Kuwahisa Uhashi Wetu wa Kwambujola—Ambujola Kuli Tupuputa

MUMU LIAKA CHILI CHILEMU: Mumu tupuputa anji keshi kulivwa kanawa kuhanjika ni atu waze kanyingikine. Kashika, twatamba kusa tachi hanga twafupe ni kwambulwila sango lipema. Yehova kakusolola zango ni kulihulumba hali tupuputa. (Lev 19:14) Mutuhasa kwimbulula Yehova, ha kukwasa tupuputa hanga amunyingike.

YIZE TWATAMBA KULINGA:

• ‘Tufupenu’ tupuputa kuze atwama. (Mat 10:11; MW 1991.) Shina unanyingika umwe yoze ukwete usoko kapuputa? Shina mu ngiza yenu, muli shikola hanji ululikiso ukwo uze wa kukwasa tupuputa kuze mahasa kutayiza mikanda ya tupuputa yize tukwete?

• Tusololenu zango kuli tupuputa. Nyi musolola zango kuli kapuputa, chino muchimukwasa hanga alivwe kanawa muze unahanjika nenyi. Muze unahanjika ni kapuputa putuka lusango ha kuzachisa yuma yize akuzanga mu ngiza yenu.

• Tukwasenu tupuputa hanga anyingike Yehova. Mba akwase tupuputa hanji waze keshi kumona kanawa, ululikiso wa Yehova wa kutuhwisa mikanda mu mitapu yeka ni yeka. Hula kuli kapuputa mutapu wa mikanda yize anazange kulilongesa. Kalayi wa mulimo katamba kusa shindakenyo ngwo, kavumbi wa mikanda keta mikanda yize yinafupiwa kuli hita kapuputa.