Longesa mu Jila Yashi

Yika Yesu Alingile?

CHINEMA: Yesu Yahana Chilweza cha Chize Tata Yetu Akutufunga

1. Tala CHINEMA, hanji kutanga Mateu 6:25-27. Mba nushimutwine yihula yino:

1. Chilweza chika Yesu ahanyine hanga asolole ngwenyi, Yehova kakulihulumba hali yetu?

2. Ha chuma chika chashi chize Yesu alihulikilile chipwe ngwe te kananyingika yuma yinji hakutwala kuli tujila? Mumu liaka yino yapwile jila yipema ya kulongeselamo?

Yika Mutuhasa Kulilongesa Hali Yesu?

2. Nyi twalongesa atu mu jila yashi, ayo makewuluka yuma yize twalongesa, chikwo nawa, malongeso jacho maakwata ku mbunge.

Imbulula Yesu

3. Kanda uhanjika chinji. Shimbu uhanjike yuma yeswe yize unanyingika hakutwala ku umwe lusango, lihulikile ha yikuma yize yili ha mukanda uze nunalilongesa. Muze muhula chihula, shimbwila ni uhomboloji weswe kumbululo lia longi ye. Nyi iye kanyingikine kumbululo hanji mamba yuma yize kuyalitele ni malongeso a mu Mbimbiliya, hula yihula yikwo yize muyimukwasa kunyingika kanawa yize analilongesa. Nyi yuma yize longi ye analilongesa muyimulumbunuka, yenu ha chikuma chikwo.

4. Zachisa yuma yize longi ye ananyingika kanawa hanga umukwase kuwana ulumbunwiso wa yuma yaha yize analilongesa. Chakutalilaho, muze kanda nuchiputuka longeso hakutwala ku uhindukilo, munuhasa kuhitulula ndambu yize longi alilongesele hakutwala kuli atu waze hanafu.

5. Zachisa kanawa yilweza. Shimbu kanda uzachisa chimwe chilweza, lihule ngwe:

1. ‘Shina chilweza chino chili chashi?’

2. ‘Shina chilweza chacho muchilumbunukina kanawa longi yami?’

3. ‘Shina muchikwasa longi yami kwiwuluka yikuma yilemu—nyi mewuluka wika chilweza chacho?’