Sango ja mu Mbimbiliya

Mikanda ya ha mafwo

Yehova Zambi kali ni ulite wa kuyula. Mutapu wa kuyula chenyi we walita. Upale wenyi hakutwala kuli atu ni hano hashi muukamanunuka.

Alama ni Eva kali mu munda wa Endene kapela kali hakamwihi ni ayo

Kulutwe lia mwaka 4026 K.M.J.

“Kapela” yahamika ulite ni mutapu wa kuyula cha Yehova. Yehova yalakenya umwe “munyachi” hanji “luchichi” yoze makawonda kapela, Satana. (Uputukilo 3:1-5, 15, tala nota ya mushi) Alioze, Yehova yahana mashimbu kuli atu hanga aliyule ene mushi lia chiyulo cha kapela.

1943 K.M.J.

Yehova yalweza Apalahama ngwenyi, “munyachi” alakenyene te muwiza kupalikila muli ana jenyi.—Uputukilo 22:18.

Kulutwe lia mwaka 1070 K.M.J.

Yehova yashindakenya kuli Mwanangana Ndawichi ni kuli mwanenyi Solomone ngwenyi, “munyachi” uze alakenyene te muwiza kupalikila mu usoko wo.—2 Samuele 7:12, 16; 1 Mianangana 9:3-5; Izaia 9:6, 7.

29 M.J.

Yehova yasolola ngwo Yesu mwe “munyachi” alakenyene, ni Swana wa ngunja ya Ndawichi.—A-Ngalashia 3:16. 3:16; Luka 1: 31-33; 3:21, 22.

33 M.J.

Kapela, mwe Satana, yasuma “munyachi” yoze alakenyene ha mashimbu akehe, muze atumine atu ashihe Yesu. Yehova yahindwisa Yesu hanga apwe ni mwono mu malilu ni kutayiza ndando ya chitapo cha mwono wenyi ungunu, chino yichazulula jila ya ukonekeno wa shili ni kuhana uhashi kuli ana ja Alama wa kupwa ni mwono wa mutolo.—Uputukilo 3:15; Yilinga 2:32-36; 1 A-Korindu 15:21, 22.

Kapela, Satana, yaputuka kuyula hashi ngwe chize alakenyene mu Usolwelo

Ha mwaka 1914 M.J.

Yesu yanyasa kapela, mwe Satana, hano hashi ni kumukwika ha “mashimbu akehe.”—Usolwelo 12:7-9, 12.

Yesu kali ha ngunja yenyi mu malilu alioze kanayulu hashi ngwe chize alakenyene mu Usolwele

Kulutwe lia matangwa

Yesu masa Satana mu zuwo lia ususu ha 1,000 ka miaka, mba makamunongesa. Che kwamba, makawonda mutwe wenyi. Ha chino, upale utangu wa Yehova hakutwala kuli atu ni hano hashi muumanunuka, jina lienyi mulipwa lisandu, kukuchi kupwa nawa yoze makahamika kuyula chenyi.—Usolwelo 20:1-3, 10; 21:3, 4.