Chikuma Chaha Chakuputuka Nacho Kwambujola

Kuputuka ha Janeiro 2016, kunyima lia Kaposhi wa Kutalila kwakwiza chikuma chinambe ngwo, “Yika Mbimbiliya Yakulongesa?” Achi chikuma chaha, kanachifwambwisa hanga chitukwase kuputuka kuhanjika ni atu ha yikuma ya Mbimbiliya. Chili ngwe chize twakuzachisa ha mafwo. Hali chihula ni kumbululo lia Chisoneko, ni amwe majili anawezelaho.

Shimutwinenu kanawa ha yikuma ya mu Mbimbiliya yakusongwela ku longeso lia Mbimbiliya. Tuzachisenu chikuma chino chaha hanga tukwase atu anji ali ni zala ku ufulielo.—Mat 5:6.

CHIZE MUTUZACHISA CHIKUMA CHAHA:

1. Hula mukwa-zuwo wivwe nyonga lienyi ha yihula yino

2. Mupanjike ni kumusakwilila ha kumbululo lienyi

3. Tanga chisoneko chili helu lia chikuma “Yize Mbimbiliya Yakulongesa” mba umuhule nyonga lienyi ha versu yacho. Nyi kali ni shimbu, nungenu ni kuhanjika, hanga uzachise chikuma chili helu chinambe ngwo, “Yika Mutuhasa Nawa Kulilongesa mu Mbimbiliya”?

4. Kuhana Kaposhi wa Kutalila

5. Litesenu hanga ukahiluke ni kuhanjika ha chihula chamuchaali