Yika Muhasa Kulilongesa kuli Akwa-Kristu Waze Ajama?

Mu yikungulwila yetu muli mandumbu waze akuwayila Yehova ha miaka yinji. Kashika mutuhasa kulilongesa ha chize ayo akufuliela kuli Yehova. Nawa mutuhasa kwahula hakutwala ku ululikiso wa Yehova ni chize Yehova akwakwasa hanga akumbe yipikalo. Mutuhasa kusanyika umwe wa kuli mandumbu jacho ha uwayilo wetu wa mu usoko ni kumwita hanga atulweze yize apalikile ku mwono.

Nyi wakuwayila Yehova ha miaka yinji, lweza akweze chize Yehova akukukwasa ha miaka yeswayi. Yakomba ni Yosefwe kalwezele asoko jo yize Yehova alingile hali ayo. (Upu 48:21, 22; 50:24, 25) Kulutwe, Yehova yalweza miata eswe amu usoko mu Izalele hanga alongese ana jo hakutwala ku yitanga yenyi ya ndundo. (Shi 4:9, 10; Sam 78:4-7) Nyi musono nawa, yisemi ni mandumbu akwo mu chikungulwila mahasa kulweza akweze yuma yakukomwesa yize Yehova analingi mu ululikiso wenyi.

SOLOLA CHINEMA, KUPWA ALINUNGA MUZE MAKANJISA MULIMO WETU, MBA NUKUMBULULE YIHULA YINO:

• Kuchi mutango wa ku Áustria wakwashile mandumbu mu yimwe yifuchi muze akanjishile mulimo wetu?

• Yika mandumbu amu yifuchi yacho alingile mba anunge ni kukolesa ufulielo wo?

• Mumu liaka akwa-kwambujola anji mu Romênia ahichikile ululikiso wa Yehova, nawa yika alingile mba afune?

• Kuchi yilweza ya mandumbu wano yinakolesa ufulielo we?