Kumba Usolo Upi

Amu tuli yihenge, mashimbu eswe twatamba kusa tachi hanga twehuke usolo upi. Nyi twalinga yuma chamulingila, mutuhasa kutokesa usepa wetu ni Yehova. Chakutalilaho, atu amwe kakulemesa chinji kulia, mazalo ni yikumba kuhiana Zambi. Akwo kakwehuka shimbi ja Zambi hanga ahwise usolo wo wa kulisumbakenya ha kulinga utanji. (Ro 1:26, 27) Amwe kakwecha hanga apiangule kuli akwo alinge yuma yipi mumu kakuzanga kupwa ni utayizo wo.—Kut 23:2.

Kuchi mutuhasa kukumba usolo upi? Twatamba kusa tachi hanga tulihulikile ha yuma yize muyivwisa Yehova kuwaha. (Mat 4:4) Nawa twatamba kuliumba kuli Yehova hanga atukwase kukumba usolo wetu. Mumu liaka? Mumu iye kananyingika yize yakutunehena chiseke ni yize yakuyukisa usona wetu.—Sam 145:16.

SOLOLA CHINEMA, KANDA WECHA MAKANYA HANGA ANONGESE MWONO WE, MBA NUKUMBULULE YIHULA YINO:

• 

  Mumu liaka atu amwe akushipa makanya?

• 

  Yika makanya mahasa kulinga kuli mutu?

• 

  Mumu liaka kushipa makanya chipwe eletronico chili chipi?—2Ko 7:1

• 

  Kuchi mutuhasa kulituna makanya hanji kwecha lume?