Zachisa ni Mana Mikanda ya Mbimbiliya

Yesu kalongesele ngwenyi: “Hinunatambula wana, hanenu wana.” (Mat 10:8) Yetu twakukaula usongwelo uno ha kuhona kwita mbonge kuli atu ha Mbimbiliya hanji mikanda yize twakuhana. (2 Kori. 2:17) Chipwe chocho, mikanda yize twakuhana yikwete umwenemwene wa mu Liji lia Zambi. Mikanda yacho yakufwika mbongo ni tachi jinji mba ayifwambwise ni kuyituma ku yikungulwila hashi heswe. Kashika, twatamba kwanda wika mikanda yize tunafupu.

Twatamba kupwa ni mana ha kuhana mikanda kuli akwetu, chipwe tunambujola ha mbunga. (Mat 7:6) Kanda tuhana mikanda chamuhanyina kuli atu waze anapalika, tusenu tachi hanga tuhanjike no hanga tumone ni kali ni zango lia kwivwa Liji lia Zambi. Shina muhasa kukumbulula ngwe, ewa ku yimwe yihula yize yili mu kasha au? Nyi wamona ngwe mutu keshi ni zango ku Liji lia Zambi, shinoho kuhana kuli mutu wacho kamwe kalifwo. Alioze ni meta Kaposhi wa Kutalila hanji mukanda ukwo, ni zango lieswe twatamba kumwaha.—Yishi. 3:27, 28.