Utuswilo wa Kulutwe lia Matangwa—Ukwaso wa Zambi ni Kristu

Yika wakupinda nayo ha hita tangwa? Shina uli mwata wa mu usoko nawa unase tachi hanga ufunge kanawa usoko we? Shina wakulela ana ukawe nawa unase tachi hanga wafunge kanawa? Shina uli mukweze yoze akusosomba ku shikola? Shina unapinji ni umwe musongo hanji ushinakaji? Hita mutu kali ni yimwe yize akupinda nayo. Akwa-Kristu anji, kakupinda ni yipikalo yeka ni yeka. Alioze, tunanyingika ngwetu, kwasala hakehe hanga Yehova atutusule ku yipikalo yino.—2Ko 4:16-18.

Muze tunashimbwila tangwa liacho, mutuwahilila hakunyingika ngwetu, Yehova kakumona yipikalo yize twakupinda nayo, chikwo nawa kakuwahilila ha ushishiko ni kunyongonona chetu nawa makatwaha yiwape yinji. (Jer 29:11, 12) Yesu neye kakutuzanga chinji. Muze tunalingi kanawa mulimo wetu wa kwambujola sango jipema, tuli ni shindakenyo ha maliji waze Yesu ambile ngwenyi: “hamuwika ni yenu nguli.” (Mat 28:20) Nyi twapukuna ha utuswilo wa kulutwe lia matangwa uze mutukapwa nawo mu Wanangana wa Zambi, muchikolesa kutalatala chetu ni kunyongonona mu yipikalo yize tunapalika haliapwila.—Ro 8:19-21.

SOLOLA CHINEMA, MUZE CHIJIMBI CHINAKUNDAMA HULIKILENU MESO JENU HALI YESU!—YIWAPE YA WANANGANA, MBA NUKUMBULULE YIHULA YINO:

• Kuchi atu ahandunukine kuli Zambi, nawa yika yalingiwileko?

• Atu waze akushishika kuli Yehova yika anashimbwila yize muyikalingiwa ku lutwe lia matangwa?

• Kuchi muchihasa kupwa chashi mba tuzuke yiwape yacho?

• Yiwape yika mutukazuka mu chifuchi chaha yize wakuzanga?