MWONO WA AKWA-KRISTU
Kwambujola ni Kulongesa—Chili Chilemu Hanga Tutayise Tumbaji
Yesu katumine tumbaji jenyi hanga aye ni kutayisa tumbaji. (Mat 28:19) Achi chakufupiwa kwambujola ni kulongesa. Ha mashimbu amwe twatamba kulihula ngwetu, ‘Kuchi munguhasa kulilulieka ha mulimo uno wa kutayisa tumbaji?’
KWAMBUJOLA
Shimbu tushimbwile atu eze kuli yetu, twatamba kufupa waze ‘anatela.’ (Mat 10:11) Muze twakuya mu munda, shina twakupwa ni uhashi wakuhanjika ni atu waze twakuwana? (Yi 17:17) Lidia kapwile kambaji hamukunda wa tachi jize postolo Paulu asele mu mulimo wa kwambujola.—Yi 16:13-15.
“Kuwa mbuto ye ha chimene, ni ha chingoloshi kanda ulitwamina” (Chi 11:6)
TALA CHINEMA CHAKWAMBA NGWO, NUNGENU NI KWAMBUJOLA CHAKUHONA ‘KULITWAMINA’—KWAMBUJOLA CHA SUSUMUKU NI KU ZUWO NI ZUWO, MBA NUKUMBULULE YIHULA YINO:
Kuchi Samuele asolwele ku mwono wenyi ngwenyi, kanatumbu mbuto ja umwenemwene?
Mumu liaka twatamba kunyongonona mu mitapu yeswe ya kwambulwilamo?
Iya muhasa kwambulwila sango ja Wanangana ku mulimo we?
KULONGESA
Kutayisa tumbaji hi kuhichika wika ko mikanda kuli atu. Kashika, twatamba kufuna ni kwameneka ni kwalongesa mba twakwase akole ku ufulielo. (1Ko 3:6-9) Mba yika mutulinga nyi kutwayukile ha tachi jize twakusa ha kulongesa atu sango jipema ja Wanangana? (Mat 13:19-22) Twatamba kununga ni kufupa atu waze ali ni mbunge ngwe “mavu apema.”—Mat 13:23; Yi 13:48.
“Ami natumbile, Apolu wahinjilile; alioze Zambi watatwishile.” (1Ko 3:6)
TALA CHINEMA CHAKWAMBA NGWO, NUNGA NI KWAMBUJOLA CHAKUHONA ‘KULITWAMINA’—HA MBUNGA NI KUTAYISA TUMBAJI, MBA NUKUMBULULE YIHULA YINO:
Kuchi Solomone ni Maria atumbile mbuto ja umwenemwene mu mbunge ya Ezekiele ni Abigaile?
Nyonga lika twatamba kupwa nalio muze tunambujola mu mitapu yeswe?
Kuchi muuhasa kushindakenya ha yikuma muze unalongesa umwenemwene kuli akwenu?