Kuwahisa Uhashi Wetu wa Kwambujola Kukwata ku Mbunge ni Mukanda “Lifungenu mu Zango lia Zambi”

MUMU LIAKA CHILI CHILEMU: Atu katamba kulilongesa shimbi ja Yehova ni kujikaula mba ahase kumuwayila mu jila yize yalita. (Iza 2:3, 4) Mukanda “Zango lia Zambi” uli mukanda wa muchiaali uze twakuzachisa ha malongeso jetu, wakukwasa alongi hanga amone chize makaula shimbi ja Zambi ku mwono wo. (Hep 5:14) Twatamba kusa tachi hanga malongeso akwaate ku mbunge nawa hanga akwaase kwalumuna yitanga yo.—Ro 6:17.

CHIZE TWATAMBA KULINGA:

• Lulieka longeso kulita ni yize yinafupiwa kuli longe we. Lulieka yihula yize muyikukwasa kunyingika yize longi we akunyonga hakutwala ku chikuma chacho—Yis 20:5; be 259

• Zachisa makasha hanga ukwase longi we amone ulemu wakutwama kulita ni shimbi ja mu Mbimbiliya

• Kwasa longi we hanga apukune ha yikuma yize yitala wika kuli iye mwene, kanda umukwachila chiyulo.—Nga 6:5

• Ni vumbi lieswe kwasa longi yoze unafupiwa ukwaso hanga akaule shimbi ja mu Mbimbiliya. Mukolweze hanga alumune yimwe yuma ku mwono wenyi ha mukunda wa zango lienyi muli Yehova.—Yis 27:11; Yo 14:31