YIKUMA YILEMU YA MU LIJI LIA ZAMBI | LUKA 8-9
Mba Tukaule Yesu—Yika Twatamba Kulinga?
Njimi mba alinge mihanga yinoloka katambile kutala ku tenga hanji kulaluka ni yuma yize yili kusesa lienyi. Chizechene nawa mukwa-Kristu katambile kulaluka ni yuma ya hano hashi yize hanahichika kunyima.—Fwp 3:13.
Nyi tunapinji ni yipikalo, muchihasa kupwa chashi kunyonga ngwo mashimbu akunyima kapwile apema, kuhiana wano tuli mu umwenemwene. Ha chino, mutuhasa kunyonga wika ha chiseke, ni kuvulama yipikalo yize twapwile nayo ku mashimbu akunyima. Ye yize A-Izalele alingile muze atuhukile mu Engitu. (Kwa 11:5, 6) Nyi twanunga ni manyonga wano, muchipwa chashi kutupiangula hanga tuhilukile mwono uze twapwile nawo ku mashimbu akunyima. Chili chilemu kuwahilila ha yiwape yize tulinayo haliapwila, ni kulihulikila ha chiseke chize mutukapwa nacho mu Wanangana wa Zambi!—2Ko 4:16-18.