CHIHULA 6
Yika Mbimbiliya yambile hali Mesaya?
UPROFETO
“Yena Mbeteleme Efrata, . . . kuli yena mukukangutuhukila umwe yoze makapwa mukwa kuyula Izalele.”
Mika 5:2
KUMANUNUKA
“Muze te Yesu hasemuka mu Mbeteleme, chihunda cha mu Yundeya, ha matangwa ja mwanangana Heronde, kumanyi, akwa mana a ku Chivumbuko yeza ku Yerusaleme.”
UPROFETO
“Kanalianyina mazalo jami hakachi ko; ha chikuto chami kanate chela.”
Samu 22:18
KUMANUNUKA
“Mba maswalale muze te hahachila Yesu ha [mutondo], anjile mazalo jenyi, alingile yihanda yiwana . . . Alioze, chikuto kuchapwile ni mutongwa, chatungiwile chize kwilu ndusu cheswe. Kashika aliambile umwe kuli mukwo ni mukwo ngwo, Kanda tuchipula, alioze tutenu chela, tunyingike yoze machitambula.”
UPROFETO
“Kakufunga yifwaha yenyi, chipwe chimuwika kuchamakukine.”
Samu 34:20
KUMANUNUKA
“Alioze ha kuheta kuli Yesu, amwene te hafwa kulu, kamakwine molu jenyi.”
KUMANUNUKA
“Alioze ha utanguko wa yetu amwashile.”
Izaia 53:5
KUMANUNUKA
“Alioze umwe wa kuli maswalale watuwile lumbu lienyi ni kunga.Hazehene mwatuhukile manyinga ni meya.”
UPROFETO
“Yangupezalishila ha fweto yami makumi atatu a mbongo ja prata.”
Zekaria 11:12, 13
KUMANUNUKA
“Henaho umwe wa kuli kumi ni aali, jina lienyi, Yundase Ka-Keriote, yaya kuli asasendote akwa lutwe ngwenyi, Chingahi munungwaha nyi mungumukunjika kuli yenu? O yalula kuli iye makumi atatu a mbongo ja prata.”