Shina Hiunanyongo Kama Kuya ku Shikola ya Akwa-Kwambujola Wanangana?

Shina uli ni miaka 23 hanji 65 nawa uli mu mulimo wa shimbu lieswe? Shina uli ni tachi nawa muhasa kuya ni kwambujola kuze kunafupiwa chinji akwa-kwambujola? Nyi wakumbulula yihula yino ngwo ewa, shina hiunanyongo kama kuya ku Shikola ya Akwa-Kwambujola Wanangana? Chize muze shikola yino yaputukile, mandumbu anji waze hanambata ni twamishi hanatumu petição. Kwamba pundu, tunafupiwa chinji mandumbu waze ali twamishi hanga aye ku shikola yacho. Lemba kuli Yehova hanga akwehe mbunge ya kumuvwisa kuwaha ni ya kwimbulula mwanenyi. (Sam 40:8; Mat 20:28; Hep 10:7) Hanyima, fupa mulali wa kutepulula yimwe yuma ku mwono we hanga upwe ni uhashi wa kuya ku shikola yacho.

Milimo yika akulinga mandumbu waze hanatambula fumbo ku Shikola ya Zambi? Amwe hanatumu hanga aye ni kwambujola ku yihela kuze akuhanjika malimi eka, hanji ngwe pionelu wa shimbu lieswe. Akwo, kulutwe kakwatuma hanga akalakale ngwe tulayi waze akusalakana akwo, tulayi amambonge hanji mishionaliu. Nyonga ha yize muhasa kulinga mu mulimo wa Yehova, nawa pwako ngwe profeta Izaia yoze wambile ngwenyi: “Yami uno; ngutume kama yami.”—Iza 6:8.

TALENU CHINEMA, MISHIONALIU WAZE ALI MU MUNDA—AKWA MILIMO KANACHI, MBA NUSHIMUTWINE NI MBUNGA YIHULA YINO:

• 

  Kuchi akusakula Mishionaliu waze akutuma mu munda?

• 

  Mulimo uka upema uze mishionaliu akulinga mu munda?

• 

  Yiwape yika akutambula mandumbu waze akukalakala ngwe mishinaliu?