“Nyongenu ha Yino Yuma”

Yuma yika yenayo? Mukanda wa A-Fwilipu 4:8 unatukolweza hanga tunyonge ha yuma yamwenemwene, kuyishi lwelia, ya ululi, yitoma, ya lufuma mupema. Alioze, chino kuchishi kulumbunuka ngwo mukwa-Kristu katamba kunyonga mashimbu eswe yuma ya mu Mbimbiliya. Chipwe chocho, yuma yize twakupukuna yatamba kuvwisa Yehova kuwaha. Kutwatambile kunyonga ha yuma yize muyipihisa ushishiko wetu.—Sam 19:14.

Chili chikalu chinji kwehuka manyonga api. Twatamba kulikolweza hanga twehuke manyonga a uhenge ni miheto ya Satana, mwe “zambi ya mwakono.” (2Ko 4:4) Amu Satana mwe unayulu hano hashi, kashika kunasoloka yuma yinji yipi ha televisão, ha internet, ni mu yisaji. Kashika twatamba kukanyama chinji ha kusakula yuma yize mututala hanji mutupanjika, mumu yuma yacho muyihasa kupihisa mbunge ni yitanga yetu.—Tia 1:14, 15.

TALENU CHINEMA CHAKWAMBA NGWO, EHUKENU YIZE MUYIHASA KUPIHISA USHISHIKO WETU—KULINGA YUMA YA LUCHISA, MBA NUSHIMUTWINE YIHULA YINO:

• 

  Yuma yika yize ndumbu te anatale ha telefone, nawa kuchi yino yinakwata ha mwono wenyi?

• 

  Kuchi mukanda wa A-Ngalashia 6:7, 8 ni Samu 119:37 wa mukwashile?