MWONO WA AKWA-KRISTU

Solola Yitanga Yipema ni Vumbi Mba Uzuke Akwenu

Malunga anji kakulilongesa umwenemwene mumu lia yitanga yipema ya mapwo jo waze akwimbulula Yesu. Alioze chino muchihasa kumbata miaka yinji. (1Pe 2:21-23; 3:1, 2) Nyi kanakumwesa lamba, nunga ni kukumba yipi ha kulinga yipema. (Ro 12:21) Chipwe ngwe mukwenu-lunga kakulengulula yize wakuhanjika hakutwala kuli Yehova, alioze mahasa kwalumuna manyonga jenyi hakumona yitanga ye yipema.

Solola ngwo wakuvumbika manyonga a mukwenu-lunga. (Fwp 2:3, 4) Solola zango, nawa likolweze hanga ulinge milimo yeswe yize pwo atela kulinga ku zuwo lienyi. Solola ngwe, wakupanjika yize akwamba. (Tia 1:19) Pwako chimbovu, nawa solola ngwo wakumuzanga. Chipwe ngwe mukwenu-lunga keshi kulemesa yuma yeswe yipema yize wakumulingila, muhasa kuwahilila ha kunyingika ngwo, Yehova kakulemesa ushishiko we.—1Pe 2:19, 20.

TALENU CHINEMA CHAKWAMBA NGWO, YEHOVA KAKUTUKWASA KUMBATA YITELI YETU, MBA NUKUMBULULE YIHULA YINO:

Kuchi mwono wa Grace Li wapwile muze asombokele?
Yika yamukwashile kunyingika umwenemwene?
Kuchi ndumbu Li anyongonwene mu yihungumiona muze amupapachishile?
Yika ahanjikile mu yilemba hakutwala kuli lunga lienyi?
Yiwape yika ndumbu Li azukile ha yitanga yenyi yipema ni vumbi?

Umwe ndumbu wa pwo kanasongwela longeso lia Mbimbiliya kuli Grace Li; Grace kanalila; Grace ni ana jenyi kanakatuka ku restaurante kanayi ku kukunguluka; Grace ni usoko wenyi — Kusolola yitanga yipema ni vumbi chikwete ulemu unji!