Nyingika Kanawa Liji lia Zambi?

Mbimbiliya yili ni sango hanji maliji ja Zambi waze twatamba kunyingika kanawa musono. Yakutulongesa chize mutuhasa kuwahilila ku mwono wetu ni chize mutuhasa kupwa masepa ja Zambi. Nawa yakukumbulula yihula ai:

1 Zambi Iya?
2 Kuchi munuhasa kunyingika Zambi?
3 Iya wasonekene Mbimbiliya?
4 Shina ciência ni Mbimbiliya yalita?
5 Sango jika jilemu jili mu Mbimbiliya?
6 Yika Mbimbiliya yambile hali Mesaya?
7 Yika Mbimbiliya yambile hakutwala ku matangwa jetu?
8 Shina Zambi mwe wakutumwesa lamba?
9 Mumu liaka atu akumona lamba?
10 Yika Mbimbiliya yalakenya hakutwala ku matangwa a kulutwe?
11 Yika yakulingiwa kuli mutu nyi hafwa?
12 Kutalatala chika tulinacho ha kutwala kuli waze hanafu?
13 Yika Mbimbiliya yakwamba hakutwala ku milimo?
14 Kuchi munuhasa kufunga kanawa yikwata yenu?
15 Kuchi munuhasa kupwa ni uwahililo?
16 Kuchi munuhasa kukumba yipikalo?
17 Kuchi Mbimbiliya muyihasa kukwasa usoko wenu?
18 Kuchi munuhasa kukundama kuli Zambi?
19 Sango jika jili ha mikanda ya mu Mbimbiliya?
20 Kuchi kutanga Mbimbiliya muchihasa kukukwasa?

KUCHI MUTUHASA KUWANA VERSU JA MBIMBILIYA

Mbimbiliya yili ni mikanda 66 yikehe-yikehe. Nawa yili ya kuteta mu yisuho yaali: Yisoneko ya Hepreu-Aramaika (“Usendo Ukulu”) ni Yisoneko ya Ngregu (“Usendo Waha”). Mikanda yeswe yili ya kuteta mu tupitulu ni ma versu. Muze mutuwana chisoneko, numeru yitangu yinasolola kapitulu, yamuchiali versu. Chakutalilaho, Uputukilo 1:1 chinalumbunuka Uputukilo, kapitulu 1, versu 1.