“Yami uno! Ngutume Kama Yami!”

Izaia kali chilweza chipema cha kulihana chize mutuhasa kwimbulula. Aye kasolwele ufulielo hi washi-washi yatayiza kulihana chipwe ngwe te kanyinyigikine yize yinafupiwa. (Iza 6:8) Shina ni yena muhasa kwalumuna yimwe ku mwono we hanga ukalakale kuze kunafupiwa chinji akwa kwambujola? (Sam 110:3) Muchipema nyi twachilinga alioze twatamba ‘kwalula yuma’ yize mutufupa shimbu kanda twaluka. (Lu 14:27, 28) Kashika, mutuhasa kuhichika mwono wetu hanga tulihane mu mulimo wa kwambujola. (Mat 8:20; Mar 10:28-30) Ngwe chize twamona mu chinema Kuya ni Kulingila Kuze Kunafupiwa Akwa-kwambujola, chakuneha yiwape yinji kuhiana yuma yize mutuhasa kuhichika kunyima.

MUZE HINWATALA CHINEMA, NUKUMBULULA YIHULA YINO:

• Usoko wa ndumbu Wiliams yika alingile hanga ahase kuya ni kulingila ku Equador?

• Yikuma yika ayo alishimutwinyine muze asakwile kuze maya ni kulingila?

• Yiwape yika apwile nayo?

• Kulihi mutuhasa kuwana yikuma yikwo hakutwala ku chihela kuze kunafupiwa akwa-kwambujola?

HA MASHIMBU A UWAYILO MU USOKO, SHIMUTWINA YIHULA YINO:

• Kuchi munguhasa kwokesa mulimo wami wa kwambujola mu usoko? (km 11/8 4-6)

• Nyi kutuchi kuhasa kuya ni kulingila kuze kunafupiwa ukwaso, kuchi mutuhasa kukwasa chikungulwila chetu? (w16.03 23-25)