YIKUMA YILEMU YA MU LIJI LIA ZAMBI | ULEVI 14–15

Twatamba Kulinanga mba Tuwayile Yehova

Mba tununge mu zango lia Zambi twatamba kulinanga mu yuma yeswe. Chino chinalumbunuka ngwo, twatamba kwononokena shimbi ja Yehova hakutwala kukulinanga ku mujimba, yitanga ni ku ufulielo, chipwe ngwe atu waze twatunga no keshi kukaula shimbi jino. Yetu kutushi kukwata ku chuma nichimwe chize Tata yetu wa mu malilu akumona ngwenyi cha luchisa.

Yizulie: Yizulie ya yuma ya luchisa ya hano hashi. 1. Umwe ngana wa yingeleja kanalembela maswalale. 2. Umwe ngana wa yingeleja wa pwo kanambachisa lunga ni lunga. 3. Chimwe chizulie cha kusemuka cha Yesu ni mitondo ya Natal ku lutwe lia limwe loja kuze kunapalika atu anji.

Kuchi kwehuka yitanga ya akwa hashi muchihasa kunguyukisa?