Mana ngu, Mumu Songo Linakundama

MUMU LIAKA CHILI CHILEMU: Kwasala hakehe mukulingiwa yuma yize mutukafupiwa hamu ni kufuliela muli Yehova kuhiana ku mashimbu akunyima. Luyinda munene makaputuka ha kunongesa uwayilo weswe wa mahuza. (Mat 24:21; Uso 17:16, 17) Ha mashimbu jacho, muchikafupiwa kwambujola sango ja upatwilo. (Uso 16:21) Ngoke wa Mangoke, makalukukila atu ja Zambi. (Eze 38:10-12, 14-16) Mba apulwile atu jenyi, Yehova makaneha “jita ya tangwa linene lia Zambi Mukwa-Ndundo-Jeswe.” (Uso 16:14, 16) Mba tusolole hamu ha yuma yacho tunafupiwa kumana ngu, muze ufulielo wetu muupwa mu cheseko.

YIZE WATAMBA KULINGA:

• Solola hamu ha kukalila shimbi ja Yehova.—Iza 5:20

• Nunga ni kukunguluka hamwe ni mandumbu je amu ufulielo.—Hep 10:24, 25

• Kaula ni kawashi usongwelo wa mu ululikiso wa Yehova.—Hep 13:17

• Pukuna ha chize Yehova alamwinyine atu jenyi ku mashimbu akunyima.—2Pe 2:9

• Lemba kuli Yehova nawa jikijila muli iye.—Sam 112:7, 8

SOLOLA CHINEMA, YUMA YIZE MUYIKALINGIWA KULUTWE MUYIKAFUPIWA HAMU—CHIHANDA, MBA NUKUMBULULE YIHULA YINO:

• 

  Kuchi kwononoka cha mandumbu amwe chapwile mu cheseko muze chikungulwila cho chalihandunwine?

• 

  Kuchi kwononoka chakutukwasa kupwa ni hamu?

• 

  Mumu liaka mutukafupiwa hamu muze jita ya Armagedone muyiza?

• 

  Lusango muka wa Mbimbiliya yoze matukwasa kukolesa ufulielo wetu muli Yehova ngwo makatulamwina?—2Sg 20:1-24