‘Ande Pela Fé, Não Pela Vista’

Jeruzalemi ahinatti orijiwa vina onongiwa, murumiwi Paulo wahalebela Akristu, wila awene ninga anyakoddo a Kristu, anfanyela wika vamburoni voroma dhokaana dha omuyani masiki agafanyiwa makattamiho. (2 Tim. 2:3, 4) Na makattamiho anfuna ogwela elabo ejino ehinimuttittimiha Mulugu, ninofanyeela okaana nroromelo noliba wi nilibele dhilobo dha omuyani. (2 Kor. 4:18; 5:7) Ogoonaga vidiyu eji ‘Ande Pela Fé, Não Pela Vista’ otanaalele mukalelo wanyengetteyile attu aba eeli Naha na Abital na dhilobo dhorela. Ogamala keyelela mavuzo aba anfarela.

(1) Mu vyaka zana dhoroma “elobo yonyakuwa . . . yemelile vamburoni wotxena” yatapulela nni, nanda Akristu àkala mu Jeruzalemi afanyela okosa eni? (Mt. 24:15, 16) (2) Nafuneyelani nroromelo wi muttu awodhe ottawa mmuttetteni mpule? (3) Muttu wafanyeela okosa guru gani wi attawe? (4) Naha na Abital aakoddeli nni ottawa? (Mt. 24:17, 18) (5) Nroromelo na Rakel nehiwe dhavi mudhidhi wabudduwiye mu Jeruzalemi? (Mt. 10:34-37; Mk. 10:29, 30) (6) Etan olagihile dhavi yotagiha yaderetu y’omukuluvela Yehova? (7) Makattamiho gani agumanilena Akristu mwafiyelani o Pela? (8) Naha na Abital adhile dhavi oyeleela nroromelo? (9) Yehova wajiha dhavi Akristu akala o Pela? (Mt. 6:33; 1 Tim. 6:6-8) (10) Ninawodhe dhavi omutagiha Abramu na Sara vanwanihu na ogoma wa elabo onaddamela? (Aheb. 11:8-10) (11) Naha na Abital avikwekwettile dhavi anyene wi eyelele o Jeruzalemi, nanda dhubuwelo dhawa dhalagiha eni? (Lk. 21:21) (12) Mwiyeleli Naha na Abital o Jeruzalemi afanyilewo makattamiho gani? (13) Ninfanyelela eni olibiha nroromelo nehu ovanene​—omagomo wa elabo eji ohinatti ofiya?​—Lk. 17:31, 32; 21:34-36.

Weedda na nroromelo ontapulela (1) okalavi na Yehova, (2) ottiya wi magano aye eddihe ttarho dhehu, vina (3) olagiha wi ninowika ttima dhilobo dha omuyani ottiya dh’omaningoni. Notene iyo ninofanyeela olibela weedda na nroromelo, niziwaga wila “elabo na dhowunlela dhaye dhotene dhinovira, [mbwenye] onira dhininfunana Mulugu onokalawovi.”​—1 Jo. 2:17.