Chipwe ngwe Chizomboka chalisa ni Chiwanyino cha Kwiwuluka Kufwa cha Yesu, nihindu yuma yimwe yize te akuzachisa ha Chizomboka yili ni ulumbunwiso kuli yetu. Chakutalilaho, postolo Paulu kasanyikine Yesu ngwenyi, “mulambu wetu wa Chizomboka.” (1Ko 5:7) Chizechene ngwe manyinga a mwana-panga asele ha yikolo alamwinyine mwono wa atu ku mashimbu akunyima, manyinga a Yesu makalamwina atu anji. (Kut 12:12, 13) Chikwo nawa, ha mashimbu a Chizomboka mwana-panga te keshi kumumakuna yifwaha. Chizechene nawa, Yesu kakamumakwine yifwaha, chipwe ngwe je ndako apwile nayo ha mashimbu jacho.—Kut 12:46; Yo 19:31-33, 36.