UTULIKILO WA MIKANDA HA INTERNET wa Watchtower

UTULIKILO WA MIKANDA HA INTERNET

mwb16 Abril lif. 3
Kukolweza ni Kutakamisa Akwetu ni Maliji a Umbovu

Mwono Wetu ni Mulimo Wetu—Mukanda Wakuzachisa ha Kukunguluka—2016

mwb16 Abril lif. 3

YIKUMA YILEMU YA MU LIJI LIA ZAMBI YOMBI | YOMBI 16-20

Kukolweza ni Kutakamisa Akwetu ni Maliji a Umbovu

Maliji a yoze wakuhana chiyulo kaatamba kukolweza akwo

16:4, 5

Yombi kapwile ni yinyengo yinji ku mbunge, kashika afupile akwa-kumukwasa ni kumukolweza
Masepa atatu ja Yombi kakahashile kwamba ni chimwe chuma hanga amulembejeke. Alioze, yamuliongela yuma yamahuza ni kumuvwisa kupiha ku mbunge

Maliji api a Bilidade kevwishile Yombi yinyengo ha lamba lienyi

19:2, 25

Yombi yeta ukwaso kuli Zambi—chipwe kufwa
Yombi yanyonga ha kutalatala cha uhindukilo mba yanyongonona ni ushishiko weswe

Elifaze

AKWA-KULIONGELA YOMBI

Elifaze:

Kota kapwile mukwa ku Temane mu chifuchi cha Endome. Temane kanayivuluka mu mukanda wa Jeremia 49:7 ngwo chishina cha mana ja A-Endome
Elifaze yoze kota wapwile mukulwana wa lufuma hakachi ka “akwa-kulembejeka” amahuza mwe waliangile kuhanjika. Yahanjika katatu keswe nawa mwe wahanjikile yuma yinji kuhana akwo aali.

Yuma yize amuliongelelele:

Yakekuna ungunu wa Yombi ni kwamba ngwo Zambi keshi kufuliela tuvumbi twenyi (Yombi 4, 5)
Yavuluka Yombi ngwo kali mukwa-kulengumuka, chingulungulu nawa ngwo keshi kuvwila Zambi woma (Yombi 15)
Yaliongela Yombi ngwo kali mukwa-chipululu ni uhenge nawa ngwo kali wamokomoko kumeso ja Zambi (Yombi 22)

Bilidade:

Wa ku munyachi wa Shuha. Iye kota te katwama ku ngenge ya Lwiji Ufrateze
Mwe wapwile wamuchiali kuhanjika. Kahanjikile katatu keswe alioze maliji jenyi kalemekene chinji Yombi kuhiana maliji ja Elifaze

Yuma yize amuliongelelele:

Yamba ngwenyi, ana ja Yombi kalingile shili yize yaanehenene kufwa, nawa ngwenyi Yombi kapwile chitanganyanyi (Yombi 8)
Yamba ngwenyi Yombi kapwile chivulumunyi (Yombi 18)
Yaliongela Yombi ngwenyi ufulielo wenyi wapwile wa mahuza (Yombi 25)

Zofare:

Ka-Nama, kota wa kusango ya Arabia
Iye wapwile wamuchitatu kuhanjika nawa maliji jenyi kapwile asasu chinji. Kahanjikile kaali wika

Yuma yize amuliongelelele:

Yaliongela Yombi ngwenyi kakuhanjika maliji amokomoko ni kumwamba hanga ambile yitanga yipi (Yombi 11)
Yamba ngwenyi Yombi kali mutu mupi yoze te wakuzanga yuma ya shili (Yombi 20)