Yena Mukalinga Upale wa Yehova?

Tunasakwila chinji ha mashimbu waze yena wachiza hanga uhengwole kamukanda kano, hanga unyingike Yela ja Yehova chize apwa, ni kunyingika nawa milimo yetu, ni kumona chize ululikiso wetu unende. Yetwe tunafuliela ngwo kamukanda kano kakukwasa chinji ha kutunyingika ngwo tuli atu waze analinga upale wa Yehova musono. Yetwe tunakukolweza hanga ununge ni kulilongesa yinyingi ya Zambi, mba uyilumbunune kuli asoko je, ni kuli masepa je, nawa lichinge ni yetwe ha mashimbu eswe mu yikungululo yetu ya Akwa Kristu.—A-Hepreu 10:23-25.

Yena mukanyingika chinji nyi walilongesa hakutwala kuli Yehova, nawa muhasa kumona chize iye ali ni zango lia umwenemwene hali yena. Yena mukapwa ni tachi ja kulinga yeswayo muhasa hanga usolole zango lie hali iye. (1 Yoano 4:8-10, 19) Mba kuchi yena muhasa kusolola zango liacho matangwa eswe ku mwono we? Mumu liaka kwononokena ku shimbi ja Yehova chili chipema ku mwono we? Nawa yika muyikukwasa hanga uzange kulinga upale wa Zambi hamuwika ni yetwe? Longeshi we wa Mbimbiliya mawahilila chinji hanga alumbunune yihula yacho hamuwika ni yena mba yena ni asoko je nuhase ‘kulifunga mu zango lia Zambi, . . . ndoo ku mwono wa mutolo.’—Yundase 21.

Nyi chiseke chinji tunechi kuli yena hanga ununge ni kusenya kulutwe mu jila ya umwenemwene ha kulilongesa mikanda yikwo . . . ‘Mantenha-se no Amor de Deus’