Kuwahisa Uhashi Wetu wa Kwambujola

MUMU LIAKA CHILI CHILEMU: Kululieka longeso lia Mbimbiliya muchihasa kukwasa longi kunyingika kanawa ni kwiwuluka yuma yize tunamulongesa. Nyi kanyingikine kanawa nawa kewulukile yize analilongesa, chino muchihasa kumukwika kukola mu ufulielo. Chipwe muze hamupapachisa, iye katamba kululieka malongeso a kukunguluka ni a mu munda mba ahase kununga ni ‘kulawoka.’ (Mat 25:13) Kashika, nyi manyingika chize atamba kulilongesa, mapwa ni ndako yipema yakulilongesa, chino muchimuyukisa ku mwono wenyi. Chize kuuputukilo twatamba kukwasa alongi jetu hanga apwe ni ndako ya kululieka longeso lia Mbimbiliya.

CHIZE TWATAMBA KULINGA:

• 

  Pwako chilweza chipema. (Ro 2:21) Ha kululieka longeso nyonga chize mukwasa longi we. (km 11/15 3) Mulweze chize wakufunjeka mukanda we

• 

  Mukolweze hanga alulieke. Chize ha uputukilo wa longeso, mulweze ngwe kululieka longeo lia Mbimbiliya chili chilemu, nawa mulweze yiwape yize mapwa nayo nyi machilinga. Mukwase kunyingika chize mahasa kuwana mashimbu akululieka longeso lienyi. Akwa-kwambujola amwe kakuhana mukanda wo wakufunjeka kuli longi muze analilongesa hanga akwase longi kumona ulemu wa kululieka. Nyi malulieka mukanda wenyi, muchichimieke

• Chize ha uputukilo, akwa-kwambujola amwe kakuchiza kapitulu umuwika hanga alweze longi wenyi chize atamba kululieka longeso