Sakatanga Wetu wa Zango Kakulihulumba Hali Yetu

1. SAKATANGA WETU KAKUVUMBULA TANGWA

Shina muhasa kutwama hano hashi chakuhona pangu lia tangwa? Tangwa liakutuhwisa mwalwa uze wakukwasa mitondo kwima mafwo, yitemo, mihuko, mikeshi ni chichi. Nawa mitondo ya kunwa meya kukatuka ku miji ni kwatwala ku mafwo, mba hi meya jacho maya mu tetela kupalikila mu fuji.

2. SAKATANGA WETU KAKUNOKESA VULA

Rula yili chawana cha kuli Zambi chize chakukwasa hano hashi hanga heme mbuto yize twakulia. Zambi kakutwaha vula ni tungonde akwima mihuko yize yakutwaha kulia ni kutuvwisa kuwaha.

3. SAKATANGA WETU KAKUTWAHA KULIA NI MAZALO

Yisemi anji kakusa tachi hanga ahane kulia ni mazalo kuli asoko jo. Mbimbiliya yinambe ngwo: “Talenu tujila a mwilu, keshi kukuwa, keshi kucha, chipwe kukungila mu machila; alioze Tatenu wa mwilu kakuahoka. Yenu kunwaahianyine chikolo, nyi?”—Mateu 6:25, 26.

“Lilongesenu ku yitemo ya mu yambu, ngwe chize muyitatuka . . . ; hindu ngunambe kuli yenu ngwami, Chipwe [Mwanangana] Solomone mu uhenya wenyi weswe kazalile ngwe chimwe cha ku yitemo yino. Mba nyi Zambi chocho akujika mwambu wa mu yambu, . . . , hi shinaho ko chikolo yenu, nyi?”—Mateu 6:28-30.

Amu Zambi mahasa kutwaha kulia ni mazalo, kashika tuli ni shindakenyo ngwetu, iye nawa mahasa kutukwasa kuwana yuma yikwo yize mutufupiwa ku mwono. Nyi mutulinga upale wa Zambi, iye mahasa kuwahisa tachi jize tunase ha kulima, hanji kutukwasa kuwana mulimo uze muutukwasa kulanda yuma yize tunafupiwa.—Mateu 6:32, 33.

Chochene, muze twakupukuna ha tangwa, vula, tujila ni yitemo, chakutukwasa kuzanga Zambi. Mutwe muusulaho, muulumbununa chize Sakatanga wetu akuhanjika ni atu.