Unazange Kunyingika Umwenemwene?

Umwenemwene waka? Hakutwala ha yihula yize yilemu atu akulinga. Yihula yacho ngwe ai yili mwishi amu:

• Chamuenemuene Zambi kakutuzanga?

• Jita ni lamba muli kahwa limwe tangwa?

• Ika yakupalika kuli yetwe muze hi twafa?

• Kuli ushimbwilo cha waze hanafu?

• Kuchi yami nguhasa kulemba mba angwive kuli Zambi?

• Kuchi nguhasa kupwa ni sambukila ku mwono?

Kuli muwana yikumbululo ya yihula ai? Nyi mwoya muma Mbimbilioteca ni mu mazuwo ja mikanda mukawana tununu twa mikanda yili ni yiningikiso yikwete yikumbululo. Yimwe ngwe yili ni kaliambila yimwe ni yikwo. Yimwe yinasoloka kupwa ni fundamentu ha ma shimbu jacho. Mba ha matangwa akwo muipalika hanji yichi kupwa ni ulemu hanji maisumbakenha.

Mba kuli mukanda umwe uli ni ulumbunwiso wa umwenemwene. Au we mukanda wa mwenemwene. Ha kulemba Yesu yamba kuli zambi: “Liji lie we umwenemwene”. (Yoano 17:17) Musono tunaningika ngwo liji lino ye Mbimbiliya-Mukanda usandu. Mu kachi ka mukanda uno muwana usolwelo washi wa yikumbululo ya umwenemwene ya yihula ai yili helu.

Chamwenemwene Zambi kakutuzanga?

MUMU LIAKA AKULILINGA YIHULA AI: Mumu twatwama hano hashi haato ni ungulungulu ni uhengwe. Ma ingueleja anji kakulongesa ngwo lamba lino tulinalio lili ngwe upale wa Zambi.

MBIMBILIYA YIKA YINALONGESA: Zambi keshi kuneha ungulungulo chipwe chipi. “Chipwe kusuku ni Zambi akalinge ungunlungulu, chipwe kusuku ni Mukwa-Ndundo-Jeswe akalinge chize chahenga!” Jo 34:10. Zambi kali ni upale wazango kuli atu. Keshika Yesu yatulongesa kulemba: “Tata uli mu malilu. . .Wanangana we wize. Upale we ulingiwe hashi chizechene ngwe unalingiwa mwilu.” (Mateu 6:9, 10) Zambi katuzanga, mba iye nawa hanakumbu ku upale weni. —Yoano 3:16.

Tala nawa Uputukilo 1:26-28; Tiangu 1:13; 1 Petulu 5:6, 7.

Jita ni lamba muli kahwa limwe tangwa?

MUMU LIAKA AKULILINGA YIHULA AI: Jita kwinanungo ni kukuwisa miono ya atu. Atu eswe hano hashi kutunamono lamba.

MBIMBILIYA YIKA YINALONGESA: Zambi kambile ku matangwa akunhima ngwo makaneha uhwimino hano hashi. Mwishi lia wanangana wenyi mu wanangana wa mwilu, atu “kechi kaningika nawa jita”. Alioze nawa “O makalumuna tutana two akapwe yikungo ya sharua.” (Izaia 2:4) Zambi makasulisa yuma yeswe yipi ni lamba. Mbimbiliya yinalakenha ngwo: “Zambi makakusumuna masoji eswe ku meso jo; ni kufa kuchichi kapwa ko nawa; kukuchi kapwa nawa kunhenganyana, chipwe miteto, chipwe yikola, ka: mumu yuma yitangu hiyinahu.”

Tala nawa Masamu 37:10, 11; 46:9; Mika 4:1-4.

Yika yakupalika kuli yetwe muze hi twafa?

MUMU LIAKA AKULILINGA YIHULA AI: Ma ingueleja anji a hashi kakulongesa ngwo chuma chili mu cachi lia mutu chishi kufa. Amwe kanataiza ngwo afu kakwonga atu waze ali ni mwono hamwe kanambe ngwo Zambi kakumwesa lamba lia mutolo hali atu waze akulinga yuma yipi.

MBIMBILIYA YIKA INALONGESA: Mutu muze hafa keshi nawa ni mwono, ni kumwe maya nawa kwakuhi. Mbimbiliya inambe: “Alioze afu kanyingikine nichimwe,” Chilumbununyi 9:5. afu keshi kwiuluka keshi kuningika chipwe keshi kwiva hanji kukwata, chipwe kukwasa waze ali ni mwono—Masamu 146:3, 4.

Tala nawa Uputukilo 3:19; Chilumbununyi 9:6, 10.

Kuli ushimbwilo cha waze hanafu?

MUMU LIAKA AKULILINGA YIHULA AI: Tunazange kutunga nawa, tunazange kuzuka mwono ni waze twa zanga. Tunazange nawa kumona asoko jetu waze hanafu.

MBIMBILIYA YIKA YINALONGESA: Unji wa atu waze hanafu makapwa kuhindwisa. Yesu yalakenha: “eswe ali mu mafuka. . .makatuhuka.” (Yoano 5:28, 29) Ha kutwala ha upale wa umwenemwene wa Zambi, atu waze makahinduka mu Ufe makatunga mu paraisu hano hashi. Achi chilakenho cha mu paraisu muchikaneha mwono upema ni mwono wamutolo kuli waze akwononoka. Mbimbiliya yinambe ngwo: “akwa ululi kumakazuka chifuchi; kumakatwamamo ku miaka ya mutolo.” —Masamu 37:29.

Tala nawa Jo 14:14, 15; Luka 7:11-17; Yilinga 24:15.

Kuchi yami nguhasa kulemba mba angwive kuli Zambi?

MUMU LIAKA AKULILINGA YIHULA AI: Kafa lume atu eswe a muma ngueleja kakulemba. Chipwe chize nihindu atu hanji anambe ngwo kulemba chami Zambi keshi kuchiva.

MBIMBILIYA YIKA YINALONGESA: Yesu yatulongesa ngweni kanda tuhilukila mwilemba. “Ha kulemba kanda nukakokojola chamokomoko.” (Mateu 6:7) ni tunazange ngwetu Zambi Eve yilemba yetu chatutamba kulemba chize iye anazange. Mba tulinge chize anazange chatutamba kuningika upale weni ni umwenemwene weswe ni kutaiza cheswe. 1 Yoano 5:14 inambe: “kachi mutwita chuma chimwe cha kulita ni upale wenyi, kachi matwiva.”

Tala nawa Masamu 65:2; Yoano 14:6, 14; 1 Yoano 3:22

Kuchi nguhasa kupwa ni sambukila ku mwono?

MUMU LIAKA AKULILINGA YIHULA AI: Atu anji ananhongo ngwo mbongo lufuma hanji kupema cheni muchimunehena uwahililo. Mba kupwa ni yuma yacho ai, kechi kuwana uwahililo.

MBIMBILIYA YIKA YINALONGESA: Yesu yaningikisa unjililo wa sambukila muze ambile ngweni: “Kawaha yiswale mu spiritu.” (Mateu 5:3) Umwenemwene wa sambukila muhasa kuuwana ni mulinga tachi jakulilongesa maliji ha Zambi ni upale weni hali yetwe. Umwenemwene wacho au mutuwana mu Mbimbiliya. Kuningika umwenemwene wacho au muuhasa kutukwasa kunhonga umwenemwene ulemu ni yize hiya umwenemwene ko. Mba tweche Umwenemwene wa mu Mbimbiliya mwihasa kutwendesa muma jila jetu ni yilinga yetu yize yatwala ku mwono wa ushindakenho.—Luka 11:28

Tala nawa Yishima 3:5, 6, 13-18; 1 Timoteu 6:9, 10.

Helu aha hanapo ngwe umwe usolwelo wa kutwala ha yikumbululo yize yili mu Mbimbiliya ha kutwala ha yihula yisambano. Unazange yimwe ikwo ngwe ai? Ni uli mu kachi ka waze ali. “Kawaha yiswale mu spiritu” chamwenemwene muzanga nawa. Muhasa kwiva usolo wa yihula yikwo nawa ngwe: ‘chamwenemwene Zambi kakutuzanga? mumu liaka iye wa kwecha yipi nilamba hali yetwe ha miaka yeswe yapalika? Kuchi mutuhasa kutwama ni mwono upema mukachi ka usoko?’ Mbimbiliya yinatwehe ukumbululo upema yuma yinji ni yinji iye twaningikine ha yihula yikwo.

Matangwa ano, atu anji analitunu kuhengwola Mbimbiliya. Kanaumono ngwe mukanda umwe ukulu hanji ukalu ni kuningika. Wazangile kutambula umwe ukwaso hanga uwane yikumbululo ya mu Mbimbiliya? Yela ja Yehova kakuhana yimwe yilongeso yali yize mwihasa kukukwasa.

Chitangu, mukanda “O Que a Biblia realmente Ensina?” wapwile kululinga hanga ukwase atu waze keshi kuhwima ni kuhondangana hanga ahengwole yikumbululo yashi ya mu Mbimbiliya ya yihula ya ushindakenho. Chiwanino cha muchali chili cha wana cha ulongeso cha mu Mbimbiliya. Uchi kufuta nichimwe sanika umwe chela cha Yehova watwama hakamuihi ni yena hanga akulongese Mbimbiliya ku zuwo lie, chipwe ha chinhela chikwo chize unazange ha phoso yeswayo unazange kuhachika ha kutwala ni kulilongesa Mbimbiliya ni yena. Tununu twa atu eswe hano hashi kanatambula ukwaso wa ulongeso wa chiwanino chino. Anji amwe haheta ni kuwahilila: “haawana umwenemwene!”.

Kushi upite niumwe ngwe au. Umwenemwene wa Mbimbiliya unatukulu ku woma ni ufulielo wa yuma yize yishi ni ushindakenho ni ufwatulo. Muutwaha ushimbwilo ni upale ni chiseke. Yesu yamba ngweni: “Kumunukanyingika umwenemwene, ni umwenemwene kumuukanutusula.”—Yoano 8:32.