YIKUMA YILEMU YA MU LIJI LIA ZAMBI | JEREMIA 51-52
Liji lia Yehova Liakumanunuka ha Yuma Yeswe
Yehova kambile pundu yuma yize te muyilingiwa kulutwe lia matangwa
Swalale mukwa-kwasa mivu wa ku zuwo lia mwanangana wa Persa
‘Kukalula mivu’
51:11, 28
A-Midia ni A-Persia kapwile ni mana anji a kukalakala ni mata akwasa nawa te kakutenga uta wa manana ngwe uta wo ulemu. Ayo te kakukalula kanawa mivu yo hanga yisongoloke
“Tujita twa Babilonia hanalitwamina kwasa jita”
51:30
Mukanda wa Nabonido unambe ngwo: “Maswalale a Siru kanjilile mu Babilonia cha kuhona kwasa jita.” Kota chino chinalumbunuka ngwo, kakashile jita nawa chino chinalite ni uprofeto wa Jeremia
Liwe lili ni sango ja Nabonido
‘Babilonia muyalumuka mulumba wa yipuzu [nawa] muyipwa yahululu ndo ku miaka’
51:37, 62
Uhenya wa Babilonia waputukile kuhwa ha mwaka wa 539 K.M.J. Muze Alexandre Munene ambile kupwisa Babilonia ngwe mbonge yenyi, alioze hazehene iye yafwa. Ku uputukilo wa mashimbu ja akwa-Kristu, mu Babilonia mwapwile chimwe chihunda chize te mwatwama A-Yunda, chino che chatwalile Postolo Petulu kumeneka mbonge ya Babilonia. Alioze ku sekulu ya muchiwana ha M.J., mbonge te hi yapwa yikulu, te kuyatwamineko nawa