Kanda Umwanga Sango ja Mahuza

Musono, sango mahasa kujimwanga kawashiwashi ni kuheta kuli atu anji kupalikila mu yisaji, TV ni Internet. Atu waze akuwayila “Zambi ya umwenemwene,” keshi kuzanga kumwanga sango ja mahuza chipwe hakehe. (Sam 31:5; Kut 23:1) Kumwanga sango ja mahuza, muchihasa kupihisa yuma yinji. Nyi muzanga kunyingika umwenemwene wa sango wevwa, lihule ngwe:

• ‘Shina sango jino jinakatuka kuli mutu yoze wakuhanjika umwenemwene?’ Mutu mahasa kwambulula sango jize kanyingikine kanawa. Sango jakwalumwoka muze maliambulwila-ambulwila jo, kashika watamba kukeya nyi kuwanyingikine kanawa kuze jinakatuka. Sango jize mandumbu ali ni yiteli mu chikungulwila akwamba, kakujivumbika chinji, kashika katamba kupwa ni shindakenyo shimbu kanda achamba jimwe sango

• ‘Shina sango jacho jili ja kupihisa lufuma wa mutu?’ Nyi sango wevwa mujihasa kupihisa lufuma wa mutu hanji wa chimwe chizavu cha atu, kanda ujambulula kuli atu eka.—Yis 18:8; Fwp 4:8

• ‘Shina sango jacho jili jamwenemwene?’ Watamba kuhwima mbunge nyi muwivwa ngwe sango anakulweze kanajiyemesa wika

TALENU CHINEMA, KUCHI MUNGUHASA KWEHUKA KUYENGAYENGA AKWETU? MBA NUKUMBULULE YIHULA YINO:

• 

  Kulita ni mukanda wa Yishima 12:18, upi uka maliji mahasa kuneha?

• 

  Kuchi mukanda wa A-Fwilipu 2:4 unatukwase kuhanjika yuma yize yinalite hakutwala kuli akwetu?

• 

  Yika twatamba kulinga nyi akwetu tunashikama no maputuka kuyenga umwe mutu?

• 

  Yihula yika twatamba kulihula shimbu kanda tuchihanjika hakutwala kuli akwetu?