Yisemi Longesenu Ana Jenu Umwenemwene

Twatwama hashi haze akusolola yuma yipema ngwe yipi, yipi ngwe yipema. (Iza 5:20) Chaluyinda, atu anji kakulinga yuma yize Yehova akwivwila lwanji, ngwe kulisumbakenya cha lunga ni lunga hanji pwo ni pwo. Alongi a ku shikola hanji atu-akwo, mahasa kushinjila ana jetu hanga embulule yitanga yo yipi. Kuchi muhasa kukwasa ana je hanga akumbe kanawa yeseko yacho?

Longesenu ana jenu umwenemwene wa mu shimbi ja Yehova. (Lev 18:3) Munuhasa kwalongesa yize Mbimbiliya yinambe hakutwala ku kulisumbakenya kulita ni miaka yo. (Shi 6:7) Lihule ngwe: Shina hingunalongesa ana jami ha chize mahasa kusolwela akwo zango mu jila yalita, ulemu wa kuzala mazalo alita ni chize akwo atamba kuvumbika ulite wo hakutwala ku mujimba wo? Shina ana jami kananyingika yize malinga nyi mutu meseka kwasolwela yizulie ya sonyi hanji kweta alinge yuma yize Yehova keshi kuzanga? Chinyingi chize hiunaalongesa muchihasa kwakwasa hanga ehuke milonga yinji ku mwono wo. (Yis 27:12; Chi 7:12) Muze mufumba ana je, musolola zango ha chihinga chilemu chize Yehova akwehele.—Sam 127:3.

SOLOLA CHINEMA, TUNGENU ZUWO LIZE MULIKANYONGONONA—HA KUFUNGA ANA JETU KU “YUMA YIPI,” MBA NUKUMBULULE YIHULA YINO:

• 

  Mumu liaka atu amwe akwivwa sonyi ja kulongesa ana jo hakutwala ku kulisumbukenya?

• 

  Mumu liaka yisemi atamba kufumba ana jo kulita ni ‘kukanyamisa cha Yehova’?—Efw 6:4

• 

  Yika ululikiso wa Yehova wakutuhwisa hanga yikwase yisemi kulongesa ana jo hakutwala ku kulisumbakenya?—w19.05 12, mushete

• Mumu liaka watamba kuhanjika ni ana je shimbu kanda achipwa ni milonga?