Mushete Wa Yikuma

Yika twatamba kulinga nyi mutunyonga ngwetu, kutushi kuhasa kukumba yipikalo yetu? Mu mutwe uno mutushimutwinamo chisoneko chetu cha mwaka 2018. Mutunyingika mumu liaka tunafupiwa tachi ja Yehova ni chize matwahajo.

Ha mwaka uno, Chiwanyino cha Kwiwuluka Kufwa cha Kristu muchikalingiwa Liasambata, ha 31 lia Kakweji wa Março 2018. Kuchi mutulianga kulilulieka hakutwala ku chiwanyino chacho? Yika mutuzukako hakupwaho? Nawa kuchi Chiwanyino chino chakukwasa kulinunga cha atu ja Zambi hashi heswe? Mutuwana makumbululo ha mutwe uno.

Yuma yeswe yili yambala ya Yehova. Alioze iye kanatwehe uhashi wakumufunyishinayo ha kuzachisa yize tulinayo hanga tukwase milimo yize analingi mu ululikiso wenyi. Mumu liaka? Yika twakuzukako muze mutuhalisa Yehova ni yikumba yetu ya ndando? Mutushimutwina yihula yino mu mutwe uno.

Mutwe utangu ha mitwe yino, muusolola chize uwahililo wamwenemwene wakwiza ha zango lize tukwete hali Zambi, alioze hi ku zango lia kuzo ko lize linasoloka chinji “ha matangwa akusula.” (2 Timoteu 3:1) Mutwe wamuchiali muulumbununa chize Yela ja Yehova alisa ni atu akwo.