5-11 MAIO

YISHIMA 12

Mwaso 101 ni Kulemba | Maliji Akuputuka No (1 min.)

YIKUMA YILEMU YA MU LIJI LIA ZAMBI

1. Twakuyuka Muze Twakuhondangana Chinji

(10 min.)

Kanda utokesa mashimbu ha kufupa yuma yamokomoko (Yis 12:11)

Hondangana chikolo, kanda upwa chileya (Yis 12:24; w16.06 30 ¶6)

Nyi wahondangana chinji, Zambi makakuwahisa (Yis 12:14)

Yizulie: Umwe ndumbu kanase tachi hanga alinge milimo ya ku musunya ni ya ku ufulielo. 1. Iye kanende ni yikwata yize akukalakala nayo. 2. Iye kanakalakala. 3. Kanakunguluka ni usoko wenyi. Iye ni mwanenyi wa pwo kanazundula moko hanga akumbulule. 4. Iye kanambujola kuli umwe lunga ku chihela kuze akulanjishila maji a mu mashinyi.

YIZE MUHASA KULINGA: Twakuyuka ha kuhondangana chetu muze twakunyonga ha chize mulimo wetu wakuyukisa akwetu.—Yi 20:35; w15 1/2 5 ¶4-6.

2. Kuhengwola Yikuma Yilemu ya mu Mbimbiliya

(10 min.)

Yi 12:16—Kuchi versu yino muyihasa kutukwasa kunyongonona muze tunapalika mu yipikalo? (ijwyp mutwe 95 ¶10-11)

Kumbululo
Yika walilongesa ha kutanga Mbimbiliya ha poso yino yize unazange kulianyina ni yetu?

Kumbululo

3. Kutanga Mbimbiliya

(4 min.) Yi 12:1-20 (th longeso 5)

LIKOLWEZE CHINJI MU MUNDA

4. Chize Muhasa Kuputuka Lusango

(2 min.) KWAMBUJOLA KU ZUWO NI ZUWO. (lmd longeso 1 chikuma 4)

5. Chize Muhasa Kuputuka Lusango

(3 min.) KWAMBUJOLA KU ZUWO NI ZUWO. Lweza mwenya-zuwo ngwe unazange kulilongesa nenyi Mbimbiliya. (lmd longeso 5 chikuma 4)

6. Kwasa Atu Azange Kukupanjika

(3 min.) KWAMBUJOLA CHA SUSUMUKU. Solwela site yetu jw.org kuli umwe chisemi. (lmd longeso 9 chikuma 3)

7. Lumbununa Ufulielo We

(3 min.) Chimweso. ijwfq chikuma 3—Mutwe: Shina Yela ja Yehova Kakunyonga Ngwo Ayo Wika e Ali Akwa-Kristu Amwenemwene? (lmd longeso 4 chikuma 3)

MWONO WA AKWA-KRISTU

Mwaso 21

8. Ni Ukwaso wa Yehova, Yena Muhasa Kunyongonona Chipwe Ngwe Unahono Mbongo

(15 min.) Shimutwina ni mbunga.

Shina unalipikala mumu chinapu chikalu kuli yena kuwana mulimo? Nyi hanji unevu woma wakutokesa mulimo we? Shina unalipikala ha chize muhasa kulikwasa ku mwono musono ni muze mushinakajiwa? Hano hashi yuma yinayi ni kukaliwa. Chipwe ngwe ha mashimbu amwe mutuhona mbongo, nihindu Yehova kanambe ngwenyi, nyi twamusa ha chihela chitangu ku mwono wetu, iye matukwasa.—Sam 46:1-3; 127:2; Mat 6:31-33.

Chizulie cha ha chinema “Yehova Kakutufunga.” Ndumbu Alvarado kanakwata kwoko lia mukwo-pwo muze analembe hamuwika ni usoko wenyi.

Solola CHINEMA Yehova Kakutufunga. Mba uhule mbunga chihula chino:

Yika walilongesa ha chilweza cha ndumbu Alvarado?

Kumbululo

Tanga 1 Timoteu 5:8. Mba uhule mbunga chihula chino:

Kuchi versu yino yinakwehe shindakenyo ngwe Yehova kakukwasa tuvumbi twenyi mashimbu eswe?

Kumbululo

Tutalenu yisoneko yimwe ya mu Mbimbiliya yize muyihasa kutukwasa nyi tunahono mbongo:

Pwako ni mwono washi. Kanda utambula mikuli chamutambwila, chipwe kulanda yuma yize kuwafupiwile.—Mat 6:22
Hakutwala ku mulimo ni shikola, kwata chiyulo chize muchikukwasa kusa mulimo wa Yehova ha chihela chitangu ku mwono we.—Fwp 1:9-11
Pwako mutu mwashi ni kulikehesa. Nyi ha mashimbu wano kuushi ni mulimo, muhasa kutayiza milimo yize atu amwe akulelesa hanga uhase kufunga asoko je.—Yis 14:23
Pwako chihanyi, chipwe ngwe kuushi ni yuma yinji.—Hep 13:16

9. Longeso lia Mbimbiliya lia Chikungulwila

(30 min.) bt kap. 26 ¶1-8, mishete ha mafwo 234, 238