YIKUMA YILEMU YA MU LIJI LIA ZAMBI | TITU 1–FWILIMU
“Kutongola Makulwana a mu Chikungulwila”
Paulu kalwezele Titu hanga atongole “makulwana mu membo.” Musono tulayi a mambonge kakukaula usongwelo uno muze akutongola makulwana a mu yikungulwila.
CHIZAVU CHA TUSONGO
Ngwe chize te akulinga ku sekulu yitangu, musono Chizavu cha Tusongo chakuhana kuli tulayi a mambonge chiteli cha kutongola makulwana a yikungulwila ni tuvumbi.
TULAYI A MAMBONGE
Hita kalayi wa mbonge katamba kuhengwola kanawa ni kulemba chinji hakutwala ku sango jize makulwana a mu chikungulwila mamwaha, mba atongole malunga ajama waze mafunga yikungulwila.
MAKULWANA A MU CHIKUNGULWILA
Mandumbu wano katamba kununga ni kukaula shimbi ja mu Mbimbiliya, chipwe muze mapwa makulwana a mu chikungulwila.