YIKUMA YILEMU YA MU LIJI LIA ZAMBI | USOLWELO 4-6
Kuzomboka cha Akwa-Tuvwalu Awana
Yesu ‘katuhukile nikukumba’ muze ashile jita ni Satana ni andemoniu jenyi mu malilu ni kwanyasa hashi. Yesu machinunga ni kukumba, kashika anafungu ni kukwasa tuvumbi twenyi ha matangwa wano a kusula. Iye ‘makahwisa kukumba chenyi’ muze makahwisa kuzomboka cha tuvwalu atatu mu Armagedone ni lamba lieswe lize ayo akuneha.