Halisa Yehova ha Kukalakala Ngwe Pionelu

A-Izalele kamwene yuma yinji yize yaatwalile hanga ahalise Yehova. Iye kaachijile mu Engitu, ni kwapulwila ku moko ja tujita twa Falau! (Kut 15:1, 2) Yehova kananungu ni kulingila atu jenyi yuma yipema. Kuchi mutuhasa kusolola usakwililo wetu ha yize yeswe Yehova akutulingila?—Sam 116:12.

Jila yimwe yakuchilingila, yili kupwa pionelu wa shimbu likehe hanji wa shimbu lieswe. Muhasa kulemba hanga upwe ni zango hamwe ni tachi ja kukalakala ngwe pionelu. (Fwp 2:13) Mandumbu anji kakuputuka kukalakala ngwe mapionelu a shimbu likehe. Muze muputuka kukalakala ngwe pionelu wa shimbu likehe, yena muhasa kusakula kulinga maola 30 hanji 50 mu mulimo wa kwambujola ha tukweji a Março ni Abril, ni ha shimbu lize kalayi wa mbonge mameneka chikungulwila chenu. Muze muwana uwahililo mu upionelu wa shimbu likehe, mba muhasa kukalakala ngwe pionelu wa shimbu lieswe. Chipwe waze akukalakala mashimbu eswe ku mulimo wo wa musunya hanji waze ali ni misongo, eswe mahasa kukalakala ngwe mapionelu a shimbu lieswe. (mwb16.07 8) Chochene, Yehova kakulemesa tachi jize twakusa hanga tumuhalise!—1Sg 16:25.

SOLOLA CHINEMA, MAPANGI ATATU A KU MONGOLIA, MBA NUKUMBULULE YIHULA YINO:

• 

  Kapinda muka mapangi wano akumbile mba aputuke mulimo wa upionelu?

• 

  Yiwape yika yize ayo awana?

• 

  Uhashi uka ayo ali nawo mu mulimo wa Yehova mumu lia kupwa mapionelu a shimbu lieswe?

• 

  Kuchi chilweza cho chakwashile akwo?