Kuhanjika Yize Muyilumbunukina Atu

1 A-Korindu 14:9

CHIKUMA CHILEMU: Kwasa mbunga hanga amone ulumbunwiso wa yize unahanjika.

YIZE WATAMBA KULINGA:

• Lihitulwise chinji mu pande je. Nyingika kanawa pande je hanga uhase kujihanjika mujila yashi ha kuzachisa maliji ja yena mwene.

• Hanjika maliji akehe-akehe mujila yashi. Chipwe ngwe ha mashimbu amwe muhasa kwamba yuma yinji ha chisuho chimuwika, alioze watamba kuhanjika yikuma yilemu ha kuzachisa maliji akehe-akehe waze analumbunuka kanawa.

• Lumbununa maliji akalu. Kanda uzachisa chinji maliji waze atu anakupanjika kanyingikine kanawa. Nyi unazange kuzachisa liji likalu, hanji kuvuluka mutu asoneka mu Mbimbiliya, chipwe chimwe kwalula hanji mianda ya ku shakulu, ndo ulumbunune kanawa yuma yacho.