Yize Mutulilongesa ha Mukanda wa Yona

Mu Liji lienyi, Yehova hanafungu sango ja malunga ni mapwo ashishika hanga atulongese malongeso alemu. (Ro 15:4) Yika walilongesa ha mukanda wa Yona? Tala chinema Uwayilo wa mu Usoko: Yona—Kulilongesa ha keke ya Yehova, mba ukumbulule yihula yino:

• Ngwe chize twamona ha chinema, kapalia muka akwa-kwambujola atatu apwa nenyi?

• Kuchi mukanda wa Yona muuhasa kututakamisa nyi hanatwehe fumbo hanji twatokesa yiteli yetu? (1Sa 16:7; Yon 3:1, 2).

• Kuchi sango hakutwala kuli Yona mujitukwasa kupwa ni manyonga apema hakutwala ku yihela yize twakwambulwila? (Yon 4:11; Mat 5:7)

• Kuchi sango hakutwala kuli Yona mujitutakamisa nyi mutupwa ni yikola ya luzeza? (Yon 2:1, 2, 7, 9)

• Yika walilongesa ha chinema chino hakutwala ku ulemu wa kutanga Mbimbiliya ni kupukuna?