“Lemesa Tatenu ni Noko”

Muze Yesu apwile hano hashi, kashindakenyene chinji ha shimbi yino: “Lemesa tatenu ni noko.” (Kut 20:12; Mat 15:4) Yesu kashindakenyene ha chikuma chino, mumu ha ukweze wenyi te ‘kakuzeyela’ yisemi jenyi. (Lu 2:51) Muze te kwasala hakehe afwe, iye yasa shindakenyo ngwenyi, muze naye masala te mamufunga kanawa.—Yo 19:26, 27.

Ni musono nawa, akweze akwa-Kristu kakwononokena yisemi jo, nawa kakuhanjika no ni vumbi, ni kwalemesa. Kwamba pundu shimbi yakulemesa yisemi jetu kuyishi songo. Chipwe muze yisemi jetu mapwa tushinakaji, twatamba kununga ni kwaalemesa ni kuyuka ku mana jo. (Yis 23:22) Nawa twakulemesa yisemi jetu tushinakaji ha kwafunga kanawa ku musunya ni kwalanjila yize anahono. (1Ti 5:8) Chipwe ngwe, tuli akweze hanji makulwana, kulivwashana kanawa ni yisemi jetu yili jila yakusolwelamo ngwo tunaalemesa.

TALA CHINEMA CHA YIZULIE CHINAMBE NGWO, KUCHI MUNGUHASA KULIVWASHANA NI YISEMI JAMI? MBA NUKUMBULULE YIHULA YINO:

• Mumu liaka yena muhasa kumona ngwe chili chikalu kuhanjika ni yisemi je?

• Kuchi yena muhasa kulemesa yisemi je ha kuhanjika no?

  

• Mumu liaka chili chilemu kulikolweza hanga uhanjike ni yisemi je? (Yis 15:22)