LONGESO 15

Kuhanjika ni Ushindakenyo

1 A-Tesalonika 1:5

CHIKUMA CHILEMU: Hakuhanjika watamba kusolola ngwe ni yena wafuliela pundu ngwe, yuma unahanjika yamwenemwene nawa yili yilemu chinji.

Lilulieke kanawa. Lihitulule mu pande je ndo haze munyingikina kanawa yikuma yilemu ya pande je ni chize Mbimbiliya yinasolola ngwo yikuma yacho yili yamwenemwene. Eseka kulumbununa yikuma yacho mu maliji akehe nawa ashi. Shindakenya ha chize yikuma yacho muyihasa kukwasa waze anakupanjika. Lemba akwehe spiritu yisandu.

Lihitulwise mu pande je aku unahanjikina mwilu hanga ulijilise kanawa pande je, mba ukahase kujihanjika kanawa.
Zachisa maliji waze maheta atu ku mbunge. Kanda ufunyina-funyina maliji waze ali akusoneka ha mukanda, alioze zachisa maliji je. Maliji muzachisa katamba kusolola ngwo unanyingika kanawa yize unambe.
Hanjika ni mbunge ye yeswe. Hanjika ni liji lialita. Tala atu anakupanjika, nyi chalita kuchilinga ku chihela kuze nwatwama.

Kanda unyonga ngwe kuhanjika cha kalusu-lusu chize nawa chakukalisa yuma, che kuhanjika ni ushindakenyo. Chipwe muze muhanjika ni mbunge yeswe, nihindu kwasa mbunga ha kuhanjika kanawa hamwe ni zango.