Yehova Kechi Kuvulama Milimo Yipema Yize Wakulinga

Atu ja Yehova eswe mahasa kulinga yuma yipema yize Zambi makewuluka ku miaka yeswe. Chizechene ngwe chisemi yoze wakuzanga mwanenyi kechi kuvulama yuma yipema yize mwana akulinga, ni Yehova neye kechi kuvulama milimo ni zango lize twakusolola ha jina lienyi. (Mat 6:20; Hep 6:10) Chipwe ngwe mutu ni mutu kali ni uhashi walisa, alioze nyi twalihana chinji mu mulimo wa Yehova kulita ni uhashi wetu, mutuwahilila. (Nga 6:4; Kol 3:23) Ha miaka yinji, mandumbu anji kakukalakala ku Mbetele. Shina yena muuhasa kulihana hanga ukwase mulimo wa ku Mbetele? Nyi ka, shina muhasa kukolweza umwe ndumbu hanga achilinge? Shina muhasa kukwasa mandumbu waze akukalakala ku Mbetele hanga anunge mu mulimo uno walipwila?

TALENU CHINEMA CHAKWAMBA NGWO, LIHANE HANGA UKALAKALE KU MBETELE, MBA NUKUMBULULE YIHULA YINO:

• Nyonga lika twatamba kupwa nalio nyi tunazange kukalakala ku Mbetele?

• Yuma yika ambile amwe mandumbu hakutwala ku yiwape yize yakwiza ha kukalakala ku Mbetele?

• Yika watamba kulinga mba ukalakale ku Mbetele?

• Kuchi muhasa kulihana chinji hanga ukalakale ku Mbetele?