Mushete Wa Yikuma

Yilakenyo yingahi hi unalingi kuli Yehova? Shina wakutwama kulita ni yilakenyo yacho? Kuchi mutwamba hakutwala ku chilakenyo cha kulihana che kuli Yehova ni cha ulo we? Mu mutwe uno, mutulilongesa yilweza yipema ya Jefeta ni Hana, chize amanunwine yilakenyo yo. Chino muchitukwasa hanga ni yetu tumanunune yilakenyo yize hi tunalingi kuli Zambi.

Kanji-kanji twakunyonga ha yize Yehova makatwaha mu Paraisu. Alioze mu mutwe uno, mutushimutwinamo yipikalo yiwana yize Yehova makachiza hanga anehe sambukila, ni chiseke hashi. Longeso lino mulitakamisa ufulielo wetu ni kupwa ni hamu lia kunyongonona.

Muze mutumona ngwetu kanatulingi yuma ya uhenge hanji mutumona umwe uhenge, ufulielo, kulikehesa, ni ushishiko wetu muuhasa kupwa mu cheseko. Mitwe yino muyishimutwina sango jitatu ja mu Mbimbiliya jize mujitukwasa hanga twimbulule ululi wa Yehova.

Chipwe ngwe Yehova keshi kufupa ni chimwe kuli yetu, iye kakuwahilila muze akumona tachi jize twakusa hanga tukwase wata wenyi. Mutulilongesa mu mukanda wa Akwa Kuyula kapitulu 4 ni 5 ngwo Yehova kakuwahilila ni mulimo uze twakumulingila ni mbunge yeswe ni kukaula usongwelo wenyi.