Shina Unanyingika Yitanga ya Zambi Yize Kuyishi Kumoneka?

Muze mutala chimwe chitemo chipema, tutongonoshi hanji mikanya ya kalunga-lwiji, shina wakumona yitanga ya Sakatanga? Yitangiwa yeswe yize yinatujingilika yakusolola yitanga ya Yehova yize kuyishi kumoneka. (Ro 1:20) Muze mutuchiza mashimbu hanga tupukune ha yitangiwa yize twakumona ni meso jetu, twakuhasa kumona ndundo ja Zambi, zango, mana, ululi, ni chize apwa chihanyi.—Sam 104:24.

Yitangiwa yikwo yika ya Yehova yize wakumona hita tangwa? Chipwe ngwe watwama mu mbonge yeswayo, kota wakumona tujila hanji mitondo. Kulihulikila ha yitangiwa ya Yehova, muchihasa kutukwasa kutepulula yipikalo yetu, mba tupwe nawa ni nyonga lialita hakutwala ku milonga yetu. Muchitukwasa nawa kufuliela ngwetu, Yehova kali ni ndundo ja kutufunga ku miaka yeswe. (Mat 6:25-32) Nyi uli ni ana, akwase hanga amone yitanga ya Yehova yalipwila. Muze mututala ni kulemesa yitangiwa yize yinatujingilika, muchitukwasa hanga tukundame kuli Sakatanga wetu.—Sam 8:3, 4.

TALA CHINEMA CHAKWAMBA NGWO, UKOMOKESO WA YITANGIWA WAKUSOLOLA UHENYA WA ZAMBI—MWALWA NI ULOMBO, MBA NUKUMBULULE YIHULA YINO:

• Kuchi ulombo wakutukwasa kumona kalisa wa yuma?

• Yika yakupeyimisa yuma?

• Mumu liaka twakumona ulombo walisa mwilu?

• Ulombo uka upema uze wakumona haze watwama?

• Mumu liaka twatamba kuchiza mashimbu hanga tutale yitangiwa ya Zambi?