Mutuhasa Kukumba Kole!

Nyi kanda, kota hiunamono umwe mapalika mu kapinda wacho. Sango jize twakutala hanji kwivwa, kanji-kanji jakusolola kole yize atu akwivwila akwo hanji kwamwesa lamba mumu lia kupwa yilambala, kupwa ni chikowa chalisa, chifuchi, hanji mumu lia kupwa lunga hanji pwo. Kashika, manguvulu anji musono, kanase shimbi jize jinakanjisa kulinga yuma yize muyisolola kole.

Kole yakukoka kole. Chakutalilaho, atu waze akumona lamba mumu lia kole, kanji-kanji, no kakufupa kufwetesa upi ha upi, kashika, kole yize akuvwila akwo yakununga.

Kota hiunapalika mu chuma ngwe, katonde, chipwe chocho, kole yinahiane yuma yeswe ayi. Mashimbu eswe twakwivwa-vwa sango ngwo, atu kalilamba, kalishiha ni kupihisa yuma mumu lia kole.

Kaposhi Wakutalila yono masolola chize mutuhasa kukumba kole, chikwo nawa makumbulula yihula yili mushi:

• Mumu liaka kuli kole yinji musono?

• Kuchi mutuhasa kukumba kole?

• Shina mukukapwa mashimbu waze kukuchi kapwa nawa kole?