Merelo 5:17-42.
Athu ena ahili Anamona, nsaka nawale ninga vina na ovanene, alagihile dhavi oderetu mowiwanana na mabasa a olaleya? (Mer 5:34-39)
Nipadduwo 107
1. Estevau Bani, nanda Mulugu onimukamihaga iyene okosa eni?
2. Estevau ologile eni yakosihile asogorheli a relijiau oludduwa vaddiddi?
3. Alobwana aba mumbururelani Estevau otakulu wa sidadi, awene amukoseli eni iyene?
4. Va nladdanihoni, muzombwe oddu wimelile waddamana na akapoti bani?
5. Ahinathi okwa, Estevau olobeleli eni wa Yehova?
6. Mwa omutagiha Estevau, ninfanyeela okosa eni muthu aganikosela elobo elobovi yabure?
Mavuzo owenjedhedha:
1. Kengesa Merelo 6:8-15.
Merelo gani oonyengetha alabihedhi asogorheli a relijiau wila atamele wimetxa mabasa a olaleya a Anamona a Yehova? (Mer 6:9, 11, 13)
2. Kengesa Mer 7:1-60.
(a) Txini yamukamihile Estevau weddeleya deretu mwa ovuneela bili yaderetu vamentoni va Sinedriyu, nanda txini enwodhihu osunza mwa yotagiha yaye? (Mer 7:51-53; Rom 15:4; 2 Tim 3:14-17; 1 Ped 3:15)
(b) Mukalelo gani onfanyeelihu wunuwiha modheela anamapambiha a mabasa ehu? (Mer 7:58-60; Mt 5:44; Lk 23:33, 34)
Nipadduwo 108
1. Saulu okosile eni mumaleli opiwa Estevau?
2. Saulu bali mu oleddoni waye wa odhowa o Damasku, elobo gani ya wumiha milomo epadduwile?
3. Yezu ompangile Saulu okosa eni?
4. Nlago gani ninvahile Yezu Anania, nanda Saulu owodhile dhavi woona wili?
5. Saulu odhile oziwiwa na nzina gani, nanda iyene olabihedhiwe dhavi?
Mavuzo owenjedhedha:
1. Kengesa Merelo 8:1-4.
Nsaka na ofarafariwa nafiyedhile mulogo obule muswa wa Okristu walabeli dhavi omwadha nroromelo na Okristu, nanda elobo gani yoligana yapadduwile mmidhidhini dha ovanene? (Mer 8:4; Iza 54:17)
2. Kengesa Merelo 9:1-20.
Mabasa gani mararu aavuhulile Yezu oobuweliye onvaha Saulu? (Mer 9:15; 13:5; 26:1; 27:24; Rom 11:13)
3. Kengesa Merelo 22:6-16.
Niwodhe dhavi okala ninga Anania, nanda eji ekaleli eni ya makamaka? (Mer 22:12; 1 Tim 3:7; 1 Ped 1:14-16; 2:12)
4. Kengesa Merelo 26:8-20.
Osadduwa wa Saulu bavolowa mu Okristuni onlaba dhavi ovanene ninga nlibiho wa abale ana akwawa a mmateloni ahili Anamona a Yehova? (Mer 26:11; 1 Tim 1:14-16; 2 Tim 4:2; 1 Ped 3:1-3)
Nipadduwo 109
Peduru Ohidhowa Omoona Kornelio
1. Mulobwana onkokora va nladdanihoni bani?
2. Mungelo ologile eni na Kornelio?
3. Mulugu omukosihile Peduru woona eni iyene bali omutompini wa numba ya Simoni mu Jope?
4. Peduru ompangeli eni Kornelio yawila ahikokore vina ahimwebedhe iyene?
5. Anamasunza a Ayuda ali na Peduru oomeli eni milomo?
6. Nsunzo gani na makamaka ninfanyeelihu osunza mwa odhowa wa Peduru omoona Kornelio?
Mavuzo owenjedhedha:
1. Kengesa Merelo 10:1-48.
Mazu a Peduru anfanyeya va Merelo 10:42 anlagiha eni mwaha wa mabasa a olaleya bili yaderetu ya Omwene? (Mt 28:19; Mk 13:10; Mer 1:8)
2. Kengesa Merelo 11:1-18.
Peduru walagihile ekalelo gani mweddihedho wa Yehova mowiwanana na amalabo mwadheelani wooneya, nanda iyo niwodhe dhavi otagiha yotagiha yaye? (Mer 11:17, 18; 2 Kor 10:5; Ef 5:17)
Nipadduwo 110
Timoteo—Mukamihedhi Muswa Wa Paulo
1. Muzombwe oli va nladdanihoni bani, iyene onkala wuvi, nanda mazina a mai na bibi waye bani?
2. Timoteo ologile eni Paulo munvuzeliye akala iyene onofuna weedda na Sila vina Paulo mwa walaleya athu a mimburo dha wolapela?
3. Pavi varomile anamafara a Yezu otxemerhiwa wila Akristu?
4. Paulo na Barnabe mumalelani obudduwa va Antiokia, sidadi gani dhifiyilani?
5. Timoteo omukamihile dhavi Paulo, nanda nivuzo gani ninfanyeela azombwe ovivuza ovanene?
Mavuzo owenjedhedha:
1. Kengesa Merelo 9:19-30.
Murumiwi Paulo walagihile dhavi okala txenjewa mwagumaneliye na opambihiwa wa bili yaderetu? (Mer 9:22-25, 29, 30; Mt 10:16)
2. Kengesa Merelo 11:19-26.
Muthaka olebiwe va Merelo 11:19-21, 26 onlagiha dhavi wila muya wa Yehova onoweddiha vina onosogorhiha mabasa a olaleya?
3. Kengesa Merelo 13:13-16, 42-52.
Merelo 13:51, 52 onlagiha dhavi wila anamasunza kaathiyile opambiha wanyimula awene? (Mt 10:14; Mer 18:6; 1 Ped 4:14)
4. Kengesa Merelo 14:1-6, 19-28.
Nzu ninloga “aperekaga wa nabuya” ninnikamiha dhavi ofuruleya mwa odhugudheya odhugudheyavi wohifanyeela oku banigakamiha athu aswa? (Mer 14:21-23; 20:32; Joau 6:44)
5. Kengesa Merelo 16:1-5.
Oviperheka wa Timoteo wa orumeela wineliwa onthukulela dhavi vadhulu ofuneya wa okosa “dhilobo dhotene mwa oderetu wa bili yaderetu”? (Mer 16:3; 1 Kor 9:23; 1 Tes 2:8)
6. Kengesa Merelo 18:1-11, 18-22.
Merelo 18:9, 10 ontonyihedha eni mowiwanana na ovolowamo wa Yezu mwinyene mwa weeddiha mabasa a olaleya, nanda nikuluvelo gani ninnivaha eji iyo ovanene? (Mt 28:20)
Nipadduwo 111
1. Va nladdanihoni, mwanamulobwana oddu oginantile vati bani, nanda txini yampadduweli?
2. Paulo okosile eni, mooneliye wila mwanamulobwanaya ohikwa?
3. Paulo, na Timoteo, vamodha na abale ankosa oleddo na awene andowa wuvi, nanda txini epadduwile awene mwimelelani va Mileto?
4. Nlago gani nivahiwe Paulo na namavuhula Agabo, nanda nthi nipadduwile dhavi txibarene wene ninga mwalogeli namavuhulaya?
Mavuzo owenjedhedha:
1. Kengesa Merelo 20:7-38.
(a) Niwodhe dhavi okalavi “s’ohikaana muladdu wa nikami na athu otene,” mowiwanana na mazu a Paulo alebiwe va Merelo 20:26, 27? (Ezek 33:8; Mer 18:6, 7)
(b) Anddimuwa a mmulogoni anfanyeelela eni “othiddeela deretu nzu na nroromelo” agasunzihaga? (Mer 20:17, 29, 30; Tito 1:7-9; 2 Tim 1:13)
2. Kengesa Merelo 26:24-32.
Paulo walabihedhi dhavi gari yaye ya ojavo dhofanyeelela dha Roma wila asorihe mabasa a olaleya aakeliliye na Yezu? (Mer 9:15; 16:37, 38; 25:11, 12; 26:32; Lk 21:12, 13)
Nipadduwo 112
1. Txini epadduweli sikarera muli Paulo bigavira waddamana na suwa ya Kreta?
2. Paulo ologile eni na abale ali mu sikareranimwa?
3. Sikareraya enyenyeyile dhavi bikala dhipathaso dhipathaso?
4. Nlago gani nivahile kazembe wa anyakoddo wasogorhela, nanda athu enjene aviluwile dhavi mpaka o kobela?
5. Thivi nzina na suwa vatitilani, nanda txini empadduweli Paulo nyazaya mumaalelani?
Mavuzo owenjedhedha:
1. Kengesa Merelo 27:1-44.
Nikuluvelo nehu ninlibiheya dhavi na ebaribari elebiwe nigengesaga muthaka wa oleddo wa Paulo wa odhowa o Roma? (Mer 27:16-19, 27-32; Lk 1:3; 2 Tim 3:16, 17)
2. Kengesa Merelo 28:1-14.
Akala athu akoodda omulaba Mulugu akala va Malta ahithukuleliwa omweddiha murumiwi Paulo na akwaye abale aatweyeliwe sikarera na “thagaraga enddimuwa ya omuthu,” Akristu anfanyeela othukuleliwa olagiha eni makamaka nanda na mukalelo gani? (Mer 28:1, 2; Aheb 13:1, 2; 1 Ped 4:9)
Nipadduwo 113
1. Paulo walaleyeli ani bali mu kambura o Roma?
2. Va nladdanihoni, muleddo oli va meza bani, nanda iyene onimukosela eni Paulo?
3. Epafrodito bani, nanda txini ethukulile iyene bageyelela o Filipi?
4. Paulo onimulebelela eni karta Filemone olitxi marho waye?
5. Paulo mufuruleliwiye okosile eni, nanda vasogorhova txini empadduweli?
6. Yehova omulabihedhi ani wila alebe manivuru oomariha a Bibilia, nanda nivuru na Ovuhulela ninloga mwaha wa eni?
Mavuzo owenjedhedha:
1. Kengesa Merelo 28:16-31 na Filipi 1:13.
Paulo walabihedhi dhavi mudhidhi waye bali mu kambura o Roma, nanda nipakelo gani nana nroromelo naye nohithekenyeya mmulogoni wa Okristu? (Mer 28:23, 30; Fil 1:14)
2. Kengesa Filipi 2:19-30.
Mazu gani a ntamaalelo aakosile Paulo mowiwanana na Timoteo vina Epafrodito, nanda niwodhe dhavi otagiha yotagiha ya Paulo? (Fil 2:20, 22, 25, 29, 30; 1 Kor 16:18; 1 Tes 5:12, 13)
3. Kengesa Filémoni 1-25.
(a) Paulo wamulibihile Filemone na matibelo gani a okosa ejile yakalile, nanda eji enlaba dhavi ninga dila wa anddimuwa a mmulogoni ovanene? (Filémoni 9; 2 Kor 8:8; Gal 5:13)
(b) Nzu na Paulo ninfanyeya va Filemone 13, 14 ninlagiha dhavi wila iyene wahiriha mubuwelo wa athu ena mmulogoni? (1 Kor 8:7, 13; 10:31-33)
4. Kengesa 2 Timoteo 4:7-9.
Ninga murumiwi Paulo, niwodhe dhavi okaana nikuluvelo nawila Yehova onela onithuva nigakalavi oororomeleya mpaka omagomo? (Mt 24:13; Aheb 6:10)
Nipadduwo 114
1. Bibilia onalogela eni akavalo odhulu?
2. Thivi nzina na koddo ya Mulugu na athu abure velaboni ya vati, nanda yofunaya ya koddo eji txini?
3. Ovenyedha va nladdanihoni, Bani onasogorhele oraba koddoya, iyene wabaleli eni mwerheko, nanda supadda naye nintapulela eni?
4. Banigañgana mundduni va Nipadduwo 10 na 15, sabwa yani kaninfanyeela otikina yawila Mulugu onela watolotxa athu abure?
5. Mapadduwo 33, 36 na 76 annilagiha dhavi yawila Mulugu onela watolotxa athu abure masiki akala anologa wila anomwebedha iyene?
Mavuzo owenjedhedha:
1. Kengesa Ovuhulela 19:11-16.
(a) Malebo anlagiha dhavi mowooneya wila Yezu Kristu ddi oddule ogilatile va kavaloni wotxena? (Ovuh 1:5; 3:14; 19:11; Iza 11:4)
(b) Nikami niwazeliwe va guwoni ya otakulu ya Yezu ninwaraliha dhavi yawila opemberha waye kwa txibarene vina kwa wakwanela? (Ovuh 14:18-20; 19:13; Iza 63:1-6)
(c) Ninga munooneyelani bani ali mu nikuruni na anyakoddo nininfara Yezu va kavaloni waye wotxena? (Ovuh 12:7; 19:14; Mt 25:31, 32)
Nipadduwo 115
Paraizu Muswa Velaboni Ya Vati
1. Mikalelo gani dhintonyihedha Bibilia dhinfunihu ojavo mParaizu velaboni ya vati?
2. Nlibelo na Bibilia thivi wa abale anakale mParaizu?
3. Mudhidhi gani onakosihe Yezu wila musadduwo obu wotikiniha okoseye?
4. Yezu bali velaboni ya vati, iyene wakosile eni wila alagihe ejile egakosiliye ninga Mwene wa Omwene wa Mulugu?
5. Txini enakaanele ebaribari Yezu na alamuleli akwaye a odhulu agalamulelaga elabo ya vati ovenyedha odhulu?
Mavuzo owenjedhedha:
1. Kengesa Ovuhulela 5:9, 10.
Ninfanyeelela eni okaana nikuluvelo nawila abale analamulelege velaboni ya vati mwari mwa Olamulela wa Vyaka Txikwi anela okala alamuleli a thagaraga, a nthebwa vina anamakutha? (Ef 4:20-24; 1 Ped 1:7; 3:8; 5:6-10)
2. Kengesa Ovuhulela 14:1-3.
Txini entapuleliwa sabwa ya olebiwa nzina na Baba vina nzina na Mwana Nibila va koveni va 144.000? (1 Kor 3:23; 2 Tim 2:19; Ovuh 3:12)
Nipadduwo 116
Niwodhe Dhavi Okalawo Na Mukalakala
1. Txini enfanyeelihu oziwa akala ninofuna okalawo na mukalakala?
2. Niwodhe dhavi osunza mwaha wa Yehova Mulugu vina Yezu, ninga munlagihedhiwani na mwanamuyana oddu muñgono na amarho aye va nladdanihoni?
3. Nivuru gani niina ninooniwe va nladdanihoni, nanda ninfanyeelela eni wengesaga nthi wili wili?
4. Othiya okalelaga osunzavi mwaha wa Yehova na Yezu, elobo gani yina enfuneya wila nakele egumi yohimala?
5. Nsunzo gani ninsunzihu mu Nipadduwo 69?
6. Yotagiha yaderetu ya Samueli muñgono mu Nipadduwo 55 enlagiha eni?
7. Niwodhe dhavi ofara yotagiha ya Yezu Kristu, nanda iyo nigakosa ejene, ninawodhe okosa eni musogorho?
Mavuzo owenjedhedha:
1. Kengesa Joau 17:3.
Malebo anlagiha dhavi wila okaana eziwelo ya Yehova Mulugu vina Yezu Kristu ontapulela opitha okalela wikavi mmusorhoni dhokoseya? (Mt 7:21; Tia 2:18-20; 1 Joau 2:17)
2. Kengesa Salmo 145:1-21.
(a) Sabwa gani dhiina dhinjidhene dhinihuna dha omutamaala Yehova? (Sal 145:8-11; Ovuh 4:11)
(b) Yehova oli dhavi “waderetu na athu otene,” nanda eji enfanyeela dhavi onaddamaniha vaddiddi na iyene opitha mundduni? (Sal 145:9; Mt 5:43-45)
(c) Akala ninomukwela Yehova na murima wehu, ninathukuleleye okosa eni? (Sal 119:171, 172, 175; 145:11, 12, 21)