Maliji Atangu a Chihanda 7

Chihanda chino chinahanjika hakutwala ku sango ja mwono wa Mwanangana Saulu ni Mwanangana Ndawichi, hakupalika cha miaka 80. Chitangu, Saulu kapwile mukwa-kulikehesa ni kuvwila Zambi woma, alioze ha shimbu likehe aye yalumuna yitanga yenyi ni kwehuka usongwelo wa Zambi. Yehova yalitunayo, hi kulutwe yasongwela Samuele hanga awayise Ndawichi hanga akahateko ngwe mwanangana mu Izalele. Mumu lia ukwa, Saulu yafupa kushiha Ndawichi ha yisuho yinji, alioze Ndawichi kakafunyishine upi ni upi. Mwana wa Saulu Jonata kanyingikine ngwenyi, Ndawichi te hanamusakula kulu kuli Yehova, chocho iye yashishika kuli Ndawichi. Ndawichi kalingile shili yinene, chipwe chocho kakehukile fumbo lia Yehova. Nyi uli chisemi, kwasa ana je hanga amone ulemu wakukwasa ululikiso wa Zambi mashimbu eswe.