MWONO WA AKWA-KRISTU
Akweze, Shina Nuli ni Usepa Ukolo ni Yehova?
Yitanga yika wakuzanga sepa lie apwe nayo? Kota wakuzanga chinji sepa yoze ukwete ushishiko, upeme, ni mbunge ya kuhana. Yehova kakusolola yitanga yeswe ayi. (Kut 34:6; Yi 14:17) Muze wa kulemba, iye kakupanjika yilemba ye. Kakukukwasa mashimbu eswe muze wakufupa ukwaso wenyi. (Sam 18:19, 35) Kakukukonekena muze wakuhengesa. (1Yo 1:9) Yehova kali sepa mupema chinji!
Kuchi muhasa kupwa sepa lia Yehova? Lilongese hakutwala kuli iye ha kutanga Liji lienyi. Mujikijile. (Sam 62:8; 142:2) Solola mu yitanga ngwe, wakulemesa yuma yeswe yize Yehova akulemesa, ngwe, Mwanenyi, Wanangana wenyi, ni yilakenyo yenyi ya kulutwe lia matangwa. Hanjika ni akwenu hakutwala kuli iye. (Shi 32:3) Nyi musa tachi hanga ukolese usepa we ni Yehova, iye mapwa sepa lie ku miaka yeswe.—Sam 73:25, 26, 28.
TALENU CHINEMA, AKWEZE—“PANJIKENU NUKAMBE NGWENU, YEHOVA IYE MUPEMA,” MBA NUSHIMUTWINE NI MBUNGA YIHULA YINO:
Kuchi muhasa kulilulieka hanga ulihane ni kukupapachisa?
Kuchi akwenu mahasa kukukwasa mu chikungulwila hanga uwayile Yehova?
Kuchi mulimo wa kwambujola wakukolesa usepa we ni Yehova?
Usepa we ni Yehova muuhasa kununga ku miaka yeswe!
Mulimo uka unazange kulinga mu ululikiso wa Yehova?
Yitanga ya Yehova yika yize wakuzanga chinji?